BAQ.kz - Қазақстан жаңалықтары USD 343.45 BAQ.kz - Қазақстан жаңалықтары EUR 399.57 BAQ.kz - Қазақстан жаңалықтары RUB 5.52
استانا:

اسەت يسەكەشەۆ بوكسشى بەيبىت شۇمەنوۆتى قۇتتىقتادى

فوتو: qazaquni.kz

استانا اكىمى بۇكىلالەمدىك بوكسشىلار قاۋىمداستىعىنىڭ (wba) پرەزيدەنتى جيلبەرتو حەسۋس مەندوزۋ مەن notifight ديرەكتورى، سپورت ٴجۋرناليسى لۋدو ساەنس پەن وتكەن جەكسەنبىدە چەمپيون بەلبەۋىن جەڭىپ العان قازاقستاندىق بوكسشى بەيبىت شۇمەنوۆتى قابىلدادى، دەپ حابارلايدى baq.kz اقپارات اگەنتتىگى استانا اكىمدىگىنىڭ رەسمي سايتىنا سىلتەمە جاساپ.

«بۇل جەڭىس – العان جاراقاتتان كەيىن رينگكە قايتا ورالۋدا وتە لايىقتى كورسەتكىش بولدى. مەنىڭ تاعى دا كەزەكتى رەت قۇتتىقتاۋىمدى قابىل الىڭىز جانە وسىلايشا ٴوزىڭىزدىڭ جەتىستىكتەرىڭىزبەن قازاقستاندىق جانكۇيرەلەرىڭىزدى قۋانتا بەرىڭىز»، - دەدى بوكسشىنى قۇتتىقتاعان ٴا. يسەكەشەۆ.

ٴوز كەزەگىندە جيلبەرتو حەسۋس مەندوزۋ مەن بەيبىت شۇمەنوۆ قازاقستان استاناسىندا جەكپە جەكتى لايىقتى ەتىپ ۇيىمداستىرعانى ٴۇشىن ەلوردا اكىمىنە العىس ٴبىلدىردى.

«بوكس كەشىن ۇيىمداستىرعانىڭىز ٴۇشىن سىزگە العىسىمىزدى بىلدىرەمىز. بۇل استانانىڭ 20 جىلدىعى كۇنىنە وراي قالالىقتار ٴۇشىن جاقسى مەرەكە بولدى»، - دەدى ب. شۇمەنوۆ.

«ٴسىزدىڭ جەرلەسىڭىزدىڭ جەكپە جەگى جوعارى دەڭگەيدە ۇيىمداستىرىلدى، «بارىس ارەنادا» ادام ايتىپ جەتكىزگىسىز عاجايىپ ورنادى. سىزدەردىڭ استانالارىڭىز بوكسشىلاردىڭ جەكپە جەگىن جوعارى دەڭگەيدە وتكىزە الادى. قازاقستان ٴاردايىم ۇلى بوكسشىلارمەن اتى شىعىپ جۇرگەن ەل»، - دەدى بۇكىلالەمدىك بوكسشىلار قاۋىمداستىعىنىڭ (wba) پرەزيدەنتى جيلبەرتو حەسۋس مەندوزۋ.

ەستەرىڭىزگە سالا كەتەيىك، 7 شىلدەدە «بارىس ارەنا» مۇز سارايىندا قازاقستاندىق بوكسەر حيزني التۋنكايدى تيتۋلدى باسەكەدە جەڭگەن بولاتىن. تۇرىك بوكسشىسى ونىنشى راۋندقا شىعۋدان باس تارتتى. ناتيجەسىندە قازاقستاندىق بۇكىلالەمدىك بوكسشىلار قاۋىمداستىعىنىڭ (wba) ۆەرسياسى بويىنشا اۋىر سالماقتاعى ٴبىرىنشى «تۇراقتى» الەم چەمپيونىنىڭ بەلبەۋىن جەڭىپ الدى. «بارىس ارەناداعى» بوكس كەشىن ۇيىمداستىرۋعا استانا اكىمدىگى مەن قر مادەنيەت جانە سپورت مينيسترلىگى اتسالىستى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي