BAQ.kz - Қазақстан жаңалықтары USD 341.08 BAQ.kz - Қазақстан жаңалықтары EUR 394.46 BAQ.kz - Қазақстан жаңалықтары RUB 5.37
استانا:

استانادا كيوكۋشينكاي-كان كاراتەدەن ازيا چەمپيوناتى وتەدى

16-17 ماۋسىم كۇندەرى «داۋلەت» سپورتكومبيناتىندا استانا قالاسىنىڭ 20 جىلدىق مەرەيتويىنا وراي كيوكۋشينكاي-كان كاراتەدەن بالالار، جاسوسپىرىمدەر، كىشى جاستاعى قىزدار، ەرلەر جانە ايەلدەر اراسىندا اشىق ازيا چەمپيوناتى وتەدى، دەپ حابارلايدى baq.kz اقپارات اگەنتتىگى.

بۇل چەمپيوناتتا كۋميتە جانە كاتا ٴتۇرى بويىنشا 12 جاستان جوعارى سپورتشىلار 37 كگ سالماق بويىنشا سىنعا تۇسەدى.

قۇرلىقتىق باسەكەگە 12 مەملەكەتتەن 250-گە جۋىق سپورتشى قاتىسادى دەپ جوسپارلانۋدا. قازىرگى تاڭدا چەمپيوناتقا يران، يراك، ٴۇندىستان، اۋعانستان، تاجىكستان، قىرعىزستان، رەسەي، جاپونيا، مونعوليا، تۇركمەنستان مەملەكەتتەرى قاتىساتىندىعىن راستادى.

جىلدىڭ بايراقتى باسەكەسىندە ەل نامىسىن ەرلەر اراسىنداعى الەم چەمپيونى اليشەر كارمەنوۆ، 2015 جىلدىڭ ازيا چەمپيونى، الەم بىرىنشىلىگىنىڭ كۇمىس جۇلدەگەرى نيكيتا گاراس، ايەلدەر اراسىنداعى الەم چەمپيوناتىنىڭ كۇمىس جۇلدەگەرى الەمگۇل سابىرحان، جاستار اراسىنداعى الەم چەمپيوناتىنىڭ كۇمىس جۇلدەگەرى مادينا ساۋىتوۆا سىندى ەلىمىزدىڭ ۇزدىك جاس تاتامي شەبەرلەرى قورعايتىن بولادى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي