BAQ.kz - Қазақстан жаңалықтары USD 352.54 BAQ.kz - Қазақстан жаңалықтары EUR 415.15 BAQ.kz - Қазақстан жаңалықтары RUB 5.31
استانا:

اتىراۋلىق كاراتەشى ازيا چەمپيونى اتاندى

فوتو: АО ӨКҚ

بۇگىن تاڭەرتەڭ اتىراۋ حالىقارالىق اۋەجايىندا سپورتشىنى جاقىن تۋىستارى، دوستارى سالتاناتتى تۇردە قارسى الدى، دەپ حابارلايدى baq.kz اقپارات اگەنتتىگى وڭىرلىك كوممۋنيكاسيالار قىزمەتىنە سىلتەمە جاساپ.

«قايسار» سپورت كلۋبىنىڭ تاربيەلەنۋشىسى جاپوندىق وكيناۆا ارالىندا كاراتە-دودان ەرەسەكتەر مەن جاسوسپىرىمدەر اراسىندا وتكەن ازيا چەمپيوناتىنا قاتىستى. ازيا چەمپيناتىنا ٴار ٴتۇرلى مەملەكەتتەن 700-گە جۋىق سپورتشى قاتىستى. جارىستا الەم جانە ازيا چەمپيوناتىنىڭ جۇلدەگەرلەرى دە باق سىنادى.

17 جاسار اتىراۋلىق ٴابىلمانسۇر باتىرعالي 68 كگ دەيىنگى سالماق دارەجەسىندە جانە «يۋنيورى» جاس ساناتىندا سىنعا ٴتۇستى. سپورتشى 4 كەزدەسۋ وتكىزىپ، شري-لانكا، وزبەكستان، تايلاند جانە يراندىق قارسىلاستارىنان باسىپ ٴتۇسىپ، ازيا چەمپيونى اتاندى.

«ەڭ قيىن كەزدەسۋ فينالدا يراندىق سپورتشىمەن بولدى. بارلىعىنا بەلگىلى، يراندا بارلىق جەكپە-جەك تۇرلەرى جاقسى دامىعان، قارسىلاسىم وتە جاقسى دايىندالعان، سوندىقتان ٴبىز سوڭىنا دەيىن بىردەي ۇپايدا بولدىق. ٴبىراق، ماعان جەڭىس بۇيىردى»، - دەدى ٴابىلمانسۇر باتىرعالي.

جاتتىقتىرۋشى سانسىزباي تورعايەۆتىڭ ايتۋىنشا، جارىس جاسوسپىرىمدەرگە بۇدان دا جوعارى دەڭگەيدەگى جارىستارعا جولداما بولدى.

«الداعى ۋاقىتتا ٴابىلمانسۇر بولگاريادا وتەتىن جاستار اراسىنداعى حالىقارالىق دەڭگەيدەگى جارىسقا قاتىسادى. وندا جەڭگەن سپورتشى ارگەنتيناداعى بۋەنوس-ايرەس قالاسىنداعى جاستار وليمپياداسىنا جولداما الادى»، - دەيدى سانسىزباي تورعايەۆ.

ايتا كەتەيىك، ٴابىلمانسۇر باتىرعالي وتكەن جىلى استانادا وتكەن ازيا چەمپيوناتىنىڭ كۇمىس جۇلدەگەرى اتانعان بولاتىن، سول جىلى كاراتە-دودان الەم كۋبوگىنىڭ يەگەرى بولدى، سپورت شەبەرىنە ۇمىتكەر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي