BAQ.kz - Қазақстан жаңалықтары USD 361.94 BAQ.kz - Қазақстан жаңалықтары EUR 423.25 BAQ.kz - Қазақстан жаңалықтары RUB 5.4
استانا:

«استانا ارلاندارى» فينال الدىنداعى سوڭعى جيىنىن استانادا وتكىزەدى

ەرتەڭ ەلوردامىزدا «استانا ارلاندارى» بوكس كلۋبى دۇنيەجۇزىلىك بوكس سەرياسىنىڭ فينالدىق جەكپە-جەگىنىڭ قارساڭىنداعى سوڭعى جاتتىعۋ جيىنىن وتكىزەدى، دەپ حابارلايدى baq.kz اقپارات اگەنتتىگى.

جاتتىعۋ جيىنى 12 قىركۇيەك پەن 19 قىركۇيەك ارالىعىندا استانانىڭ «تارلان ارەنا» سپورت كەشەنىندە وتەدى. جاتتىعۋ جيىنىنا فينالعا قاتىسۋدان ٴۇمىتتى بارلىق بوكسشىلار شاقىرتىلعان.

- مۇندا ٴبىز استانا قالاسىنىڭ قۇراماسىمەن بىرلەسكەن جاتتىعۋ جيىنىن جاساپ، جەرگىلىكتى بوكسشىلارمەن سپاررينگتىك كەزدەسۋلەر وتكىزەمىز. سونداي-اق، قىتايعا باراتىن بوكسشىلاردىڭ ۆيزالارىمەن اينالىسۋىمىز قاجەت. ال قىتايعا 19 قىركۇيەك كۇنى ۇشامىز. ول جاقتا دا ٴبىر اپتالىق وقۋ-جاتتىعۋ جيىنىن وتكىزىپ، 26 قىركۇيەكتە العاشقى كەزدەسۋىمىزدى وتكىزەمىز، - دەدى «استانا ارلاندارىنىڭ» باس باپكەرى نۇرلان اقۇرپەكوۆ.

ەستەرىڭىزگە سالا كەتەيىك، wsb فينالى بيىل بەيتاراپ ەلدە وتەدى. فينالداعى قارسىلاسىمىز – «كۋبا باتىرلارى». العاشقى ايقاس 26 قىركۇيەك كۇنى سيامىن قالاسىندا، ەكىنشى كەزدەسۋ قىركۇيەكتىڭ ٴ28-ى كۇنى سزينسزياندا وتەدى. ەگەر بارلىق سالماقتاعى ايقاستاردىڭ قورىتىندىسى بويىنشا تەڭ ەسەپ تىركەلسە، كوماندالار جەكپە-جەك جەڭىمپازى انىقتاۋ ٴۇشىن 64 كەلىدە تاعى ٴبىر ايقاس وتكىزەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي