BAQ.kz - Қазақстан жаңалықтары USD 367.06 BAQ.kz - Қазақстан жаңалықтары EUR 416.17 BAQ.kz - Қазақстан жаңалықтары RUB 5.56
استانا:

ازياداداعى جەتىستىكتەرى ٴۇشىن سپورتشىلار قاراعاندى وبلىسى اكىمىنىڭ سىيلىعىن الدى

قاراعاندى وبلىسىنىڭ اكىمى ەرلان قوشانوۆ دجاكارتاداعى (يندونەزيا) حviii جازعى ازيا ويىندارىنا قاتىسۋشىلارمەن كەزدەستى، دەپ حابارلايدى baq.kz اقپارات اگەنتتىگى قاراعاندى وبلىسى اكىمدىگىنىڭ رەسمي سايتىنا سىلتەمە جاساپ.

ايماق باسشىسى سپورتشىلار مەن ولاردىڭ ۇستازدارىنا حالىقارالىق بىرىنشىلىكتە ٴساتتى ونەر كورسەتكەندەرى ٴۇشىن العىس ايتىپ، مەدال يەلەرىنە اقشالاي سىيلىق تابىس ەتتى. ازيادا چەمپيونى باعلان ىبراھىم جەرلەستەرىنىڭ اتىنان ماراپات رەتىندە جەزقازعان قالاسىندا ٴبىر بولمەلى پاتەر الدى.

«سىزدەر حviii ازيا ويىندرىندا ٴساتتى ونەر كورسەتتىڭىزدەر. ٴبىز سىزدەرگە جانكۇيەر بولدىق. سىزدەردىڭ ٴاربىر ويىندارىڭىزدى تاماشالادىق، مەدالدارىڭىز ٴۇشىن شىن جۇرەكتەن قۋاندىق. بارلىق جانكۇيەر قاراعاندىلىقتاردىڭ اتىنان سىزدەرگە العىسىمىزدى ٴبىلدىرىپ، ۇلكەن راحمەت ايتقىمىز كەلەدى. ازياداعا قاتىسۋ – ول سىزدەردىڭ جەكە جەڭىستەرىڭىز، ال يەلەنگەن مەدالدەرىڭىز – ٴبىزدىڭ ورتاق جەڭىسىمىز، ٴبىزدىڭ ەلدىڭ، ٴبىزدىڭ وبلىستىڭ جەتىستىگى. قازاقستاننىڭ كوكبايراعى وسى سەكىلدى ٴىرى سايىستاردا جيىرەك جوعارى كوتەرىلە بەرسىن. ٴبىز سىزدەرگە سەنەمىز جانە جاڭا جەڭىستەردى كۇتەمىز»، - دەدى ەرلان قوشانوۆ سپورتشىلارعا.

ەستەرىڭىزگە سالا كەتەيىك، قاراعاندى وبلىسىنىڭ اتىنان ەل قۇراماسىنىڭ قاتارىنا 10 سپورت ٴتۇرى بويىنشا 34 سپورتشى ەندى. قاراعاندىلىقتار 11 مەدال ۇتىپ الدى: 1 – التىن، 3 – كۇمىس، 7 – قولا. وبلىسىمىزدىڭ 9 سپورتشىسى 4-ورىندى يەلەندى.

كەزدەسۋ بارىسىندا ازياداعا قاتىسۋشىلار جانە ولاردىڭ باپكەرلەرى ٴوز اسەرلەرىمەن ٴبولىسىپ، الداعى حالىقارالىق بىرىنشىلىكتەر تۋرالى ايتتى.

سپورتشىلارعا ماراپاتتار تابىس ەتىلدى. التىن مەدالى ٴۇشىن سامبوشى باعلان ىبراھىم 1،5 ملن تەڭگە وبلىس اكىمى سىيلىعىن جانە جەزقازعان قالاسىندا ٴبىر بولمەلى پاتەر كىلتىن الدى.

«پاتەر – ول مەسەناتتار، جەزقازعاندىقتار مەن قاراعاندىلىقتار اتىنان جاسالعان سىيلىق. بۇل – ٴبىزدىڭ جاناشىر جەرلەستەرىمىزدىڭ العىسى. مەن جاي عانا كىلتتى تابىس ەتىپ وتىرمىن»، - دەپ اتاپ ٴوتتى ەرلان قوشانوۆ.

كۇمىس جۇلدەگەرلەرگە سىيلىق 1 ملن تەڭگەنى، ال قولا مەدال يەگەرلەرىنە – 750 مىڭ تەڭگەنى قۇرادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي