BAQ.kz - Қазақстан жаңалықтары USD 368.28 BAQ.kz - Қазақстан жаңалықтары EUR 419.21 BAQ.kz - Қазақстан жаңалықтары RUB 5.59
استانا:

اقمولا وبلىسىندا مەملەكەتتىك قىزمەتشىلەر اراسىندا سپارتاكيادا باستالدى

فوتو:

استانا، baq.kz. بۇگىن اقمولا وبلىسىندا مەملەكەتتىك قىزمەتشىلەر اراسىنداعى ٴىح وبلىستىق «وتان» سپارتاكياداسىنىڭ سالتاناتتى اشىلۋ ٴراسىمى ٴوتتى.

سپارتاكيادا مەملەكەتتىك باسقارۋ ورگاندارى جۇمىسشىلارىنىڭ اراسىندا بۇقارالىق سپورتتى ناسيحاتتاۋ، مەملەكەتتىك قىزمەتشىلەردى سپورتپەن جۇيەلىك تۇردە شۇعىلدانۋعا تارتۋ، سالاۋاتتى ٴومىر سالتى ۇستانىمدارىن ەنگىزۋ جانە سپورت ارقىلى ۇجىمدارداعى دوستىق قاتىناستاردى نىعايتۋ ماقساتىندا وتكىزىلەدى.

«وبلىسىمىزدىڭ مەملەكەتتىك قىزمەتشىلەرى جەكە تۇلعانىڭ جان-جاقتى دامۋىن قولدايتىندارىن تاعى دا كورسەتتى. پرەزيدەنت اتاپ وتكەندەي، سپورتپەن اينالىسۋ دەنساۋلىقتى نىعايتىپ قانا قويماي، جىگەرلى بولۋعا، جەتىستىكتەرگە قول جەتكىزۋگە تاربيەلەيدى، جوعارى مورالدىق-رۋحاني قاسيەتتەرگە تاربيەلەيدى. سول سەبەپتى سپورتتى دامىتۋعا ەلىمىز جوعارى كوڭىل بولەدى» - دەپ ٴوز سوزىندە دەپارتامەنت باسشىسىنىڭ ورىنباسارى ر. براتايەۆا ايتىپ ٴوتتى.

سپارتاكيادا توعگىزقۇمالاك، ۆولەيبول، ۇستەل تەننيسى، وقپەن اتۋ، شاحمات، ٴجۇزۋ، فۋتبول، شاڭعى جارىستارى سياقتى سپورت تۇرلەرى بويىنشا وتەدى. وعان وبلىستىق باسقارمالار مەن دەپارتامەنتتەردىڭ مەملەكەتتىك قىزمەتشىلەرىنەن قۇرالاتىن قۇراما كوماندالار قاتىسادى.

قاتارداعى قىزمەتشىلەرمەن قاتار سپارتاكياداعا مەملەكەتتىك ورگاندارىنىڭ باسشىلارى مەن ولاردىڭ ورىنباسارلارى دا قاتىساتىنىن اتاپ كەتكەن ٴجون. ولار وزدەرىنىڭ وسى ارەكەتىمەن قىزمەتكەرلەرگە قولداۋ كورسەتىپ، ەلباسىنىڭ بۇقارالىق سپورتپەن اينالۋشىلار قاتارىن 2020 جىلعا قاراي 30%-عا دەيىن جەتكىزۋ جونىندەگى تاپسىرماسىن ورىنداۋعا ۇلەس قوسپاق.

«مەملەكەتتىك قىزمەتشىلەر ٴۇشىن سالاۋاتتى ٴومىر سالتىن ۇستانۋ باستاپقى مىندەتتەردىڭ ٴبىرى. مەملەكەتتىك قىزمەتشىنىڭ دەنى ساۋ، كۇش-جىگەرى مول بولسا ول الدەقايدا بەلسەندى جانە ٴتيىمدى بولادى. وسىناۋ سپورتتىق تارتىستا مەملەكەتتىك قىزمەتشىلەر وزدەرىنىڭ جەڭىسكە دەگەن جوعارى تالپىنىستارىن كورسەتەتىنىنە سەنىمدىمىز» - دەپ ر. براتايەۆا قورىتىندىلاپ ٴوتتى.

اقمولا وبلىسىنىڭ مەملەكەتتىك قىزمەتشىلەرى اراسىندا بۇنداي ٴىس-شارالار ۇجىمداردى بىرىكتىرۋدىڭ جانە سالاۋاتتى ٴومىر سالتىن قالىپتاستىرۋدىڭ وزىندىك ٴبىر داستۇرىنە اينالدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي