BAQ.kz - Қазақстан жаңалықтары USD 341.18 BAQ.kz - Қазақстан жаңалықтары EUR 392.97 BAQ.kz - Қазақстан жаңалықтары RUB 5.34
استانا:

الماتىدا «بارسەلونانىڭ» ەكس-ويىنشىسى العاش رەت «قايراتتىڭ» ساپىندا وينادى

فوتو: 123ru.net

«بارسەلونا» مەن «مانچەستەر سيتي» كوماندالارىنىڭ ەكس-ويىنشىسى گاي اسسۋلين الماتى قالاسىندا العاش رەت رەسمي «قايرات» كومانداسىنىڭ ساپىندا وينادى، دەپ حابارلايدى baq.kz اقپارات اگەنتتىگى.

قازاقستان پرەمەر-ليگاسىنىڭ ٴبىرىنشى تۋرىنداعى ماتچتا جارتىلاي قورعاۋشى كوماندالاستارىمەن بىرگە «قىزىل-جار سك» كومانداسىن 2:1 ەسەبىمەن ۇتتى. ويىننان كەيىن اسسۋلين مەن «قايراتتىڭ» تاعى ٴبىر فۋتبولشىسى يساەل پەتروپاۆلدىق كوماندامەن ارادا بولعان ويىن تۋرالى پىكىر ٴبىلدىردى.

«بۇل ويىن وتە قيىن بولدى. چەمپيوناتتاعى العاشقى ويىننىڭ قيىن بولاتىنى ٴسوزسىز. بۇگىن ٴبىراز ابىگەرگە سالىنعانىمىز دا راس. مەن ٴتىپتى دوپتى كومانداستالارىما باعىتتاعانىمدى نەمەسە قاقپاعا قاراي تەپكەنىمدى بىلمەيمىن. گول سوعىپ، كوماندالاستارىما كومەكتەسكەنىم ٴۇشىن قۋانىشتىمىن. ٴبىز چەمپيوندىق ٴۇشىن تالاسىپ، بارلىق كومادانى ۇتۋعا تىرىسامىز»، - دەيدى يساەل.

وتكەن ماتچتا اسسۋلين العاش رەت «قايرات» ٴۇشىن وينادى. يزرايلدىك كارەراسىن «بارسەلونا» ساپىندا باستاپ، سول كوماندادا ٴبىر رەسمي ويىن وتكىزدى.

«ماتچتىڭ قيىن بولعانى راس. قارسىلاستارىمىزدىڭ قورعانىسى مىقتى بولدى، سول سەبەپتى ٴبىزدىڭ دە قينالعان جايىمىز بار. العاشقى ماتچ ٴاردايىم وسىلاي قيىن وتەدى دەگەن پىكىردەمىن. ٴبىز ماۋسىمعا ەندى ەنىپ جاتىرمىز. بۇل مەنىڭ الماتىداعى العاشقى ويىنىم. جانكۇيەرلەر وتە ەموسيونالدى ەكەن. ولاردىڭ قولداۋى بىزگە كومەك بولدى. «قايراتتىڭ» چەمپيون بولاتىنىنا سەنىمدىمىن. العاشقى قادامدى جاسادىق. بىزدە ماقسات بار، ٴبىز سول ماقساتقا قاراي بەتتەيمىز. مەنىڭشە، مەن بۇل ويىندا بارلىق مۇمكىندىگىمدى كورسەتپەدىم. ٴبىز ارى قاراي دا جۇمىس ىستەپ، جاقسى ويىن كورسەتەتىن بولامىز»، - دەيدى اسسۋلين.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي