USD 335.61 EUR 361.32 RUB 5.26
استانا:

ارىستانبەك مۇحامەدي ۇلى قاتتى ۋايىمداپ جۇرگەنىن ايتتى

فوتو: Tengrinews.kz

قر مادەنيەت جانە سپورت ٴمينيسترى ارىستانبەك مۇحامەدي ۇلى دوپينگ قولداندى دەپ جۇلدەلەرىنەن ايىرىلعان يليا يلين باستاعان وليمپيادا چەمپيوندارىنىڭ جاعدايىن قاتتى ۋايىمداپ جۇرگەنىن ايتتى، دەپ حابارلايدى baq.kz ٴتىلشىسى.

وسىنىڭ الدىندا قر مادەنيەت جانە سپورت ۆيسە-مينيسترى ساكەن مۇسايبەكوۆ دوپينگ قولدانعانداردى قىلمىستىق جاۋاپكەرشىلىككە تارتۋدى ۇسىنعان بولاتىن.

ۆيسە-مينيستر: «پارلامەنتتە دەنە شىنىقتىرۋعا قاتىستى زاڭعا وزگەرىس ەنگىزگىمىز كەلەدى. دوپينگ قولدانۋدىڭ جازاسىن قىلمىستىق جاۋاپكەرشىلىكپەن بايلانىستىرۋدى جوسپارلاپ وتىرمىز. ياعني سپورتشىعا، باپكەرگە، دارىگەرگە، وسى پرەپاراتتاردى جەتكىزگەن ادامدارعا جازا قاراستىرىلادى»، - دەگەن ەدى.

پارلامەنت ٴماجىلىسىنىڭ پلەنارلى وتىرىسىنان كەيىن جۋرناليستەر وسى زاڭ جوباسىنا قاتىستى مادەنيەت جانە سپورت مينيسترىنە ساۋال تاستاعان ەدى.

«كەلەسى جىلى ٴبىز دوپينگ قولدانعانداردى قىلمىستىق جاۋاپكەرشىلىككە تارتۋعا بايلانىستى زاڭ ەنگىزگىمىز كەلەدى. نە ٴۇشىن؟ ٴقازىر كىنالى تەك سپورتشىلار بولىپ وتىر. ال سول كەزدە سپورتتى باسقارعان ازاماتتار قايدا؟ نەلىكتەن دارىگەرلەر جاۋاپكەرشىلىكتى ٴوز موينىنا المايدى؟»، – دەيدى ارىستانبەك مۇحامەدي ۇلى.

مينيستر سپورتشىلار ٴۇشىن قاتتى ۋايىمداپ جۇرگەنىن ايتادى.

«مەن ٴقازىر ٴوزىمىزدىڭ سپورتشىلاردى ويلاپ، قاتتى ۋايىمداپ ٴجۇرمىن. ونىڭ ىشىندە يليا يلين جانە دوپينگ داۋىنا ىلىككەن وزگە دە اۋىر اتلەتتەر بار»، – دەيدى ۆەدومستۆو باسشىسى.

ايتا كەتەيىك، حالىقارالىق وليمپيادا كوميتەتى يليا ٴيليندى 2008 جانە 2012 جىلعى التىن جۇلدەلەرىنەن ايىرعان بولاتىن. سونداي-اق، مەدالدان ايىرىلعاندار قاتارىندا سۆەتلانا پودوبەدوۆا، ماييا مانەزا، زۋلفيا چينشانلو، ماريا گرابوۆەسكايا، اسەت مامبەتوۆ، تايمۋراز تيگيەۆ بار.

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي