BAQ.kz - Қазақстан жаңалықтары USD 369.98 BAQ.kz - Қазақстан жаңалықтары EUR 428.7 BAQ.kz - Қазақстан жаңалықтары RUB 5.64
استانا:

الماتىدا اكىمىنىڭ كۋبوگىنا ارنالعان تارتىستى بايگە جارىستارى ٴوتتى

الماتىنىڭ رەسپۋبليكالىق يپپودرومىندا الماتى قالاسى اكىمىنىڭ كۋبوگىنا ارنالعان بيىلعى ماۋسىمداعى ٴ11-شى بايگە كۇنى وتكىزىلدى، دەپ حابارلايدى baq.kz اقپارات اگەنتتىگى اقپاراتتىق جانە سپورتتىق حاب-قا سىلتەمە جاساپ.

40-تان استام شاباندوزدار اسىل تۇقىمدى اتتارىن ٴارتۇرلى قاشىقتىقتاعى جارىستا سىنادى. قالا تۇرعىندارى مەن قوناقتارى تەك سايگۇلىكتەردىڭ عانا ەمەس، پونيلاردىڭ دا جارىستارىن تاماشالاپ، كوتەرىڭكى كوڭىل كۇيدە بولدى.

ولاردىڭ ناتيجەسىندە اكىمنىڭ كۋبوگىن (4000 م.) ەكىنشى جىل قاتارىنان بەلگىلى سپورتشى يسلام بايرامۋكوۆتىڭ اتى - «زۋبايىر» جەڭىپ الدى. ونىڭ «امانات» ەسىمدى ەكىنشى سايگۇلىگى (1600 م.) دە قىزدار اراسىندا جەڭىسكە جەتتى.

«بۇگىن ٴبىزدىڭ كۇنىمىز وڭىنان تۋىپ تۇر. «زۋبايىر» جارىستىڭ باسىنان باستاپ سوڭىنا دەيىن ٴبىرىنشى كەلىپ، ٴبىزدى قۋانتتى. ونىڭ جاسى 5-تە. ونى ٴبىز 2014 جىلى امەريكادان الىپ كەلگەنبىز. وسىنداي جاقسى ناتيجە كورسەتىپ، جاتقانىنا قۋانىشتىمىز. ول وزىنە جۇمسالعان قاراجاتتى اقتاپ جاتىر. ونىڭ ٴبارى مەنىڭ كوماندامنىڭ ارقاسىندا»، - دەدى يسلام بايرامۋكوۆ.

سونىمەن قاتار، «يۆانوۆ ۆ.ۆ. قۇرمەتىنە ارنالعان لۋگوۆسكيي ات زاۋىتى» جۇلدەسىنە ارنالعان جارىستا ٴتورتىنشى رەت «گاگالىك» ەسىمدى سايگۇلىك ۇتسا، قازاقستاندا تۋىلعان 3-جاستان جوعارى اتتار اراسىنداعى گانديكاپ جارىسىندا ٴۇشىنشى رەت «پروۆوكاسيا» جىلقىسى جەڭدى. ال، الامان بايگەدە 21 شاقىرىمدىق قاشىقتىق بويىنشا «ارعىماق» ەسىمدى تۇلپار ۇتسا، جورعا-جارىستا 8 شاقىرىمدىق قاشىقتىق بويىنشا «شۇبات» ٴبىرىنشى كەلدى.

جەڭىمپازدار مەن جۇلدەگەرلەر كۋبوكتان بولەك، اقشالاي سىيلىقتارعا يە بولدى.

سونداي-اق، يپپودروم قوناقتارى ٴۇزىلىس كەزىندە ات جارىسىنىڭ ٴار تۇرلەرىن تاماشالاپ، وزدەرى اتپەن قىدىرۋعا مۇمكىندىك الدى.

يپپودروم ديرەكتورى يۋريي كيششەنكونىڭ ايتىۋىنشا جالپى بيىلعى ات جارىس ماۋسىمىندا الماتىلىق رەسپۋبليكالىق يپپودرومىندا 11 جارىس كۇنى وتكىزىلىپ، 350 باس اسىل تۇقىمدى اتتاردىڭ باعى سىنالدى. بيىلعى ماۋسىمنىڭ جابىلۋى 21 قازان كۇنى وتكىزىلەدى.

ايتا كەتەر جايت، بۇل ات جارىستارى الماتىنىڭ اتبايگە فەدەراسياسى جانە «الماتى قالاسىنىڭ حالىقارالىق سپورتتىق جوبالار ديرەكسياسى» مق، سونداي-اق الماتى قالاسى دەنە شىنىقتىرۋ جانە سپورت باسقارماسىنىڭ قولداۋىمەن وتكىزىلدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي