BAQ.kz - Қазақстан жаңалықтары USD 370.55 BAQ.kz - Қазақстан жаңалықтары EUR 421.76 BAQ.kz - Қазақстан жаңалықтары RUB 5.57
استانا:

«تۋعان ەل» – ٴمولدىردىڭ تۋعان ەلىنە تارتقان تاماشا تارتۋى بولدى

استانا، baq.kz. قازاقستان رەسپۋبليكاسى مادەنيەت جانە سپورت مينيسترلىگى «قازاقكونسەرت» مەملەكەتتىك كونسەرتتىك ۇيىمىنىڭ ۇيىمداستىرۋىمەن ون بەس جىلدا العاش رەت قازاق ەستراداسىنىڭ تانىمال ٴانشىسى ٴمولدىر اۋەلبەكوۆانىڭ «تۋعان ەل» اتتى كونسەرتى ٴوتتى.

قىستىڭ العاشقى كۇنى ەلوردا تۇرعىندارى ۇمىتىلماس كەشتىڭ كۋاگەرى بولعانى ٴسوزسىز.

ينە شانشار جەر جوق لىق تولى زال، سۇيىكتى ٴانشىسى ٴۇشىن تاقىمىن قىسقان كورەرمەن، كورەرمەنىمەن قاۋىشۋعا اسىققان كەش يەسى.

ٴيا، تانىمال ٴانشى ٴمولدىر اۋەلبەكوۆانىڭ كەشىندە ٴدال وسىنداي كورىنىستىڭ كۋاگەرى بولدىق.

سەبەبى، حالقى ٴانشىنىڭ كونسەرتىن اسىعا كۇتكەنى بايقالىپ-اق تۇردى.

كونسەرت استانا قالاسىنىڭ ەڭ ۇلكەن كونسەرتتىك زالدارىنىڭ ٴبىرى «قازاقستان» ورتالىق كونسەرت زالىندا ٴوتتى.

كونسەرتتە مەيرامبەك بەسپايەۆ، تورەعالي تورەالى، رايىم ۋايىس، ۇشقىن جامالبەك، «نازار» توبى سىندى وتاندىق ەسترادانىڭ بەلگىلى انشىلەرى دە كەش يەسىمەن بىرگە ونەر كورسەتتى.

ال «forte trio» مەملەكەتتىك تريوسى، «استانا سازى» ەتنو-فولكلورلىق ٴانسامبلى مەن «zaratushtra band» وركەسترى جاندى داۋىستا وتكەن كەشتى سۇيەمەلدەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي