BAQ.kz - Қазақстан жаңалықтары USD 369.98 BAQ.kz - Қазақстан жаңалықтары EUR 428.7 BAQ.kz - Қазақстан жаңалықтары RUB 5.64
استانا:

ازيا ويىندارىنان ەكى التىن مەدال كۇتىڭىزدەر – مىرزاعالي ايتجانوۆ

فوتو: мұрағат

بوكستان قازاقستان قۇراماسىنىڭ باس باپكەرى مىرزاعالي ايتجانوۆ ازيا ويىندارىنا قاتىساتىن بوكسشىلاردىڭ اشىق جاتتىعۋ جيىنىندا شاكىرتتەرىنىڭ دجاكارتادان قانشا مەدالمەن ورالۋعا قاۋقارلى ەكەنىن ايتتى، دەپ حابارلايدى baq.kz ٴتىلشىسى.

«ازيا ويىندارى – كىشى وليمپيادا. مۇندا دا وليمپيادا اۋىلى سەكىلدى اۋىل بار. جارىستار بارلىق سپورت تۇرىنەن وتەدى. بيىل 18-رەت ٴوتىپ جاتىر. بىزگە ەۋروپا ەلدەرى قىزعانىشپەن قاراپ وتىر. «ازياتتار سپورتتا الىسقا كەتتى»، دەيدى. ەۋروپا ويىندارىن ولار ٴبىرىنشى رەت ازەربايجاندا وتكىزدى. ال بىزدىكى 18-رەت وتپەكشى. سول سەبەپتى ازيا سپورتى دامىپ جاتقانىن كورۋگە بولادى»، - دەدى باس باپكەر.

سونداي-اق، دجاكارتاعا جەتى بوكسشى اپارا جاتقان ايتجانوۆ قانشا مەدالمەن ەلگە ورالۋى مۇمكىن ەكەنىن ايتتى.

«ازيا ويىندارىندا بوكسشىلاردان ەكى التىن مەدال، جالپى 4-5 مەدال كۇتىپ وتىرمىز. جانكۇيەرلەر بىزدەن ٴۇمىت كۇتەدى، سول سەبەپتى تولىقتاي بەرىلىپ، وسىنى ورىنداۋعا كۇش سالامىز. قازاقستان بوكسى 85 جىلدان بەرى جاساپ كەلە جاتىر. بىزگە دەيىن وسىنداي جول سالىپ بەردى. سول سەبەپتى قازاقستان الەمدە مىقتىلاردىڭ ٴبىرى. نەگە دەسەڭىز، ٴبىرىنشى كەزەكتە – پاتريوتيزم، ەلگە دەگەن ماحاببات، جەر كولەمى بويىنشا توعىزىنشى ورىندا تۇرعان سوڭ اتا-بابامىز بۇل جەردى ٴجايدان-جاي قالدىرماعان شىعار، ولار دا كۇرەستى. ال قازىرگىلەردىڭ باتىرلارى تۋىمىزدى كوتەرىپ، ٴانۇرانىمىزدى شىرقاتاتىن سپورتشىلار بولىپ وتىر»، - دەپ جاۋاپ بەردى ايتجانوۆ.

سونىمەن قاتار، باس باپكەر بۇل جولى نەلىكتەن بەلارۋسسيا قۇراماسىنىڭ بوكسشىلارىمەن بىرگە وقۋ-جاتتىعۋ جيىنىن وتكىزىپ وتىرعانىن ٴتۇسىندىردى.

«بەلورۋسسيامەن جاتتىعۋداعى سەبەبىمىز، كوپتەگەن كوماندالار بىزبەن جاتتىققىسى كەلەدى. سول سەبەپتى ولار بىزبەن وقۋ-جاتتىعۋ جيىنىن وتكىزگىسى كەلدى. بۇل بىزگە كەدەرگى كەلتىرمەيدى. ازيا ويىندارىنا دايىندالىپ جاتقان سوڭ بوكسشىلاردىڭ سپاررينگ سەرىگى ٴارتۇرلى بولۋى ٴتيىس. 2014 جىلى ينچحون الدىندا رەسەي قۇراماسىمەن دايىندالدىق. وليمپيادا الدىندا كۋبا، امەريكا، گەرمانيامەن بىرگە جاتتىقتىق. ٴار جىل سايىن كەمىندە 2-3 وقۋ-جاتتىعۋ جيىنىن وتكىزەمىز. بيىل انگليا، امەريكا قۇراماسىمەن وتكىزدىك. بۇل ٴوز كەزەگىندە جەمىسىن بەرەدى»، - دەدى ول.

بوكسشىلاردان سۇراعانىمىزدا باپكەرلەردىڭ ولارعا جىلقىنىڭ ەتى مەن قىمىزىن بەرەتىنىن ايتتى. وسى ورايدا ايتجانوۆ تا جىلقى ەتىنىڭ سپورتشىلارعا كومەكتەسەتىنىن جەتكىزدى.

«ول – ٴبىزدىڭ دوپينگىمىز. ٴبىز دوپينگ قولدانبايمىز. ال قازى، جىلقىنىڭ ەتى ٴبىزدىڭ دوپينگىمىز، باسقا ەشتەڭە جوق. 80 جىلدان استام ۋاقىتتا بىردە ٴبىر بوكسشى دوپينگپەن ۇستالمادى. ٴبىزدىڭ دوپينگ تابيعي، حيميالىق ەمەس. ال دجاكارتاعا قانشا اپاراتىنىمىز قۇپيا»، - دەدى ول.

ەسكە سالا كەتسەك، ازيا ويىندارى يندونەزيا استاناسى دجاكارتادا 18 تامىز كۇنى باستالادى. ال بوكسشىلار رينگكە 24 تامىزدان باستاپ كوتەرىلەدى. ال فينالدىق جەكپە جەكتەر 1 قىركۇيەك كۇنى وتەدى. قازاقستان قۇراماسىنان ازيا ويىندارىنا بوكستان 49 كەلىدە تەمىرتاس ٴجۇسىپوۆ، 52 كەلىدە ازات ماحمەتوۆ، 56 كەلىدە قايرات ەراليەۆ، 60 كەلىدە ٴساماتالى تولتايەۆ، 64 كەلىدە بەكداۋلەت يبراگيموۆ، 69 كەلىدە اسلانبەك شىمبەرگەنوۆ جانە 74 كەلىدە ٴابىلحان امانقۇل قاتىسادى


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي