BAQ.kz - Қазақстан жаңалықтары USD 344.58 BAQ.kz - Қазақстан жаңалықтары EUR 400.51 BAQ.kz - Қазақстан жаңалықтары RUB 5.47
استانا:

ٴاچ-2018. fifa تاڭداپ العان تورەشى ٴومىر بويىنا فۋتبولدان شەتتەتىلدى

رەسەيدەگى فۋتبولدان الەم چەمپيوناتىنا ارنايى ىرىكتەلىپ الىنعان كەنيالىق اربيتر ايدەن رەندج مارۆا جەمقورلىق ٴۇشىن ٴومىر بويىنا فۋتبولدان شەتتەتىلدى، دەپ حابارلايدى baq.kz اقپارات اگەنتتىگى افريكالىق فۋتبول كونفەدەراسياسىنا (caf) سىلتەمە جاساپ.

مارۆا مۋنديالعا باس تورەشىنىڭ كومەكشىسى رەتىندە قاتىسۋ كەرەك بولاتىن، ٴبىراق ول پارا الۋ كۇدىگىنە بايلانىستى تۋرنيرگە بارماي قالدى.

كەنيالىق اربيتر دەرەكتى فيلمدە افريكالىق قۇرلىقتىق تۋرنير كەزىندە 600 دوللار كولەمىندە پارا الىپ جاتقانى كورىنىپ قالعان. بۇل كورىنىستى گانالىق جۋرناليست اناس ارەمەياۆ اناس ٴتۇسىرىپ العان. فيلم bbc africa ارناسىنان كورسەتىلدى.

سونىمەن قاتار، fifa مارۆا مەن فيلمدە كورسەتىلگەن باسقا دا تۇلعالاردىڭ ٴىسىن "تەرگەۋ جانە سوت ورگاندارىنا" بەرگەنىن مالىمدەدى. ۇيىم مۇنداي وقيعا بولعانى دالەلدەنسە، "قاتاڭ جازالار" قولدانىلاتىنىن اتاپ ٴوتتى.

مارۆا fifa دايىندىعىنان ٴوتىپ، رەسەيدەگى چەمپيوناتقا ىرىكتەلگەن ٴجۇز تورەشىنىڭ ىشىندە جەمقورلىققا قاتىسى بار ەكىنشى ادام. مۇنىڭ الدىندا ساۋد ارابياسىنىڭ فۋتبول فەدەراسياسى ۇلتتىق كۋبوك فينالىندا جەڭىسكە جەتۋ ٴۇشىن كوماندادان پارا تالاپ ەتكەن فاحاد ٴال-ميرداسيدى فۋتبولدان شەتتەتكەن بولاتىن.

مارۆا مەن ٴال-ميرداسي 2017 جىلى رەسەيدەگى كونفەدەراسيا كۋبوگىندا قىزمەت ەتكەن. سونداي-اق، كەنيالىق اربيتر 2014 جىلى برازيليادا وتكەن چەمپيوناتتا قوسىمشا تورەشى بولعان.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي