BAQ.kz - Қазақстан жаңалықтары USD 368.28 BAQ.kz - Қазақстан жаңалықтары EUR 419.21 BAQ.kz - Қазақстан жаңалықтары RUB 5.59
استانا:

الماتىدا «almaty arena cup» حوككەيى بويىنشا بالالار ٴتۋرنيرىنىڭ جەڭىمپازدارىن ماراپاتتادى

«almaty arena» مۇز كەشەنىندە «almaty arena cup» حوككەيى بويىنشا بالالار ٴتۋرنيرى ٴوتتى. تۋرنيرگە استانادان، الماتىدان، وسكەمەننەن، شىمكەنتتەن، بىشكەكتەن جانە باسقا ايماقتاردان كوماندالار قاتىستى، دەپ حابارلايدى baq.kz ايماقتاعى ٴتىلشىسى.

استانادان كەلگەن كوماندا جەڭىمپاز اتاندى. ەكىنشى ورىن وسكەمەننىڭ «تورپەدو» كومانداسىنا بۇيىردى. ٴۇشىنشى ورىندى «الماتى» كومانداسىنىڭ ويىنشىلارى جەڭىپ الدى.

قالا سپورت باسقارماسى باسشىسىنىڭ ورىنباسارى رۇستەم بايسەيتوۆ قازىرگى كەزدە قالادا شايبالى حوككەيدەن بىرنەشە بالالار مەن جاسوسپىرىمدەر كلۋبتارىنىڭ وينايتىندىعىن ايتتى. كەزىندە بالالاردىڭ «الماتى» حوككەي كلۋبى ەكى رەت حالىقارالىق جارىستاردىڭ جەڭىپمازى بولدى.

«ۋنيۆەرسيادانىڭ ارقاسىندا بىزدە «almaty arena» جانە «halyk arena» سىندى تاماشا سپورت كەشەندەرى پايدا بولدى. مۇندا قازىرگى كەزدە 10 حوككەي كلۋبتارى جاتتىعۋدا. ٴبىز الماتىلىق بالالاردى وزىمىزگە شاقىرامىز. ترياتلون، مانەرلەپ سىرعاناۋ، كەرلينگ، شورت-ترەك، شاحمات، كاراتە، قازاق كۇرەسى، ٴجۇزۋ سەكسيالارى اشىلدى. بۇلاردان وزگە، اعىلشىن ٴتىلى كلۋبى، دومبىرا، كلاسسيكالىق بوكس، بي، كوركەم گيمناستيكا جانە باسقا ۇيىرمەلەر جۇمىس ىستەيدى. وقۋشىلار مەن ستۋدەنتتەر ٴۇشىن 50%-دىق جەڭىلدىك بار»، - دەدى رۇستەم بايسەيتوۆ.

بۇگىنگى كۇنى مەگاپوليستە «سپورتتىق الماتى» جانە «سپورت مەنىڭ اۋلامدا» باعدارلامالارى كەڭ قانات جايۋدا. 500-دەن استام سپورت الاڭدارى اباتتاندىرىلدى. «تۋعان جەر» باعدارلاماسى اياسىندا الاتاۋ اۋدانىندا جەڭىل اتلەتيكالىق ستاديون ىسكە قوسىلىپ، جەڭىل اتلەتيكالىق مانەج سالىنۋدا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي