BAQ.kz - Қазақстан жаңалықтары USD 370.11 BAQ.kz - Қазақстан жаңалықтары EUR 419.37 BAQ.kz - Қазақстан жаңалықтары RUB 5.58
استانا:

ديماش لوندوندا اندەرىنىڭ باسىم بولىگىن قازاق تىلىندە ورىندايدى

استانا، baq.kz ٴتىلشىسى. بەلگىلى ٴانشى ديماش قۇدايبەرگەنوۆتىڭ 19 قاراشا كۇنى لوندوندا وتەتىن جەكە كونسەرتىنىڭ بيلەتتەرىنىڭ ٴبارى ساتىلىپ كەتتى. بۇل تۋرالى مادەنيەت جانە سپورت ٴمينيسترى ارىستانبەك مۇحامەدي ۇلى انشىمەن وتكەن كەزدەسۋدە مالىمدەدى.

بۇگىن مادەنيەت جانە سپورت ٴمينيسترى ارىستانبەك مۇحامەدي ۇلى ديماش قۇدايبەرگەنوۆپەن جانە ونىڭ اكەسى قانات ايتبايەۆپەن كەزدەسىپ، كونسەرتكە دايىندىق تۋرالى اڭگىمە ٴوربىتتى.

«لوندوندا جاندى داۋىستا، وركەسترمەن 30-عا جۋىق ٴان شىرقايمىن.. انسامبلدە بىرنەشە ەلدەن كەلگەن اتاقتى جۇلدىزدارمەن ۇلكەن ساحنادا ونەر كورسەتىپ جۇرگەن ازاماتتار. ونداي ازاماتتارمەن ونەر كورسەتەيىن دەپ جاتقان مەندە ارمان جوق شىعار. لوندوندا تاماشا ونەر كورسەتىپ، قازاقتىڭ اتىن، قازاقتىڭ ٴانىن ٴوز دەڭگەيىندە اۋەلەتىپ قايتساق دەگەن نيەتىمىز بار»، - دەدى ٴانشى.

ديماشتىڭ اكەسى قانات ايتبايەۆ اندەردىڭ 60 پايىزى قازاق تىلىندە ورىندالاتىنىن ايتتى.

«استانالىق «تەررا بالەت» توبى، سونىمەن قاتار ۇلت-اسپاپتار انسامبلىندە كەرەمەت ونەر كورسەتىپ جۇرگەن ۇل-قىزدار بارىپ، ٴبىزدىڭ قازاقتىڭ اندەرىنە ۇلتتىق رەڭك پەن ٴوڭ بەرە وتىرىپ، سۇيمەلدەيدى. اماندىق بولسا، ناتيجەسىن كورەسىزدەر. ورىندالاتىن اندەردىڭ 60 پايىزى قازاق تىلىندە بولادى»، - دەدى ول.

ەسكە سالا كەتسەك، لوندوندا 19 قاراشا كۇنى ديماش قۇدايبەرگەنوۆتىڭ جەكە كونسەرتى وتەدى. ٴمينيستردىڭ ايتۋىنشا، ساتىلىمعا شىققان بيلەتتەردىڭ ٴبارى ساتىلىپ كەتكەن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي