BAQ.kz - Қазақстан жаңалықтары USD 370.49 BAQ.kz - Қазақстан жаңалықтары EUR 421.06 BAQ.kz - Қазақстан жаңалықтары RUB 5.54
استانا:

ارشاۆين «قايراتقا» قايتا ورالۋى مۇمكىن

استانا، baq.kz. اندرەي ارشاۆينگە كلۋب اكادەمياسىندا باپكەر قىزمەتى ۇسىنىلدى. بۇل جونىندە ريا نوۆوستي حابارلايدى.

«قايرات» فۋتبول كلۋبى رەسەي قۇراماسىنىڭ بۇرىنعى كاپيتانى اندرەي ارشاۆينگە كلۋب اكادەمياسىنداعى باپكەر قىزمەتىن ۇسىنۋعا دايىن. مۇنداي جاڭالىقتى قازاقستاندىق كلۋبتىڭ باقىلاۋ كەڭەسىنىڭ ٴتوراعاسى قايرات بورانبايەۆ مالىمدەدى.

«ەگەر، وعان باسقا ۇسىنىستار جاسالماسا، ٴبىز ونى اركەز قازاقستاندا كۇتەتىنىمىز جونىندە كەلىستىك. وعان اكادەميادا باپكەر قىزمەتىن ۇسىنامىز»، - دەدى بورانبايەۆ.

ارشاۆين «قايرات» كومانداسى ٴۇشىن 2016 جىلدان بەرى ويناپ كەلدى. الماتىلىق كلۋب ٴۇشىن 97 ويىن وتكىزىپ، 28 گول سوقتى. جەلتوقساندا رەسەيلىك فۋتبولشىمەن اراداعى كەلىسىمشارتتىڭ مەرزىمى اياقتالادى. بۇعان دەيىن ەكى تاراپ كەلىسىمدى سوزبايتىنىن مالىمدەگەن بولاتىن. قوشتاسۋ ويىنىنان كەيىن 37 جاستاعى ارشاۆين كارەراسىن تولىق اياقتايتىنىن حابارلادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي