BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

استانادا قازاق كۇرەسىنەن ازيا چەمپيوناتى وتەدى

فوتو: aikyn.kz

2018 جىلدىڭ 26 تامىز كۇنى استانا قالاسىندا قازاق كۇرەسىنەن ازيا چەمپيوناتى وتەدى. قازاق كۇرەسىنەن چەمپيوناتقا 20 مەملەكەتتەن 80 سپورتشى قاتىسادى، دەپ حابارلايدى baq.kz اقپارات اگەنتتىگى.

قازىرگى تاڭدا ازيا چەمپيوناتىنا قاتىسۋعا جاپونيا، وزبەكستان، تاجىكستان، موڭعولييا، يران، پاكىستان مەن ٴۇندىستان مەملەكەتتەرى وزدەرىنىڭ مىقتى دەگەن سپورتشىلارىن دايىنداپ وتىر.

«چەمپيوناتقا مىقتى دەگەن پالۋاندار قاتىسادى. ايتالىق، موڭعوليادان دزيۋدودان چەمپيون، ەۋرازيا بارىسىنىڭ كۇمىس جۇلدەگەرى اتانعان گان توۆشينجارگال قاتىسادى. ال، وزبەكستاننان ەركين دانياروۆ بار. ول الەم چەمپيونى، وزبەكستاننىڭ ەكى دۇركىن چەمپيونى اتانعان سپورتشى، ٴارى قازاق كۇرەسىنىڭ ەرەجەلەرىن وتە جاقسى بىلەدى. قىرعىستان مەن جاپونيانىڭ دا كوماندارى وسال ەمەس. سوندىقتان ٴبىزدىڭ پالۋاندارىمىز مەدال الۋى ٴۇشىن ٴبىراز تەر توگۋى كەرەك. وڭاي جەڭىس بولمايتىنى انىق»، - دەدى ۇلان رىسقۇل قازاق كۇرەسىنەن حالىقارالىق فەدەراسياسىنىڭ باس ديرەكتور كەڭەسشىسى، قازاقستان بارىسى اتانعان سپورتشى.

جارىس 8 سالماقتىق دارەجە جانە ابسوليۋتتىك بويىنشا وتەدى.

ازيا چەمپيوناتى قازاقستان رەسپۋبليكاسىنىڭ مادەنيەت جانە سپورت مينيسترلىگى، استانا قالاسىنىڭ اكىمدىگى، سامرۇق قازىنا ٴال اۋقات قورى، erg ەۋرازيالىق توبىنىڭ قولداۋىمەن جۇزەگە اسۋدا. ۇيىمداستىرۋشىلارى «حالىقارالىق قازاق كۇرەسى فەدەراسياسى» زتب.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي