USD 336.23 EUR 360.3 RUB 5.28
استانا:

«قىزتەكەلىككە تاربيەلەيدى» دەگەن قاراعاندى جاستارى «ٴ91-دىڭ» كونسەرتىن وتكىزبەي قويدى

فوتو: ғаламтордан алынды

قاراعاندىدا «ninety one» توبىنىڭ 18 قازاندا ٴوتۋى ٴتيىس كونسەرتى تاعى وتپەي قالعان. بۇل جايىندا توپتىڭ ينستاگرامداعى پاراقشاسىندا جاريالانعان، دەپ حابارلايدى baq.kz ٴتىلشىسى.

«ninety one» توبى ٴوزىنىڭ ينستاگرامداعى پاراقشاسىندا قاراعاندىداعى كونسەرتتىڭ وتپەيتىندىگىن ايتىپ، فاناتتارىن شىدامدى بولۋعا شاقىرعان.

«بەلگىلى سەبەپتەرمەن سيركتىڭ اكىمشىلىگىنە كونسەرتتى بەلگىسىز ۋاقىتقا شەگەرتۋگە تۋرا كەلدى. جاقىن ارادا مىندەتتى تۇردە كورىسەمىز. مۇڭايماڭىزدار جانە شىدامدى بولىڭىزدار»، - دەيدى «ninety one» توبىنىڭ مۇشەلەرى.

وسى حابارلامانىڭ استىنا پىكىر قالدىرعان توپتىڭ ونەرىن سىيلاۋشىلار سۇيىكتى ارتىستەرىن جىگەرلەندىرىپ، ولاردى قانشا بولسا دا كۇتۋگە ٴازىر ەكەندەرىن جازعان.

«سىزدەر قانداي باقىتتىسىزدار. قانشاما ادام سىزدەردى جاقسى كورەدى، كۇتەدى. ال قالعانى ماڭىزدى ەمەس. ٴبارى ۋاقىتشا. مەن دە سىزدەردى جاقسى كورەم»، - دەيدى توپ فاناتتارىنىڭ ٴبىرى.

دەسە دە، اتىشۋلى «ٴ91-دىڭ» كونسەرتىن توقتاتۋعا قاراعاندى جاستارىنىڭ قالا اكىمىنىڭ اتىنا جازعان حاتى تۇرتكى بولۋى مۇمكىن دەگەن قاۋەسەت بار. الەۋمەتتىك جەلىدە ولاردىڭ جازعان حاتى جاريا بولدى.

حات قاراعاندى قالاسىنىڭ اكىمى نۇرلان اۋباكىروۆتىڭ اتىنا جازىلعان.

«ٴبىز، قاراعاندى قالاسىنىڭ جانە وكتيابر اۋدانىنىڭ جاستارى، قاراعاندى سيركىندە وتەيىن دەپ جاتقان «ninety one» توبىنىڭ كونسەرتىنىڭ وتۋىنە قارسىلىق بىلدىرەمىز. سەبەبى ولار ٴبىزدىڭ قازاق حالقىنىڭ داستۇرىنە، سالتىنا، دىنىنە، نامىسىنا، مەنتاليتەتىنە جات نارسەلەردى ەسترادا ارقىلى ەنگىزىپ جاتقان مۋزىكالىق توپ. ولار جاستاردى تەرىس اعىمعا، قىزتەكەلىككە، جىگىتتەردىڭ نامىسسىز بولۋىنا، جىگىتتەردىڭ قىزدار سياقتى كيىنىپ، ٴالسىز بولۋىنا جانە سىرعا تاعىپ، بويانىپ، شاشتارىن تۇرلى-تۇسكە بوياۋى ارقىلى جاستاردىڭ تاجىريبەسىنە تەرىس اسەرىن تيگىزىپ جاتىر. وسى ماسەلە بويىنشا زاڭ جۇزىندە «ninety one» توبىنىڭ قاراعاندىدا كونسەرتىنىڭ وتپەۋىنە شارا قولدانۋىڭىزدى سۇرايمىز»، - دەپ جازىلعان حاتتا.

ازىرگە، قاراعاندى قالاسىنىڭ باسشىلىعى اتالعان ماسەلەگە قاتىستى رەسمي مالىمدەمە جاساعان جوق.

كەشە baq.kz اقپاراتتىق اگەنتتىگىنىڭ قاراعاندىداعى مەنشىكتى ٴتىلشىسى «ninety one» توبى جايىندا قاراعاندىلىق جاستاردىڭ پىكىرىن سۇراپ بىلگەن ەدى.

ەستەرىڭىزگە سالا كەتەيىك، بۇعان دەيىن شىمكەنت پەن اقتوبەدە ٴبىر توپ جاس «ninety one» توبىنىڭ كونسەرتىنە قارسىلىق ٴبىلدىرىپ، ناتيجەسىندە كونسەرت وتپەي قالعان ەدى.

حاتتىڭ سۋرەتى: اۆتوردىكى

سسىلكي پو تەمە:
كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي