USD 336.23 EUR 360.3 RUB 5.28
استانا:

العاشقى ساتىلىمدا وتپەي قالعان «توبىل» كلۋبى 2 ەسەگە ارزاندايدى

فوتو: Tengrinews.kz

قوستانايداعى «توبىل» فۋتبول كلۋبى 95 ميلليون تەڭگەگە وتپەي قالدى. العاشقى ساتىلىمعا ەشكىم قاتىسقان جوق. ەندى كلۋبتىڭ باعاسى ەكى ەسەگە تومەندەيدى. بۇل تۋرالى وبلىستىق قارجى باسقارماسىنىڭ ماماندارى حابارلادى.

«توبىل» فۋتبول كلۋبى ەلەكتروندى كوممەرسيالىق تەندەر ٴادىسى بويىنشا ساتىلىمعا شىعارىلعان بولاتىن. ەكىنشى ساتىلىمدا ەشكىم قىزىعۋشىلىق تانىتپاسا، قۇنى تاعى تومەندەتىلمەك. ال ٴتىپتى وتپەسە، مەملەكەت مەنشىگىندەگى ۇيىم تاراتىلماق.

ايتا كەتەيىك، ايماقتاعى «توبىل» كلۋبىنا بيىل وبلىس قازىناسىنان 2 ميللياردقا جۋىق قاراجات بولىنگەن.

«سەبەبى ساتىپ الاتىن كىسىلەر بولعان جوق. ەشكىم رەەسترگە ٴوتىنىش بەرگەن جوق. باستاپقى قۇنى – 95 ميلليون تەڭگە. ەندى كەلەسى كونكۋرس جيىرما كۇننەن كەيىن بولادى. سوسىن باستاپقى باعاسى جارتىلاي بولادى»، - دەيدى ، قوستاناي وبلىستىق قارجى باسقارماسى باسشىسىنىڭ ورىنباسارى الما ٴجۇسىپوۆا.

جەكەشەلەندىرۋدىڭ ەكىنشى تولقىنىندا توبىل وڭىرىندە 20 نىساندى ساتۋ جوسپارلانعان. سونىڭ توعىزى جەكەگە ساتىلىپ، وبلىستىق قازىنانى 226 ميلليون تەڭگەگە تولتىرعان.

astanatv.kz

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي