BAQ.kz - Қазақстан жаңалықтары USD 370.04 BAQ.kz - Қазақстан жаңалықтары EUR 420.99 BAQ.kz - Қазақстан жаңалықтары RUB 5.58
استانا:

اقتوبە وبلىسىندا سپورت اپتالىعى وتەدى

بيىل اقتوبەدە سپورت كۇنى ٴبىر اپتا بويى مەرەكەلەنەتىن بولادى. بۇل تۋرالى وڭىرلىك كوممۋنيكاسيالار قىزمەتىندەگى ٴباسپاسوز كونفەرەنسياسى بارىسىندا اقتوبە وبلىسىنىڭ دەنە شىنىقتىرۋ جانە سپورت باسقارماسىنىڭ باسشىسى مەيرامبەك ماحامبەتوۆ ايتتى، دەپ حابارلايدى baq.kz اقپارات اگەنتتىگى.

«تامىزدىڭ 10-نان ٴ18-ى ارالىعىندا اقتوبە قالاسى مەن وبلىس اۋداندارىندا 15 ٴىرى ٴىس-شارا وتەدى، ولارعا 15 مىڭ ادام قاتىسادى. سپورتتىق جارىستار تۇڭعىش پرەزيدەنت اتىنداعى ساياباقتا، بجسم، شاحمات اللەياسىندا ۇيىمداستىرىلادى. سپورت اپتالىعى بويىنا وبلىس تۇرعىندارى اقتوبەلىك سپورتشىلاردىڭ ونەرلەرىن كورە الادى، جۇزۋدەن، تەننيستەن، زياتكەرلىك جانە سپورتتىڭ ويىن تۇرلەرى بويىنشا بجسم-دەگى اشىق ەسىك كۇندەرى ولارعا كىرە الادى»، - دەدى مەيرامبەك ماحامبەتوۆ.

16 تامىزدا تۇڭعىش پرەزيدەنت اتىنداعى ساياباقتا گرەك-ريم، ەركىن كۇرەس، ايەلدەر كۇرەسى بالۋاندارى فلەشموب كورسەتەدى. سونىمەن قاتار، «كۇرەستىڭ 12 تۇرىنەن فەستيۆالدىڭ» اقتىق كەزدەسۋلەرى بولادى.

سپورت اپتالىعىنىڭ نەگىزگى وقيعاسى 18 تامىزدا «جەكپە-جەك» سارايىندا وتەدى، وندا ۇزدىك سپورتشىلار مەن جاتتىقتىرۋشىلاردى ماراپاتتايدى، كورەرمەندەر اكروباتتار مەن گيمناستشىلاردىڭ شوۋىن، كروسسفيتتەن جارىستى قاراي الادى. سونداي-اق، وسى شارا اياسىندا قوناقتار وبلىستىڭ بەدەلدى سپورتشىلارىن باسقا قىرىنان تاني الاتىن بولادى.

سپورت اپتالىعى 18 تامىزدا كەشكىسىن تۇڭعىش پرەزيدەنت اتىنداعى ساياباقتا ۇلكەن باعدارلامامەن جابىلادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي