BAQ.kz - Қазақстан жаңалықтары USD 367.06 BAQ.kz - Қазақстан жаңалықтары EUR 416.17 BAQ.kz - Қазақстан жаңалықтары RUB 5.56
استانا:

اۋىر اتلەت ۇلانوۆقا ريو وليمپياداسىنىڭ مەدالى تابىستالدى

استانا، baq.kz. اشحابادتا ٴوتىپ جاتقان اۋىر اتلەتيكادان الەم چەمپيوناتىندا قازاقستاندىق سپورتشى دەنيس ۋلانوۆقا 2016 جىلعى وليمپيادا ويىندارىنىڭ قولا جۇلدەسى تابىستالدى. بۇل تۋرالى olympic.kz حابارلادى.

دەنيسكە وليمپيادا جۇلدەسى ەكى جىلدان كەيىن بۇيىردى. اۋىر اتلەتيكانىڭ ماماندارى جينالعان باسقوسۋدا قازاقستاندىق زىلتەمىرشى وزىنە تيەسىلى مەدالدى ەنشىلەدى. قازاقستاندىق زىلتەمىرشىگە حالىقارالىق اۋىر اتلەتيكا فەدەراسياسىنىڭ پرەزيدەنتى تاماش اياننىڭ ٴوزى قولا جۇلدەنى تاپسىردى.

ريوداعى وليمپيادا ويىندارىندا دەنيس ۋلانوۆ 85 كەلىگە دەيىنگى سالماق دارەجەسىندە باق سىناپ، ٴتورتىنشى ورىنعا تابان تىرەگەن بولاتىن. قوسسايىس قورىتىندىسى بويىنشا ٴبىزدىڭ سپورتشى 390 كەلىنى ەڭسەردى. رۋمىنيالىق گابريەل سينكاريان دا ٴدال وسى ناتيجەنى تىركەگەن. الايدا، سالماعىنىڭ جەڭىلدىگىنە بايلانىستى قولا جۇلدە سينكارياننىڭ قورجىنىندا كەتكەن.

كەيىن سينكارياننىڭ وليمپيادا ويىندارىندا تاپسىرعان دوپينگ سىناماسى وڭ ناتيجە بەرگەنى انىقتالدى. رۋمىن اتلەتى سپورتتان شەتتەتىلىپ، ونىڭ وليمپياداداعى كورسەتكىشى جوققا شىقتى. وسىلايشا، قولا مەدال رەسمي تۇردە دەنيس ۋلانوۆقا تابىستالدى.

"بۇل جۇلدەنى تۇتاستاي ەكى جىل كۇتتىم. ارينە، وليمپيادا تۇعىرىندا تۇرعانداي سەزىم بولعان جوق. دەسە دە، بۇل ٴساتتى دە جاقسى ورايلاستىرىپ، ەلىمىزدىڭ تۋىن كوككە كوتەردى. مۇنىڭ ٴبارى جاقسى اسەر قالدىردى. قولا مەدال العانىما ەندى سەنە باستادىم. بارلىق تەكسەرۋ اياقتالىپ، جۇلدەگە قول جەتتى. مەنەن مەدالدى قاي كەزدە العىم كەلەتىنىن جولداپ، حات جازعان بولاتىن. بىردەن الەم چەمپيوناتىندا تابىستاعانىن قالادىم. ەلىمىزدەگى سپورتتى دامىتۋعا قوسقان ۇلەسى ٴۇشىن ەلباسى نۇرسۇلتان نازاربايەۆقا العىس ايتامىن. سپورتشىلارعا ۇلكەن مۇمكىندىك سىيلاعان ۇوك پرەزيدەنتى تيمۋر ق ۇلىبايەۆ پەن ٴبىزدىڭ فەدەراسيامىزدىڭ باسشىسى جانات تۇسىپبەكوۆكە دە العىسىم زور. قازىرگى قۋانىشىمدى سوزبەن جەتكىزۋ مۇمكىن ەمەس - دەيدى ۋلانوۆ.

اشحابادتاعى الەمدىك سىندا ۋلانوۆ 89 كەلىگە دەيىنگى سالماقتا سىنعا ٴتۇسىپ، ۆ توبىندا ونەر كورسەتتى. جاراقاتىنا قاراماستان 352 كەلىنى كوتەرگەن جەرلەسىمىز جالپى ەسەپتە 14-ورىنعا تۇراقتادى.

ول 2020 جىلعى وليمپيادا ويىندارىنىڭ فاۆوريتتەرى قاتارىندا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي