BAQ.kz - Қазақстан жаңалықтары USD 366.43 BAQ.kz - Қазақстан жаңалықтары EUR 420.11 BAQ.kz - Қазақстан жаңалықтары RUB 5.58
استانا:

«استانا ارلاندارى» قىتايداعى فينالدا «كۋبا قابىلاندارىن» جەڭە الا ما؟ ساراپتاما

كوپتەن كۇتكەن دۇنيەجۇزىلىك بوكس سەرياسىنىڭ فينالى دا تاياپ قالدى. الداعى 26 جانە 28 قىركۇيەك كۇندەرى قىتايدىڭ ەكى بىردەي قالاسىندا فينال وتەدى. شەشۋشى باسەكەدە «كۋبا قابىلاندارى» مەن «استانا ارلاندارى» كەزدەسەدى، دەپ حابارلايدى baq.kz ٴتىلشىسى.

ازىرگە ەسەپ – 2:0

سوڭعى جىلدارى كۋبا مەن قازاقستان كومانداسىنىڭ فينالدا جولى ٴتۇيىسىپ ٴجۇر. ەڭ العاش 2015 جىلى استانادا جولىقتى. ول كەزدە 6:4 ەسەبىمەن مارات جاكيەۆ جاتتىقتىرعان كوماندا جەڭىسكە جەتتى. ەلورداداعى «داۋلەت» سپورت كەشەنىندە «ارلاندار» ساپىندا تەمىرتاس ٴجۇسىپوۆ، سامات باشەنوۆ، مەيىرىم نۇرسۇلتانوۆ، ولجاس ساتتىبايەۆ، اسلانبەك شىمبەرگەنوۆ، يۆان دىچكو جەڭىسكە جەتتى.

ودان كەيىن فينالعا اراعا ٴبىر جىل سالىپ، بىلتىر تاعى شىقتى. بۇل جولى فينال استانادا ٴوتتى. قازاقستان سپورت كەشەنىندەگى جەكپە-جەك ناعىز دراماعا تولى بولدى.

العاشىندا تەمىرتاس ٴجۇسىپوۆ (49 كەلى) پەن ٴىلياس سۇلەيمەنوۆ (56 كەلى) قازاقستان كومانداسىن العا شىعارعان. سوسىن انتون پينچيك (91 كەلى) قارسىلاسى ەريسلاندي ساۆوننان ۇتىلىپ قالدى. 64 كەلىدەگى ٴدىلمۇرات ٴماجيتوۆ تە ەندي كرۋزگە ەسە جىبەرەدى. ٴابىلحان امانقۇل (75 كەلى) كۋبانىڭ اتاقتى بوكسشىلارىنىڭ ٴبىرى ارلەن لوپەستەن ايلاسىن اسىرا المادى. 81 كەلىدەگى ارمان رىسبەك وليمپيادا چەمپيونى حۋليو لا كرۋزگە ٴالى كەلمەدى. جارىستىڭ ەكىنشى كۇنىندە كوماندا كاپيتانى ولجاس ساتتىبايەۆ (52 كەلى) قارسىلاسى يوسباني ۆەيتيادان ويلاماعان جەردەن جەڭىلىپ،»ارلانداردى» قيىن جاعدايعا قالدىرادى. بۇل كەزدە ەسەپ – 2:5 بولاتىن. كۋبالىقتار قالعان 4 كەزدەسۋدىڭ بىرەۋىن ۇتسا بولدى چەمپيوندىق جەڭىپ الۋعا ٴازىر. وتانداستارىمىز وسى تۇستا ناعىز «كامبەك» جاسايدى. اۋەلى ولجاس بوقايەۆ (+91 كەلى) يواندري تويراكتان باسىم تۇسسە، تاجىريبەلى بوكسشى زاكىر سافيۋللين (60 كەلى) ٴۇش دۇركىن الەم چەمپيونى لازارو الۆارەستى تاس-تالقان ەتىپ ۇتتى. اسلانبەك شىمبەرگەنوۆ 69 كەلىدە بۇل جولى 2012 جىلعى وليمپيادا چەمپيونى رونيەل سوتولونگوعا ەش مۇمكىندىك بەرگەن جوق. قورىتىندى ەسەپ – 6:5.

ازىرگە «astana arlans» ەكى فينالدا دا «cuba domadores-تەن» ايلاسىن اسىرىپ كەتتى. ەندى ٴۇشىنشىسى كۇتىپ تۇر.

قىتايداعى فينالدا كەزدەسەتىندەر

قىتايداعى فينال ەكى قالادا وتەدى. 26 قىركۇيەك ٴبىرىنشى كۇنى سيامىندا س1 جۇيەسى بويىنشا بەس سالماقتىڭ جەڭىمپازدارى انىقتالادى. ودان كەيىن 28 قىركۇيەكتە سزينسزيان قالاسىندا س2 سالماقتارى بويىنشا تاعى 5 جەكپە-جەك وتەدى. ەگەر جالپى ەسەپ تەڭ اياقتالسا، قوسىمشا 64 كەلىدەگى بوكسشىلار شارشى الاڭعا شىقپاق.

ٴبىرىنشى جارىس كۇنىندە شىعاتىندار:

49 كەلى: تەمىرتاس ٴجۇسىپوۆ (قازاقستان) – داميان ارسە دۋارتە (كۋبا)

تەمىرتاس ٴجۇسىپوۆ بۇعان دەيىن ەكى فينالدا دا جەڭىسكە جەتكەن بوكسشى. استانادا ول يوناسيس ارگيلاگوستى 2015 جانە 2017 جىلى دا ۇتقان بولاتىن. ەندى تەمىرتاس قىتايداعى فينالدا داميان ارسە دۋارتەمەن جولىعادى. ٴجۇسىپوۆ ٴۇشىنشى رەت تە فينالعا ۇزدىك شىعادى دەپ ويلايمىز.

56 كەلى. ٴىلياس سۇلەيمەنوۆ (قازاقستان) – وسۆەل كابالەرو گارسيا (كۋبا)

كۋبا قۇراماسى بۇل سالماقتا دا جاڭا بوكسشىلاردىڭ ٴبىرىن شىعارماق. ال نۇرلان اقۇرپەكوۆ باپكەر تاجىريبەلى ٴىلياس سۇلەيمەنوۆكە سەنىم ارتىپ وتىر. وتكەن جىلى فينالدا جولى بولعان بوكسشىلاردىڭ ٴبىرى. استانالىق بوكسشى قارسىلاستارىن كوبى نوكاۋتپەن جەڭىپ ٴجۇر. 28 جاستاعى سۇلەيمەنوۆ 5 راۋندىق جەكپە-جەكتە ٴوزىڭ سۋداعى بالىقتاي سەزىنەدى. سوندىقتان سۇلەيمەنوۆ تە جەرگە قاراتا قويماس دەپ سەنەمىز.

64 كەلى. ٴدىلمۇرات ميجيتوۆ (قازاقستان) – ەندي كرۋس (كۋبا)

ەندي كرۋس گومەس 2017 جىلى گامبۋرگتەگى الەم چەمپيوناتىندا توپ جارعان بوكسشى. ەكەۋى بۇعان دەيىن دە كەزدەسكەن. بىلتىرعى فينالدا ٴدىلمۇرات ميجيتوۆ قارسىلاسىنا ەسە جىبەرگەن. وسى جولى ميجيتوۆ بىلتىرعا كەتكەن ەسەسىن قايتارۋعا تىرىسارى انىق. ونىڭ ۇستىنە جەرلەسىمىز فيزيكالىق تۇرعىدا وتە مىعىم بوكسشى.

75 كەلى. ٴابىلحان امانقۇل (قازاقستان) – وسلەيس يگلەسياس ەسترادا (كۋبا)

ٴابىلحان جاقىندا دجاكارتاداعى ازيا ويىندارىندا قازاقستاننىڭ تۋىن ۇستاپ شىققان بوكسشى. جامبىلدىق ورەن يندونەزيادا فينالعا دەيىن جەتكەن. جاس بوكسشى ٴقازىر ناعىز بابىندا ٴجۇر. ال ونىڭ قارسىلاسى ەسترادانىڭ بويى ۇزىن، اياقپەن جۇمىس ىستەيتىن بىلەدى. نەگىزىنەن قاشىقتىقتان ۇرىس سالعاندى جاقسى كورەدى. ٴبىراق بىلتىرعى ارلەن لوپەس سەكىلدى الەم چەمپيوناتى نەمەسە وليمپيادا ويىندارىندا جۇلدە الماعان. سوندىقتان ٴابىلحان كۋبالىقتان ايلاسىن اسىرۋى ٴتيىس.

91 كەلى. نۇربول التايەۆ (قازاقستان) – ەريسلاندي ساۆون (كۋبا)

نۇربول التايەۆتىڭ قارسىلاس اتاقتى ٴۇش دۇركىن وليمپيادا چەمپيونى فەليكس ساۆوننىڭ جيەنى – ەريسلاندي ساۆون. ول بىلتىر گامبۋرگتەگى الەم چەمپيوناتىندا توپ جارعان.. ونىڭ الدىندا ريو وليمپياداسىندا قولا جۇلدە العان.

ساۆون دۇنيەجۇزىلىك بوكس سەرياسىنىڭ فينالىندا قازاقستاندىقتاردى ٴجيى رەنجىتىپ ٴجۇر. 2015 جىلى ۆاسيليي لەۆيتتى، 2017 جىلى انتون پينچۋكتى قاپى قالدىرعان. ەندى ٴۇشىنشى فينالدا ونىمەن التايەۆ بوكستاسادى.

كۋبالىقتىڭ تەحنيكالىق ارسەنالى باي، سوققىنى از جىبەرەدى. اراقاشىقتىقتى ۇستاۋدى جاقسى مەڭگەرگەن. بويى مەن قولى دا ۇزىن، تاكتيكالىق تۇرعىدا اككى بوكسشى.

"ەريسلاندي ساۆونمەن كەزدەسۋگە جاس بوكسشى نۇربول التايەۆتى شىعارماقشىمىن. بۇل كوپشىلىككە تانىس ەمەس. قارسىلاسىنا دا جۇمباق بولارى انىق. بىلتىر قازاقستان چەمپيوناتىندا ەكىنشى ورىن العان. قازىرگى كەزدە ۇلتتىق قۇرامانىڭ ٴۇشىنشى ٴنومىرلى بوكسشىسى. ساۆون 2017 جىلى پينچۋكتى جەڭىپ كەتتى. وسى جولى انتوندى مازالاعان جوقپىن. ويتكەنى، ەكەۋى ٴبىر-بىرىن جاقسى بىلەدى. تەحنيكالىق تۇرعىدان انتون قارسىلاسىنان السىزدەۋ بولۋى مۇمكىن. ال نۇربول – كوبىسىنە ىڭعايسىز بوكسشى. جەكپە-جەك بارىسىندا قارسىلاسى كۇتپەگەن شەشىمدەر قابىلداي الادى. سوندىقتان التايەۆقا سەنىم ارتىپ وتىرمىن. شاكىرتىم جەڭىسكە جەتەدى دەپ ۇمىتتەنەمىن"، – دەيدى «استانا ارلاندارى» كومانداسىنىڭ باس باپكەرى نۇرلان اقۇرپەكوۆ.

ەكىنشى جارىس كۇنىندە رينگكە شىعاتىندار:

52 كەلى. ساكەن بيبوسىنوۆ(قازاقستان) – حورحە گرينيان (كۋبا)

بۇعان دەيىنگى ەكى فينالدا كۋبا كومانداسىنان يوسباني ۆەيتيا ،ال بىزدەن ولجاس ساتتىبايەۆ جۇدىرىقتاسقان. بىرەۋىندە ولجاس، ەكىنشىسىندە ۆەيتيا جەڭىسكە جەتكەن. وسى جولى ەكى كوماندا ساپىندا دا جاڭا بوكسشىلار جۇدىرىقتاسپاق. «ارلانداردىڭ» نامىسىن 52 كەلىدە ساكەن بيبوسىنوۆ قورعايدى. ول فينالداعى قارسىلاسى حوركە گرينيانمەن بۇعان دەيىن جاستار اراسىنداعى الەم چەمپيوناتىندا كەزدەسىپ، جەڭگەنى بار.

60 كەلى: زاكىر سافيۋللين (قازاقستان) – لاسارو الۆارەس (كۋبا)

قازاقستاندىق ارداگەر بوكسشى زاكىر سافيۋللين مەن كۋبالىق لاسارو الۆارەس وسىمەن ٴوزارا ٴۇشىنشى فينالدا كەزدەسكەلى تۇر. بۇعان دەيىنگى ەسەپ – 1:1. 2015 جىلى الۆارەستىڭ، بىلتىر سافيۋلليننىڭ باعى جانعان. كۋبالىق بوكسشى ٴۇش دۇركىن الەم چەمپيونى. وليمپيادا ويىندارىندا جۇلدە العان. زاكىر وسى جىلى «ارلاندار» ساپىندا ازىرگە رينگكە شىققان جوق. باپكەرلەردىڭ ايتۋىنشا، سپورتشىنىڭ دايىندىعى جوعارى دەڭگەيدە.

69 كەلى. اسلانبەك شىمبەرگەنوۆ (قازاقستان) – رونەل يگلەسياس (كۋبا)

سافيۋللين مەن الۆارەس سەكىلدى 69 كەلىدەگى اسلانبەك شىمبەرگەنوۆ پەن رونەل يگلەسياس سوتولونگو دا بۇعان دەيىن ٴوزارا ەكى جولدارى تۇيىسكەن. ەكەۋىندە جەرلەسىمىز جەڭىسكە جەتكەن. جالپى، 2012 جىلعى وليمپيادا چەمپيونى سوتولونگو قازاق بوكسشىلارىن ەشقاشان ۇتپاعان. شىمبەرگەنوۆتەن بولەك، ماديار اشكەەۆتەن دە جەڭىلگەنى بار.

قازاقستاندىق جانكۇيەرلەر سول سەريانىڭ ٴارىقاراي جالعاسقانىن قالايدى. ونىڭ ۇستىنە 69 كەلى ٴبىز ٴۇشىن ەرەكشە ىستىق سالماق.

81 كەلى. بەك نۇرماعامبەت(قازاقستان) – حۋليو لا كرۋس (كۋبا)

وسى سالماقتا «cuba domadores» كومانداسىنداعى بوكسشى اۋىسپايدى. ريو وليمپياداسىنىڭ جەڭىمپازى، ٴتورت دۇركىن الەم چەمپيونى حۋليو لا كرۋس بۇعان دەيىنگى ەكى فينالدا دا قازاق بوكسشىلارىن ۇتقان. جالپى، لا كرۋس جەرلەستەرىمىزدى ٴجيى رەنجىتەدى. وليمپيادا ويىندارى مەن الەم چەمپيوناتىندا بىرنەشە رەت ادىلبەك نيازىمبەتوۆتى التىنسىز قالدىرعان. wsb جوباسىنىڭ فينالىندا 2015 جىلى نۇرداۋلەت جارمانوۆتان، 2017 جىلى ارمان رىسبەكتەن باسىم تۇسكەن. وسى جولى 29 جاستاعى كۋبالىقپەن ودان 9 جاسقا كىشى بەك نۇرماعامبەت شىعادى. مارقۇم بەكزات ساتتارحانوۆتىڭ جەرلەسى، جاستار اراسىنداعى الەم چەمپيوناتىنىڭ كۇمىس جۇلدەگەرى. ەگەر بەك لا كرۋستىڭ وسال تۇسىن تاپسا، كىشىرىگىم سەنساسيا بولارى انىق.

+91 كەلى. قامشىبەك قوڭقابايەۆ (قازاقستان) – حوسە لاردۋەت (كۋبا).

وسى اۋىر سالماقتاعى ەكى فينالدا ٴبىزدىڭ پايدامىزعا شەشىلگەن. 2015 جىلى يۆان دىچكو، 2017 جىلى ولجاس بوقايەۆ جانكۇيەرلەردىڭ سەنىمىن اقتاعان. ەندى، بيىل نۇرلان اقۇرپەكوۆ باپكەر قامشىبەك قوڭقابايەۆتى تىزىمگە قوستى. گامبۋرگتەگى الەم چەمپيوناتىنىڭ كۇمىس جۇلدەگەرى بيىل ەشقانداي ٴىرى حالىقارالىق باسەكەلەسكە قاتىسقان جوق. الەم مەن ازيا چەمپيوناتى كەلەسى جىلى وتەدى. ال ازيا ويىندارىندا اۋىر سالماق بولمادى. سوندىقتان قامشىبەك ٴۇشىن wsb جوباسىنىڭ فينالى ەرەكشە موتيۆاسيا بولارى ٴسوزسىز. قارسىلاسى – حوسە لاردۋەت گومەس.

كۋبا بوكسى الىنبايتىن قامال ەمەس

«استانا ارلاندارىنىڭ» باس باپكەرى نۇرلان اقۇرپەكوۆ شاكىرتتەرىنە سەنەدى. ەلوردا تورىندە وقۋ-جاتتىعۋ جيىنىن وتكىزگەن وتانداستارىمىز ەندى قىتايدا بارىن سالادى دەپ وتىر.

"كۋبا بوكسى الىنبايتىن قامال ەمەس. مۇنى قازاقستاندىق بوكسشىلار دالەلدەپ كەلەدى. بۇل جولى دا جىگىتتەر بارىن سالادى. قارسىلاستارىمىزدىڭ بوكستا كەمشىلىگى جوق دەرسىڭ. شارشىالاڭدا تىنىم تاپپايدى، شەتتەرىنەن شيراق. سوندىقتان ٴبىز ولاردىڭ تاكتي-كاسىن بۇزۋعا تىرىسامىز. سوققىنى ۇدەتۋ كەرەك. بۇل مەنىڭ عانا ەمەس، ٴوزىم اقىلداسقان بارلىق باپكەرلەردىڭ ورتاق پىكىرى.شاكىرتتەرىمنىڭ قۇلاعىنا دا وسىنى قۇيىپ جاتىرمىن. كۋبالىقتىڭ ەمەس، ٴوزىنىڭ ستيلىمەن بوكستاسقان بىلعارى قولعاپ شەبەرى ادەتتە جەڭەدى. ولار سوڭعى دايىندىقتارىن رەسەيدە جەرگىلىكتى بوكسشىلارمەن وتكىزدى. سولاردى عالامتور ارقىلى تاماشالاپ، قارسىلاستارىمىزدى قالاي جەڭۋ كەرەكتىگى جايلى جوسپار قۇردىق»، – دەيدى ن.اقۇرپەكوۆ.

ٴبىراق «cuba domadores» كلۋبىن ايقىن باسىمدىقپەن ۇتۋ وڭاي بولمايتىندىعىن «استانا ارلاندارى» كلۋبىنىڭ ديرەكتورى باقتيار ارتايەۆ تا مويىنداپ وتىر:

"راس، ٴدال ٴقازىر مۇمكىندىكتەر 50/50 دەپ ايتا الامىن. قارسىلاستى باعالاماۋعا بولماس. ولاردىڭ ساپىندا وتە تالانتتى بوكسشىلار بار. دەگەنمەن ٴوز باسىم ٴبىزدىڭ جىگىتتەرگە سەنەمىن. ولاردىڭ دايارلىعى كوڭىلدەن شىعادى. تولىقتاي دارىگەرلەر تەكسەرىسىنەن ٴوتتى. باپتارى دا،كوڭىل-كۇيلەرى دە جاقسى"، – دەيدى كلۋب ديرەكتورى.

تورەشىلەردىڭ ادىلدىگى دە ماڭىزدى

باقتيار عاريفوللا ۇلى ٴتيىستى دايىندىقتان بولەك كوماندامىزعا كومەكتەسۋى مۇمكىن تاعى ٴبىر فاكتوردى اتادى. باستاپقىدا فينالدىڭ قازاقستان نە كۋبا جەرىنىڭ قايسىسىندا وتەتىندىگى ٴبىراز تالقىعا سالىنعان. سول كەزدە قىتاي شەشۋشى سىندى وزدەرىندە قابىلداۋ تۋرالى ۇسىنىس جاساعان سوڭ حالىقارالىق ۇيىم تاراپىنان كەلىسىم بەرىلگەن. سوندىقتان كلۋب ديرەكتورىنىڭ پىكىرى بيىلعى ماۋسىمنىڭ ۇزدىگى ەلوردادا انىقتالماسا دا، كەزدەسۋدىڭ بەيتاراپ الاڭدا ٴوتۋى دۇرىس دەگەنگە سايادى.

"فينال كۋبادا وتسە،جەڭىس جەرگىلىكتى بوكسشىلارعا بەرىلۋى ابدەن مۇمكىن. ال قىتايداعى فينالدا تورەشىلەر نەعۇرلىم ٴادىل شەشىم قابىلدايدى دەگەن ۇمىتتەمىز".

استانا پرەزيدەنتتىك كاسىبي سپورت كلۋبىنىڭ ٴباسپاسوز قىزمەتىنە بەرگەن سۇحباتىندا باس باپكەر نۇرلان اقۇرپەكوۆ تورەشىلەر تاراپىنان بۇرمالاۋشىلىقتار بولادى دەپ ويلامايمىن دەگەن پىكىر ٴبىلدىرىپتى.

"بىرىنشىدەن، دۇنيەجۇزىلىك بوكس سەرياسىنىڭ فينالى بەيتاراپ ەلدە ٴوتىپ جاتىر. مۇنىڭ ٴوزى جەكپە-جەكتە تورەشىلەردىڭ ٴادىل بولۋىنىڭ كەپىلى دەپ بىلەمىن. ونىڭ ۇستىنە، wsb جوباسىنىڭ رەيتينگى وتە جوعارى. كۇللى الەم كوز تىگىپ وتىر. بارلىق ەل تىكەلەي ەفيردەن كورە الادى. ازيادانىڭ قاسىندا الدەقايدا بيىك تۇرعان تۋرنير. سوندىقتان، بۇل جەردە تورەشىلەر تاراپىنان بۇرمالاۋشىلىقتار بولادى دەپ ويلامايمىن"، – دەيدى نۇرلان اقۇرپەكوۆ.

تورەشىلەردەن ٴبىز دە ٴادىل شەشىم كۇتەمىز. اۋەسقوي بوكس الەمىندەگى قوس مىقتىنىڭ باسەكەسىن تاماشالاۋ كىم-كىمگە دە قىزىق بولار. سەبەبى، شارشى الاڭ قوجايىنىنا بۇردى دەگەن اڭگىمە تۋىندامايدى.

فينال نە ٴۇشىن قىتايدا وتەدى؟

ايتپاقشى، بۇل جەكپە-جەكتەردىڭ نەلىكتەن استانادا وتكىزىلمەگەندىگىنە قاتىستى باقتيار ارتايەۆ بىلاي دەپ جاۋاپ قاتتى:

"ٴبىزدىڭ ەلدە فينال بۇعان دەيىن ٴۇش رەت ٴوتتى. وزدەرىڭىز بىلەسىزدەر، فينالدى ۇيىمداستىرۋ قۇقىعىن يەمدەنۋ ٴۇشىن تاراپ 300 مىڭ دوللار تولەۋى كەرەك. بۇل از قاراجات ەمەس. ٴبىزدىڭ دە بۇل سومانى تولەۋگە مۇمكىندىگىمىز جەتەدى. دەگەنمەن بيىلعى اقتىق سىننان باس تارتۋدى جونكوردىك. ال قىتاي بوكستى دامىتۋدى، وعان دەگەن قىزىعۋشىلىقتى ارتتىرۋدى كوزدەيدى. سوندىقتان دا فينالدى ەكى قالاسىندا وتكىزبەك"، – دەيدى ب. ارتايەۆ.

نە دەسەك تە الىسپاي بەرىسپەيتىن فينال بولۋى ٴتيىس. ماماندار، ٴتىپتى، تەڭ ناتيجە تىركەلۋى مۇمكىن ەكەندىگىن العا تارتۋدا. ونداي جاعدايدا بار ٴۇمىت 64 كەلىدەگى بەكداۋلەت يبراگيموۆكە ارتىلادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي