BAQ.kz - Қазақстан жаңалықтары USD 352.54 BAQ.kz - Қазақстан жаңалықтары EUR 415.15 BAQ.kz - Қазақстан жаңалықтары RUB 5.31
استانا:

«استانا» مەن «سۋتەسكا» ماتچىن قايدان كورۋگە بولادى

فوتو: ашық дереккөзден

بۇگىن 11 شىلدەدە qazsport تەلەارناسى astana arena كەشەنىندە وتەتىن «استانا» – «سۋتەسكا» كوماندالارىنىڭ ويىنىن ساعات 19:55-تە تىكەلەي ەفيردە كورسەتەدى، دەپ حابارلايدى baq.kz اقپارات اگەنتتىگى.

قازاقستاندىق «استانا» كلۋبىنىڭ ويىنشىلارى چەمپيوندار ليگاسىنىڭ ٴبىرىنشى ىرىكتەۋ كەزەڭىندە چەرنوگوريالىق «سۋتەسكا» كلۋبىمەن كەزدەسەدى. العاشقى ماتچ 11 شىلدە كۇنى استانادا، ال ەكىنشى ويىن 18 شىلدەدە چەرنوگوريادا وتەدى. ەكىنشى ويىندى دا qazsport تەلەارناسى تىكەلەي ەفيردە استانا ۋاقىتى بويىنشا 18 شىلدەدە 23:55-تە كورسەتەتىن بولادى. چەمپيوندار ليگاسىنىڭ بۇل كەزەڭىندە جەڭىلگەن ۇجىم ەۋروپا ليگاسىنىڭ ەكىنشى كەزەڭىندە وينايدى.

«سۋتەسكا» فۋتبول كلۋبى 1927 جىلى چەرنوگوريانىڭ نيكشيچ قالاسىندا قۇرىلدى. ٴوز الاڭىنداعى ويىندارىن كراي نيكشيچ اتىنداعى ستاديوندا وتكىزەدى. «سۋتەسكا» كلۋبى ٴۇشىن بۇل جەتىنشى ەۋروكۋبوك ماۋسىمى بولماق، وعان دەيىن 2003 جىلى ينتەرتوتو كۋبوگىندا، 2013/14 جانە 2014/15 جىلى چەمپيوندار ليگاسىندا، ال 2009/10، 2015/16، 2017/18 جىلدارى ەۋروپا ليگاسى كەزەڭدەرىندە ويناعان بولاتىن.

«سۋتەسكا» كلۋبىنىڭ تاريحىندا ەڭ تانىمال ويىنشىلاردىڭ ٴبىرى ميركو ۆۋچينيچ يتاليانىڭ «لەچچە»، «روما» جانە «يۋۆەنتۋس» كوماندالارىندا ويناعان.

سونداي-اق، 19 شىلدەدە 18:55-تە qazsport تەلەارناسى تىكەلەي ەفيردە «قايرات» - «ەنگوردان» (اندوررا) ويىنىن كورسەتەدى. ال ودان كەيىن «ەرتىس» - «تراكاي» (ليتۆا) جانە «توبىل» - «سامترەديا» (گرۋزيا) كوماندالارىنىڭ ويىندارىن ترانسلياسيالاۋ جوسپارلانىپ وتىر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي