BAQ.kz - Қазақстан жаңалықтары USD 369.36 BAQ.kz - Қазақстан жаңалықтары EUR 431.3 BAQ.kz - Қазақстан жаңалықтары RUB 5.45
استانا:

استانادا «وتباسىلىق دۋاتلونعا» 40-تان اسا وتباسى قاتىستى

ەلىمىزدە اتاپ وتىلەتىن وتباسى كۇنىنە وراي ەلوردالىق 41 وتباسى سەنبى كۇنى تاڭەرتەڭ «وتباسىلىق دۋاتلونعا» قاتىسۋ ٴۇشىن ترياتلون پاركتە جينالدى. جارىس «دەنى ساۋ وتباسى – دەنى ساۋ ۇلت» ۇرانىمەن جانە ەلىمىزدىڭ باس قالاسىنىڭ 20 جىلدىعى قۇرمەتىنە استانا قالاسىنىڭ مادەنيەت جانە سپورت باسقارماسىمەن ۇيىمداستىرىلدى، دەپ حابارلايدى baq.kz اقپارات اگەنتتىگى.

باستارىنا شلەم كيىپ، ۆەلوسيپەدكە مىنگەن اتا-انالار مەن بالالار فيتنەس جاتتىقتىرۋشىلاردىڭ جەتەكشىلىگىمەن ازداپ جاتتىعۋ جاسادى.

جالپى، بيىلعى دۋاتلوندا بالالار ٴۇشىن ٴۇش جاس ساناتى بەلگىلەندى: 8-9 جاس، 10-11 جاس جانە 12-13 جاس. قاشىقتىقتىڭ جالپى ۇزىندىعى – 4،5 كم. الدىمەن 2،1 قاشىقتىققا اكەلەر جۇگىردى، ەستافەتانى ۆەلوسيپەدكە مىنگەن انالار الدى. جارىستى بالالار مارەگە دەيىن 300 مەتر جۇگىرۋمەن اياقتادى.

«وتباسىلىق دۋاتلون» داستۇرگە اينالدى، ونى وسىمەن، بيىل ٴۇشىنشى رەت وتكىزىپ وتىرمىز. جارىسقا قاتىسۋعا نيەت بىلدىرگەن وتباسىلار سانى ەداۋىر ارتتى. بىلتىر 30 وتباسى بولعان. بيىل 8-9 جاس ساناتى قوسىلدى. كەلەر جىلى 5-6 جاستاعى بالالاردى قوسپاقپىز. جارىسقا قاتىسۋعا وتىنىمدەر الدىن الا ەلەكتروندى تۇردە قابىلداندى، مىندەتتى تۇردە شلەم مەن دارىگەردىڭ رۇقساتى بولۋى كەرەك»، - دەدى «استانا قالاسىنىڭ سپورتتىق-بۇقارالىق ٴىس-شارالار وتكىزۋ ديرەكسياسى» كمم باسشىسى ازامات يماشەۆ.

جۇلدەلى ٴۇش ورىننىڭ يەگەرلەرىنە تۇرمىستىق تەحنيكا (تەلەديدارلار)، ال بالالارعا – جاڭا ۆەلوسيپەدتەر تابىستالدى. ۇيىمداستىرۋشىلار ٴاربىر قاتىسۋشىعا ەستەلىك رەتىندە ارنايى مەدالدار بەردى.

وسى ساناتتا قوجانوۆتار وتباسى كۇمىس، تولەگەنوۆتار اۋلەتى قولا جۇلدە يەلەندى.

12-13 جاس ساناتىندا ساليكجانوۆتار وتباسى ٴبىرىنشى ورىن الدى. شەۆچەنكو وتباسى ەكىنشى، قۋانىشبايەۆتار ٴۇشىنشى ورىنعا تابان تىرەدى.

جەڭىمپازداردى ماراپاتتاۋ جانە قۇتتىقتاۋ سالتاناتى لوتەرەيا ۇتىسىمەن جالعاستى. جارىسقا قاتىسۋشىلار اراسىندا 5 ۆەلوسيپەد ويناتىلدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي