BAQ.kz - Қазақстан жаңалықтары USD 360.87 BAQ.kz - Қазақстан жаңалықтары EUR 410.27 BAQ.kz - Қазақстан жаңалықтары RUB 5.4
استانا:

ازيا ويىندارىنا باراتىن بوكسشىلار دايىندىقتارىن پىسىقتادى

فوتو: Нұржас Жақсыбай

بۇگىن استاناداعى «تارلان ارەنادا» دجاكارتادا وتەتىن ازيا ويىندارىنا قاتىساتىن بوكستان ەرلەر قۇراماسى اشىق جاتتىعۋ وتكىزدى، دەپ حابارلايدى baq.kz ٴتىلشىسى.

ازيا ويىندارىنا بوكستان 49 كەلىدە تەمىرتاس ٴجۇسىپوۆ، 52 كەلىدە ازات ماحمەتوۆ، 56 كەلىدە قايرات ەراليەۆ، 60 كەلىدە ٴساماتالى تولتايەۆ، 64 كەلىدە بەكداۋلەت يبراگيموۆ، 69 كەلىدە اسلانبەك شىمبەرگەنوۆ جانە 74 كەلىدە ٴابىلحان امانقۇل قاتىسادى.

بۇگىن بەلارۋس ەلىنىڭ قۇراماسىمەن بىرگە وتكەن وقۋ-جاتتىعۋ جيىنىندا بوكستان قازاقستان قۇراماسىنىڭ باس باپكەرى مىرزاعالي ايتجانوۆ شاكىرتتەرىنىڭ دايىندىعىنا باعا بەردى.

«وقۋ-جاتتىعۋ جيىنىمىز 16 تامىز كۇنى بىتەدى. سول كۇنى كەشكىسىن يندونەزياعا جول تارتامىز. ەشقايسىسىن ٴبولىپ-جارمايمىز، جايدان-جاي بارا جاتقان جوق. قايرات ەراليەۆ اسىلانبەك شىنبەرگەنوۆ جانە ٴابىلحان امانقۇل سەكىلدى تاجىريبەسى مول بوكسشىلارىمىز بار. جاس بوكسشىلار دا بار. ەڭ مىقتى دەگەن 7 بوكسشى ازيا ويىندارىنا قاتىسادى. كىمنىڭ باعى مەن بابى قاتار شابادى، سول ەلگە التىنمەن ورالادى»، - دەدى باس باپكەر.

ونىڭ ايتۋىنشا، قازاقستان قۇراماسىنا وزبەكستان بوكسشىلارى باستى قارسىلاس بولىپ وتىر.

«بوكستان بارلىعى وتىزدان استام كوماندا قاتىسادى. باستى قارسىلاس، ارينە، وزبەكستان قۇراماسى. ودان دا بولەك فيليپپين، تايلاند، قىتاي، مونعوليا، يران سياقتى كوپتەگەن ەلدەر بار. ازيانىڭ بوكسى وتە مىقتى دامىعان»، - دەدى ول.

ازيا ويىندارىندا 423 سپورتشى ەل نامىسىن قورعايدى. سونىڭ ىشىندە بوكسشى ٴابىلحان امانقۇلعا قازاقستان تۋىن ۇستاپ شىعۋ مىندەتى ارتىلىپ وتىر. سونداي-اق ول ازيا ويىندارىنا باراتىن بوكستان ۇلتتىق قۇراما كاپيتانى بولىپ بەكىتىلدى.

«جىل باسىنان بەرى ازيا ويىندارىنا دايىندىق جۇرگىزىپ كەلە جاتىرمىز. وقۋ-جاتتىعۋ جيىندارىنان وتتىك. نەبىر جارىستاردان ٴوتىپ، ىرىكتەلدىك. باپكەرلەر جاقسى دايىنداپ جاتىر. دايىندىعىمىز وتە جاقسى، كەرەمەت. جاقسى كوڭىل-كۇيمەن بارا جاتىرمىز. ازيا ويىندارىنا ەشكىم وسال دايىندالىپ كەلمەيدى. قازاقستان سپورتىنىڭ دەڭگەيى دە وتە جوعارى، سوندىقتان بارلىق سپورتشىلاردان جوعارى دەڭگەيدەگى ناتيجە كۇتەمىز. ٴوزىمىز قازاق ەلىنىڭ تۋىن كوتەرىپ قايتامىز دەگەن ويدامىز»، - دەدى بوكسشى.

امانقۇل تۋ ۇستاپ شىعۋعا ٴالى دايىندالماعانىن اتاپ ٴوتتى.

«ٴالى دايىدالمادىق. بۇكىل سپورتشىلاردىڭ الدىندا، بۇكىل ەلدىڭ الدىندا تۋدى كوتەرىپ شىعۋ – وتە ۇلكەن جاۋاپكەرشىلىك، ابىروي. سول جاۋاپكەرشىلىكتى اقتاپ كەلۋ كەرەك. قازاقي بالا بولىپ، اۋىلدا وسكەن سوڭ بۇل مىندەتتى ماعان تاپسىرعان شىعار دەگەن ويدامىن»، - دەدى ول.

7 بوكشىنىڭ اراسىندا قايرات ەراليەۆتىڭ تاجىريبەسى وتە مول. سەبەبى ول 2014 جىلى ينچحوندا وتكەن سوڭعى ازيا ويىندارىندا قولا جۇلدەگە يە بولعان ەدى. سونداي-اق ول 2017 جىلى بوكستان الەم چەمپيونى اتانعان بولاتىن.

قايرات ەراليەۆ 56 كەلى سالماق دارەجەسىندە.

«دايىندىعىمىز وتە جاقسى. ٴار ٴتورت جىل سايىن بولاتىن ازيا ويىندارىندا بار كۇش-جىگەرىمىزدى سالىپ، ەلىمىزدىڭ نامىسىن قورعاپ، كوك تۋىن جەلبىرەتسەك دەگەن ماقسات بار. جەڭىستى قولدان بەرمەيمىز دەگەن ۇمىتتەمىز. ٴبارىمىز ەلى ٴۇشىن بارا جاتقان سوڭ ٴار بوكسشىنىڭ العا قويعان ماقساتى بولادى. ولار جاقسى ناتيجە كورسەتۋى ٴۇشىن بارلىق كۇش-جىگەرىن سالادى دەگەن ويدامىن. بىر-بىرىمىزگە كومەكتەسىپ، قولداۋ بەرىپ اقىل-كەڭەسىمىزدى ايتامىز. قولدان كەلەتىنى سول عانا. ولاردى تەك قانا جىگەرلەندىرەمىز. دجاكارتاعا ازيا ويىندارىنىڭ چەمپونى اتانۋ ٴۇشىن نيەتتەنىپ بارا جاتىرمىز. بارلىق قارسىلاستى مىقتى قارسىلاس دەپ ەسەپتەۋ كەرەك»، - دەدى ەراليەۆ.

ۆيدەو: نۇراس جاقسىباي

ايتا كەتسەك، كوماندا 16 شىلدە كۇنى استانادان دجاكارتاعا ۇشادى. ازيا ويىندارىنىڭ رينگىنە بوكسشىلار 24 تامىزدان باستاپ شىعادى. ال فينالدىق جەكپە جەكتەر 1 قىركۇيەك كۇنى وتەدى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي