BAQ.kz - Қазақстан жаңалықтары USD 367.06 BAQ.kz - Қазақстан жаңалықтары EUR 416.17 BAQ.kz - Қазақстан жаңалықтары RUB 5.56
استانا:

اكىم سپورتشىعا پاتەر سىيلادى

فوتو: Абылай Нажман

استانا، baq.kz. اقتوبە وبلىسىنىڭ اكىمى بەردىبەك ساپاربايەۆ 2018 جىلعى الەم چەمپيوناتىنىڭ كۇمىس جۇلدەگەرى، ەركىن كۇرەستىڭ شەبەرى نۇريسلام سانايەۆپەن كەزدەستى. بۇل تۋرالى وبلىس اكىمىنىڭ ٴباسپاسوز قىزمەتى حابارلايدى.

«ٴبىز سەنىڭ بۋداپەشتە وتكەن الەم چەمپيوناتىنداعى تابىستارىڭمەن ماقتانامىز. بۇل – ٴبىزدىڭ كۇللى ەلىمىز ٴۇشىن تاريحي وقيعا. مەملەكەت باسشىسىنىڭ ساياساتى ناتيجەسىندە جىل سايىن تۇرعىنداردى دەنە تاربيەسىمەن جانە سپورتپەن قامتۋ ۇلعايۋدا، سپورتتىق جاتتىعۋ ورىندارى قولجەتىمدى بولا تۇسۋدە. ٴبىزدىڭ سپورتشىلارىمىزدىڭ جەتىستىكتەرى قازاقستاندىقتاردىڭ جاس بۋىنىنا سالاۋاتتى ٴومىر سالتىن تاڭداۋ ٴۇشىن ەرەكشە ىنتالاندىرۋشى جاي بولىپ وتىر»، - دەپ اتاپ كورسەتكەن وبلىس باسشىسى سپورتشىعا مىقتى دەنساۋلىق، سپورتتا جاڭا بيىكتەردى باعىندىرۋ تىلەگىن جەتكىزدى.

وبلىس اكىمى پالۋانعا وبلىستىق گرەك-ريم، ەركىن جانە ايەلدەر كۇرەسى فەدەراسياسى اتىنان اقتوبە قالاسىنىڭ باتىس-2 تۇرعىن ٴۇي ماسسيۆىنەن ەكى بولمەلى پاتەردىڭ سەرتيفيكاتىن تاپسىردى.

ٴوز كەزەگىندە نۇريسلام سانايەۆ جىلى لەبىزى ٴۇشىن وبلىس باسشىسىنا العىسىن ايتىپ، الداعى ۋاقىتتا دا جوعارى ناتيجەلەرگە جەتۋ ٴۇشىن بارلىق كۇش-جىگەرىن جۇمسايتىندىعىنا سەندىردى.

نۇريسلامنىڭ قازان ايىنىڭ سوڭىندا بۋداپەشتە وتكەن الەم بىرىنشىلىگىندە ەركىن كۇرەستەن قازاقستان تاريحىندا ٴبىرىنشى رەت وليمپيادالىق سالماقتا كۇمىس جۇلدەگەر اتانعانى بەلگىلى. ول 2020 جىلى توكيودا وتەتىن ٴحححىى جازعى وليمپيادالىق ويىندارعا قاتىسۋدى كوزدەپ وتىر. بۇل ٴۇشىن ول 2019 جىلدىڭ قىركۇيەگىندە استانادا وتەتىن كۇرەس تۇرلەرى بويىنشا الەم چەمپيوناتىندا جوعارى ناتيجەلەر كورسەتۋى ٴتيىس.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي