BAQ.kz - Қазақстан жаңалықтары USD 368.28 BAQ.kz - Қазақстан жаңалықтары EUR 419.21 BAQ.kz - Қазақстан жаңалықтары RUB 5.59
استانا:

"استانا" چەحيالىق "يابلونەستى" جەڭدى

استانا، baq.kz ٴتىلشىسى. بۇگىن ەۋروپا ليگاسى توپتىق كەزەڭىنىڭ 4-تۋرىندا «استانا» فۋتبول كلۋبى ٴوز الاڭىندا چەحيانىڭ «يابلونەس» كومانداسىن قابىلدادى. ماتچ 2:1 ەسەبىمەن اياقتالدى.

"استانا" الاڭعا كەلەسىدەي قۇراممەن شىقتى: ەريچ، رۋكاۆينا، انيچيچ، پوستنيكوۆ، زاينۋتدينوۆ، مايەۆسكيي، كلياينحايسلەر، توماسوۆ، پەدرو ەنريكە، ريچارد المەيدا، كابانانگا.
"يابلونەس": گرۋبى، گوۆوركا، حيۋبشمان، گانوۋسەك، پوۆاجانەس، تراۆنيك، ليشكا، دولەجال، سوبول، يوۆوۆيچ، گولەش.

ويىننىڭ 18-مينۋتىندا "استانا" فۋتبولشىسى پەدرو ەنريكە ەسەپ اشتى. 41-مينۋتتا قارسىلاس كوماندا ويىنشىسى دەۆيد ليشكا "استانا" قاقپاسىنا گول سوعىپ، ەسەپتى تەڭەستىردى. ماتچتىڭ العاشقى بولىگى 1:1 ەسەبىمەن اياقتالدى.
ەكىنشى تايمدا كوماندالار بىر-بىرىنە شابۋىلداعانىمەن دە گول سالا المادى. تەك ويىننىڭ 88-مينۋتىندا "استانا" فۋتبولشىسى ەۆگەنيي پوستنيكوۆ قارسىلاس قاقپاسىنا گول سوعىپ، كومانداسىن العا شىعاردى.

ٴتورت تۋردان كەيىن 8 ۇپاي جيناعان "استانا" ك توبىنىڭ كوشباسىنا شىقتى. 5 ۇپايى بار ۋكراينالىق "دينامو" مەن ٴۇش ۇپايى بار فرانسيالىق "رەنن" بۇگىن كەزدەسەدى. ال ۋكراينالىق "يابلونەستە" ەكى ۇپاي عانا بار.

ايتا كەتسەك، چەحيادا وتكەن ماتچتا ەكى كوماندا 1:1 ەسەبىمەن تەڭ تۇسكەن بولاتىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي