BAQ.kz - Қазақстан жаңалықтары USD 361.66 BAQ.kz - Қазақстан жаңалықтары EUR 409.51 BAQ.kz - Қазақстан жаңалықтары RUB 5.41
استانا:

الماتىدا حوككەيگە ارنالعان تەگىن الاڭ اشىلدى

الماتىدا جاڭا ۇلكەن حوككەي الاڭى اشىلدى. اقپاراتتىق جانە سپورتتىق حاب تاراتقان مالىمەتكە قاراعاندا ونىڭ كولەمى 714 شارشى مەتردى قۇرايدى، دەپ حابارلايدى ۆaq.kz اقپارات اگەنتتىگى.

ول بوستاندىق اۋدانى، وربيتا-1 ىقشام اۋدانى، ٴبىرجان كوشەسى، 16،17،18،ٴ19-شى ۇيلەردىڭ اراسىندا ورنالاسقان.

- ٴبىز بۇگىنگى كۇندى وسى مۇز ايدىنىنىڭ ەكىنشى تۋعان كۇنى دەپ سانايتىن بولامىز. العاشقىسى ٴ1988-شى جىلى، 30 جىل بۇرىن سالىنعان ەدى. وسى جولى جاڭارتىلىپ، قالپىنا كەلتىردى. ٴبىز وتە قۋانىشتىمىز، قىس مەزگىلىن اسىعا كۇتەتىن بولامىز،- دەدى قالا تۇرعىنى، وربيتا اۋەسقوي حوككەي كومانداسىنىڭ باپكەرى ۆالەريي پارشاكوۆ.

ول حوككەي باپكەرى بولىپ 35 جىل جۇمىس ىستەپ كەلە جاتقانىن ايتىپ، ٴوزىنىڭ اۋەسقوي اۋلا كومانداسىمەن بىرنەشە جارىستارعا قاتىسىپ، جۇلدەلى ورىندار العانىن ەسىنە الدى.

بۇل الاڭنىڭ رەسمي اشىلۋىنا الماتى اكىمى باۋىرجان بايبەك كەلىپ، تۇرعىندارمەن جولىقتى، ال ولار ٴوز تاراپىنان قالا اكىمىنە العىسىن ٴبىلدىردى.

ەڭ ٴبىرىنشى بولىپ بۇل الاڭدى الماتى حوككەي كومانداسىنىڭ جاس سپورتشىلارى مەن سپورت مەكتەپتەردىڭ شورت-ترەكشىلەرى سىناپ كوردى. ولار روليكپەن جاتتىعۋ وتكىزىپ، قوراپشانىڭ ساپاسىن تەكسەردى.

- بۇل قوراپشا وتە كەرەمەت. الماتىنىڭ جاس سپورتشىلارى وزدەرىن ەركىن سەزىنىپ، جاقسى جاتتىعۋ وتكىزدى. وسىنداي الاڭدار قالادا كوپ سالىنسا، حوككەي جاقسى داميتىن بولادى، - دەپ «الماتى» حك جاستارىن دايىندايتىن باپكەر دميتريي ۆيلكين ٴوز ويىن ٴبىلدىردى.

ايتا كەتسەك، بۇل الاڭ كەز كەلگەن كەلۋشىگە تەگىن. جازدا بۇل جەردە روليك تەۋىپ، ال، قىستا كونكيمەن سىرعاناۋعا بولادى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي