BAQ.kz - Қазақстан жаңалықтары USD 352.54 BAQ.kz - Қазақстан жаңалықтары EUR 415.15 BAQ.kz - Қазақстан жаңалықтары RUB 5.31
استانا:

قىتاي كورمەسىندە ديماشتىڭ كونسەرتىنە ارنالعان بيلەت ۇتىسقا قويىلدى

«china outbound travel market» حالىقارالىق تۋريستىك كورمەسىندە ديماش قۇدايبەرگەن كونسەرتىنە بيلەتتەر ويناتىلۋدا، دەپ حابارلايدى baq.kz اقپارات اگەنتتىگى.

پەكين قالاسىندا، قازاقستاننىڭ قىتايداعى توتەنشە جانە وكىلەتتى ەلشىسى شاحرات نۇرىشەۆتىڭ جانە «kazakh tourism» ۇك» اق-نىڭ باسقارما ٴتوراعاسىنىڭ ورىنباسارى قايرات ٴسادۋاقاسوۆتىڭ قاتىسۋىمەن «china outbound travel market» حالىقارالىق تۋريستىك كورمەسىندە ۇلتتىق ستەندتىڭ رەسمي اشىلۋ سالتاناتى ٴوتتى.

قازاقستان بۇل كورمەدە «قالا جانە بەلسەندى تۋريزم ۇيلەسىمى» اتتى تاقىرىپتى ۇسىندى. بۇنىڭ اياسىندا كورمەدە قازاقستانداعى قالالىق ەكسكۋرسيالار، mice تۋريزم، شوپپينگ، ترانزيتتىك تۋرلارمەن قاتار ەكو جانە ەتنو-تۋريزم، بەلسەندى دەمالىس تۇرلەرى تۋرالى ايتىلاتىن بولادى.

kazakh tourism ۇيىمداستىرعان ۇلتتىق ستەندتىڭ بىردەن-بىر ەرەكشەلىگى – وندا ديماش قۇدايبەرگەننىڭ شەنچجەن قالاسىندا وتەتىن كونسەرتىنە بيلەتتەر ويناتىلۋدا. ول ٴۇشىن كورمە قوناقتارى ستەندتە ورنالاسقان فوتوزوناعا كەلىپ، ٴانشىنىڭ فيگۋراسىمەن سۋرەتكە ٴتۇسۋى ٴتيىس.

«قىتاي تۋريزم تۇرعىسىنان ٴبىز ٴۇشىن ٴبىرىنشى كەزەكتەگى نارىقتاردىڭ ٴبىرى بولىپ تابىلادى. سوندىقتان، بۇگىن ٴبىز قىتايدىڭ سىرتقى ٴتۋريزمنىڭ ەڭ بەدەلدى كورمەسىندە قازاقستاننىڭ ۇلتتىق ستەندىن ۇسىنىپ وتىرمىز. ستەند تۇجىرىمداماسى قازاقستانداعى قالالىق جانە بەلسەندى ٴتۋريزمنىڭ سينەرگياسىنا نەگىزدەلگەن، بۇل – ٴارتۇرلى زەرتتەۋلەر بويىنشا قىتاي تۋريستەرى اراسىندا ەڭ تانىمال دەمالىس ٴتۇرى،» - دەپ اتاپ ٴوتتى kazakh tourism باسقارما ٴتوراعاسىنىڭ ورىنباسارى ق. ٴسادۋاقاسوۆ.

كورمەدە قحر نارىعىنا مامانداندىرىلعان قازاقستاندىق 12 تۋروپەراتور قاتىسۋدا. مادەنيەتىمىزدى قىتاي تۋريستەرىنە وتكەن ايداعى بەرلين كورمەسىندە ايگىلى بولعان ارلان تەاترىنىڭ باتىرلارى، سونداي-اق قوبىزشى مەن ۇلتتىق بيشىلەر تانىستىراتىن بولادى.

cottm – تۋريزم سالاسىنداعى ماڭىزدى شارالاردىڭ ٴبىرى جانە سوڭعى 14 جىل ىشىندە ساراپشىلاردىڭ باعاسى بويىنشا قىتايدا شىعۋ ٴتۋريزمى بويىنشا ەڭ ماڭىزدى كورمە ەكەنىن اتاپ كەتكەن ٴجون.

قىتاي ساياحاتتارعا جۇمسايتىن شىعىستارى مەن شىعۋ ٴتۋريزمى بويىنشا الەمدەگى جەتەكشى نارىق بولىپ تابىلادى. مىسالعا، وتكەن جىلى 140 ميلليونعا جۋىق قىتايلىق تۋريستەر شەتەلگە بارعان ەكەن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي