BAQ.kz - Қазақстан жаңалықтары USD 374.2 BAQ.kz - Қазақстан жаңалықтары EUR 420.34 BAQ.kz - Қазақстан жаңалықтары RUB 5.52
استانا:

16 قىركۇيەكتە ەلوردادا حالىقارالىق مارافون وتەدى

فوتو: astana.gov.kz

16 قىركۇيەك، جەكسەنبى كۇنى استانادا astana marathon-2018 جىل سايىنعى حالىقارالىق مارافونى وتەدى، دەپ حابارلايدى baq.kz اقپارات اگەنتتىگى استانا قالاسى اكىمدىگىنىڭ رەسمي سايتىنا سىلتەمە جاساپ.

سپورتتىق شاراعا قاتىسۋعا قازاقستاننان جانە گەرمانيا، رەسەي، جاپونيا، يتاليا، وزبەكستان، ٴباا، شۆەسيا، وڭتۇستىك كورەيا، ۇلىبريتانيا، اقش، قىرعىزستان، فرانسيا، تۇركيا، اۋستراليا، كەنيا، ەفيوپيا، ەريترەيا، گرۋزيا، ليۋكسەمبۋرگ جانە يسپانيا سىندى الەمنىڭ 20 مەملەكەتىنەن 4000-عا جۋىق ادام نيەت بىلدىرگەن. ۇيىمداستىرۋشىلار قاتىسۋشىلار سانى 5000-عا جۋىقتايدى، ال ونىڭ 320-سى – شەتەلدىك اگەنتتەر. مارافون قاشىقتىعىنىڭ باعىتىن iaaf (حالىقارالىق جەڭىل اتلەتيكا فەدەراسيالارىنىڭ قاۋىمداستىعى) سەرتيفيكاتتاعان.

«astana marathon-2018» جاسى 18-دەن اسقان قاتىسۋشىلارعا 42.2 كم، ال 16 جانە ودان جوعارى جاستاعىلارعا 10 كم قاشىقتىقتى باعىندىرۋدى ۇسىنادى. مارافوننىڭ ەڭ قاشىق ديستانسياسىن جۇگىرىپ وتۋگە 6 ساعات ۋاقىت بەرىلەدى. بۇل رەگلامەنتتە ۇلگەرمەگەن اتلەتتەر ديسكۆاليفيكاسيالانىپ، باعىتتان الىنادى.

مارافونعا قاتىسۋ ٴۇشىن www.astana42k.com سايتىندا ونلاين تىركەۋدەن ٴوتۋ قاجەت. مارافونعا قاتىسۋ قۇنى 42.2 كم ديستانسياعا – 8000 تەڭگە، 10 كم-گە – 4000 تەڭگە. قالىپتاسقان ٴداستۇر بويىنشا جينالعان قاراجات قايىرىمدىلىق ماقساتتارعا باعىتتالادى. مارافون 16 قىركۇيەك، جەكسەنبى كۇنى ساعات 07:00 مەن ساعات 13:00 ارالىعىندا وتەدى.

قاتىسۋشىلار جينالاتىن ورىن: رىسقۇلوۆ ك-سىنىڭ تۇركىستان ك-سىمەن قيىلىسى، ر4 تۇراعى (ەكسپو-ا قارسى) تاڭعى ساعات 06:00-دە.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي