BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

«التىن دوپ» لۋكا مودريچكە بۇيىردى

استانا، baq.kz ٴتىلشىسى. حورۆاتيا قۇراماسى مەن مادريدتىك «رەال» كلۋبىنىڭ جارتىلاي قورعاۋشىسى لۋكا مودريچ «التىن دوپقا» يە بولدى. 2007 جىلدان بەرى العاش رەت كريشتيانۋ رونالدۋ مەن ليونەل مەسسي بۇل ماراپاتتان قۇر قالدى.

«التىن دوپتى» بەيرەسمي جىلدىڭ ەڭ ۇزدىك فۋتبولشىسىنا بەرىلەتىن ماراپات دەپ ايتادى. 2007 جىلدان بەرى بۇل ماراپاتتى مەسسي مەن رونالدۋ بەس رەتتەن جەڭىپ العان بولاتىن.

موريچ «التىن دوپتى» قولىنا ۇستاپ «رەالداعى» ارىپتەستەرىنە، كلۋبتىڭ بارلىق قىزمەتركەرلەرى مەن باپكەرلەرىنە العىس ايتتى. ول - وسىنداي ماراپاتقا يە بولعان حورۆاتيادان شىققان العاشقى فۋتبولشى.

33 جاستاعى جارتىلاي قورعاۋشى «رەالدىڭ» چەمپيوندار ليگاسىن جەڭۋىنە، سونداي-اق فۋتبولدان الەم چەمپيوناتىندا حورۆاتيانىڭ جاقسى ونەر كورسەتۋىنە ۇلەس قوستى.

«التىن دوپ» سىيلىعىن france football جۋرنالى 1956 جىلدان بەرى تابىستاپ كەلەدى. ەڭ العاش «بلەكپۋل» ويىنشىسى ستەنلي مەتيۋ يە بولعان. العاشقى كەزدە تەك ەۋروپانىڭ ۇزدىك فۋتبولشىلارىنا عانا بەرىلگەن. سوندىقتان پەلە، مارادونا سەكىلدى مىقتىلار بۇل سىيلىقتان قۇر قالدى. 1995 جىلى ەرەجە وزگەردى: ەندى كەز كەلگەن ۇلتتىڭ فۋتبولشىسى «التىن دوپ» جەڭىپ الۋعا مۇمكىندىگى بار. ٴبىراق ول ويىنشى ەۋروپا كلۋبتارىنىڭ بىرىندە ويناۋ كەرەك ەدى. ٴسويتىپ، ەۋروپا ايماعىنان تىس دۇنيەگە كەلگەندەردەن تۇڭعىش «ميلان» شابۋىلشىسى، قازىرگى ليبەريا ەلىنىڭ پرەزيدەنتى دجوردج ۆەا قول جەتكىزدى. ارادا 12 جىل وتكەندە بارلىق شەكتەۋلەر الىنىپ تاستالدى. الەمنىڭ قاي ەلىندە، قاي كومانداسىندا ويناسا دا، ول فۋتبولشى ۇزدىك ونەر كورسەتسە، «التىن دوپ» سىيلىعىنا ۇمىتكەر بولۋعا تولىق قۇقىلى. «التىن دوپ» سىيلىعىنىڭ يەگەرىن الەمنىڭ 96 ٴجۋرناليسى داۋىس بەرۋ ارقىلى انىقتايدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي