BAQ.kz - Қазақстан жаңалықтары USD 361.94 BAQ.kz - Қазақстан жаңалықтары EUR 423.25 BAQ.kz - Қазақстан жаңалықтары RUB 5.4
استانا:

astana marathon: 5 مىڭعا جۋىق مارافونشى ەلوردا كوشەلەرىمەن جۇگىرىپ ٴوتتى

فوتو: Нұржас Жақсыбай

بۇگىن استانادا جىل سايىنعى «astanamarathon-2018» حالىقارالىق مارافونى ٴوتتى. baq.kz ٴتىلشىسى 21 مەملەكەت وكىلىنىڭ، 5 مىڭعا جۋىق جەلاياقتىڭ باسىن قوسقان سپورتتىق شارانىڭ قالاي ۇيىمداستىرىلعانىن كورىپ قايتقان ەدى.

«بيىلعى astanamarathon-عا 21 مەملەكەتتىڭ وكىلى قاتىستى. اتاپ وتسەك، رەسەي، وزبەكستان، قىرعىزستان، تۇركيا، بەلارۋس، گرۋزيا، وڭتۇستىك كورەيا، ٴباا، اقش، جاپونيا، مالايزيا، اۋستراليا ەلدەرى. سونداي-اق، ەۋروپانىڭ 10 شاقتى ەلى مەن افريكا ەلدەرىنەن كەلگەن مارافونشىلار دا بار. بارلىعى 5 مىڭعا جۋىق ادام ەكى ديستانسيا: 10 كم جانە 42 كم قاشىقتىقتى جۇگىرىپ ٴوتتى. جارىسقا 16 مەن 70 جاستان اسقان ازاماتتار قاتىستى. 42 شاقىرىمدىق مارافونعا قاتىسۋ ٴۇشىن 8 مىڭ تەڭگە، 10 كم قاشىقتىقتاعى جارىسقا قاتىسۋ ٴۇشىن 4 مىڭ تەڭگە تولەۋ كەرەك بولدى. بۇل اقشاعا قاتىسۋشىعا ارنايى جيىنتىق بەرىلدى. وندا فورما، ياعني، فۋتبولكا مەن چيپتەر ورناتىلعان نومەرلەر بار. چيپتەر ستارت پەن مارە ۋاقىتىن ەسەپتەۋگە ارنالعان»، - دەدى astanamarathon ٴباسپاسوز حاتشىسى ساۋلە تولەپبەرگەنوۆا.

ونىڭ ايتۋىنشا، 2009 جىلدان بەرى جىل سايىن ۇيىمداستىرىلىپ كەلە جاتقان astanamarathon-دا جينالعان قاراجات قايىرىمدىلىق شارالارىنا جۇمسالادى. وسى ۋاقىتتان بەرى ۇيىمداستىرۋشىلار مارافوننان 36 ميلليون تەڭگەدەن استام قارجى جيناعان ەكەن.

«بىلتىر جاڭا تۋعان سابيلەرگە ارنالعان مەديسينالىق اپپارات الىنعان بولاتىن. ال ٴقازىر ناقتى قايدا باعىتتالاتىنىن ايتا المايمىن. بيىل دا جينالعان قارجى يگى ىستەرگە جۇمسالماق. ياعني، بۇل اقشا قايىرىمدىلىق قورىنا جىبەرىلەدى، ال قور قاراجاتتى كەرەك-جاراعىنا جۇمسايدى. ارينە، بۇل اقشانىڭ ٴتيىستى جەرگە جۇمسالۋىن جۋرناليستەر باقىلاۋدا ۇستاۋى كەرەك»، - دەدى ساۋلە تولەپبەرگەنوۆا.

ٴباسپاسوز حاتشىسىنىڭ مالىمەتىنشە، مارافون جەڭىمپازدارىنا باعالى سىيلىقتار پەن اقشالاي سىياقى تابىستالدى. ماسەلەن، جەڭىمپازدار الاتىن قارجىلاي سىياقى كولەمى 20 مىڭ تەڭگەدەن 905 مىڭ تەڭگە ارالىعىندا قۇبىلدى.

فوتو: نۇرجاس جاقسىباي

«ٴبىز - سپورتشىمىز. پاۆلودار قالاسىنان وسى مارافونعا ارنايى كوماندامەن كەلىپ، قاتىسۋدىڭ ٴساتى ٴتۇستى. 10 شاقىرىمعا دا، 42 شاقىرىمعا دا جۇگىردىك. سپورتشى بولعاندىقتان ٴبىز كۇندەلىكتى دايىندالامىز. كۇنىنە 10-15 كم جۇگىرىپ وتىرامىز. نەگىزى، ٴبىز وسىنداي جارىستارعا جىلدا قاتىسامىز. وتكەن جىلى دا، بيىل جازدا استانادا وتكەن مارافونعا دا قاتىستىق. كەيدە كوماندامىز ورىن الادى. مەن وسى جولى 10 شاقىرىمدىق مارافونعا ونشا قاتتى دايىن بولمادىم. جارىسقا ادام كوپ قاتىسادى. ولار ٴبىر جاعىنان قالانىڭ ٴىشىن، ادەمى جەرلەرىن كورىپ شىعاتىنى جاقسى»، - دەدى كوپسايىسشى رىسبەك الداروۆ.

ال، مارافونعا العاش رەت قاتىسىپ وتىرعان ەلوردالىق يۆان بەلوۋسوۆ بۇنداي سايىستا جاڭا قاتىسۋشىلارعا جەڭىسكە ۇمىتتەنىپ كەرەك ەمەس دەيدى. ويتكەنى، مىڭداعان ادامنىڭ اراسىندا جەڭىسكە جەتۋ ٴۇشىن كاسىبي سپورتشىلارداي دايىندالۋ كەرەك.

فوتو: نۇرجاس جاقسىباي

«بۇنداي جارىستا باستىسى جەڭىس ەمەس، قاتىسۋدىڭ ٴوزى ۇلكەن جەتىستىك. جەكسەنبى بولعانىنا قاراماستان بۇنداي شاراعا كەلگەندەردىڭ بارلىعى – جەڭىمپازدار. سەبەبى، ولار وزدەرىن جەڭدى»، - دەيدى يۆان بەلوۋسوۆ.

وسىنداي اۋقىمدى شارانىڭ قالانىڭ تىنىس-تىرشىلىگىنە قالاي اسەر ەتكەنىن دە كورىپ قايتۋدى ٴجون كوردىك. سەبەبى، بۇگىن astanamarathon-نىڭ ۇيىمداستىرىلۋىنا بايلانىستى قالانىڭ ٴبىرقاتار كوشەسى جابىلعان بولاتىن. ناقتىلاساق، ساعات 7:00-دەن 13:00-گە دەيىن مارافونعا قاتىسۋشىلاردىڭ جۇگىرۋ باعىتى بويىنشا ترانسپورت قۇرالدارىنىڭ قوزعالىسى شەكتەلدى. 11 اۆتوبۋس باعىتىنداعى قوعامدىق كولىكتىڭ دە قوزعالىسى ۋاقىتشا توقتاتىلدى.

10 كم قاشىقتىقتاعى جارىس قالانىڭ سول جاعالاۋىندا عانا وتسە، 42 شاقىرىمدىق مارافون وڭ جاعالاۋدى دا قامتىدى. astana marathon مارشرۋتى قالانىڭ بارلىق نەگىزگى كورىكتى جەرلەرىن كورسەتەتىندەي ەتىپ قۇرىلدى. جارىس جولى بەيبىتشىلىك جانە كەلىسىم سارايى، ازىرەت سۇلتان مەشىتى، بايتەرەك مونۋمەنتى، نازاربايەۆ ۋنيۆەرسيتەتى، استانا – ارەنا ستاديونىنىڭ بويىنان ٴوتتى. جولدار جارىستىڭ سوڭعى قاتىسۋشىسى جۇگىرىپ وتكەننەن كەيىن اشىلىپ وتىردى.

ەلوردا تۇرعىنى الەكساندر الەكسەەۆ قالادا وتەتىن مارافونداردى ۇناتپايتىنىن ايتتى.

«سەبەبى، جولداردىڭ بارلىعى جابىلىپ، جۇمىسىڭدى بىتىرە الماي قالاسىڭ. مەن كوشەلەر جابىق بولاتىنىن ەستىگەندىكتەن، بۇگىن قالانىڭ كوپ جەرلەرىنە ادەيى بارمادىم. جەكە كولىگىممەن ٴبىر پۋنكتكە عانا باردىم. دەگەنمەن، قوعامدىق كولىكپەن جۇرەتىن تانىستارىم بۇگىن تاڭەرتەڭ اۆتوبۋس مارشرۋتتارى وزگەرىپ، ٴبىراز جەردى شارلاعاندارىن ايتىپ رەنجىدى. ارينە، بۇل ىڭعايسىز، كوپ ۋاقىتىڭدى الىپ قويادى»، - دەيدى ول.

كولىك تىزگىندەگەن استانالىق ٴمادي ٴجۇمادىلوۆ تە مارافونداردى كوپ ۇناتا بەرمەيتىنىن جەتكىزدى. ونىڭ ايتۋىنشا، وسىنداي ۇلكەن جارىستاردى قالا سىرتىنداعى تاس جولداردا ۇيىمداستىرعان دۇرىس. سوندا ەشكىمگە كەدەرگى كەلمەيدى.

فوتو: نۇرجاس جاقسىباي

«ٴبىراق، مەن بۇگىن مارافونعا قاتىسۋعا كەلگەن ادامداردىڭ كوپتىگىن بايقاپ قالىپ، قىزىقتىم. مەن دە جولداعى قولايسىزدىققا قاراماستان وسىنداي ۇلكەن شاراعا قاتىسقىم كەلىپ كەتتى. ٴبىر جاعىنان بۇنداي شارالاردىڭ قالامىزدا ٴوتىپ تۇرعانى دا جاقسى شىعار»، - دەپ ٴبولىستى ٴمادي ٴجۇمادىلوۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي