USD 335.71 EUR 357.36 RUB 5.23
استانا:

ب.ەسەنتايەۆتىڭ ىسىنە قاتىستى سوتتا «لاشىن» توبىنان جاۋاپ الىنادى

فوتو: Лашын тобы

باقىتبەك ەسەنتايەۆتىڭ ىسىنە قاتىستى سوتتا «لاشىن» توبى مەن تاكسي جۇرگىزۋشىسىنەن جاۋاپ الىنادى. بۇل تۋرالى سوتتالۋشىنى قورعاۋشى تاراپتىڭ وكىلدەرى مالىمدەدى، دەپ حابارالايدى tengrinews.kz.

سوتتالۋشىنىڭ ادۆوكاتى مۇحتار مىرزاتاي كەلەسى سوت وتىرىسى ەرتەڭگە، ياعني 19 قازانعا ساعات 14.00-گە بەلگىلەنگەنىن حابارلادى. كۋاگەر رەتىندە سوت «لاشىن» توبىن، بايان ماقساتقىزى مىنگەن تاكسيدىڭ جۇرگىزۋشىسىن جانە باقىتبەك ەسەنتايەۆتىڭ جيەنىن شاقىرتتى.

ادۆوكاتتىڭ ايتۋىنشا، سوت ٴادىل ٴوتىپ جاتىر، بارلىق تاراپقا ٴسوز سويلەۋگە مۇمكىندىك بار. بۇگىن 12 القا بي تاڭدالدى.

وسىعان دەيىن تالدىقورعاندا بايان ماقساتقىزىنىڭ بۇرىنعى كۇيەۋىنە قاتىستى سوت وتىرىسىنا القا بيلەردى ىرىكتەۋ باستالعانى حابارلانعان بولاتىن.

ەسكە سالا كەتەيىك، بايان ماقساتقىزى 10 ماۋسىمدا اۋىر جاعدايدا تالعارداعى اۋرۋحاناعا تۇسكەن ەدى. تەرگەۋدىڭ مالىمەتىنە سۇيەنسەك، ونى كۇيەۋى باقىتبەك ەسەنتايەۆ اياۋسىز ۇرىپ-سوعىپ، بىرنەشە رەت پىشاقتاعان. وقيعا ەڭبەكشى اۋىلىنىڭ ماڭىندا، قۇلجا تاس جولىندا ورىن العان.

ەر ادام ۇستالىپ، تالعار اۋداندىق ىشكى ىستەر باسقارماسىنا جەتكىزىلدى. كەيىن ٴىىب وكىلدەرى مەديسينالىق كۋالاندىرۋ قورىتىندىسى بويىنشا باقىتبەك ەسەنتايەۆتىڭ ماس بولعانىن ايتتى. ول ٴوز كىناسىن مويىنداپ وتىر ەكەن. ٴىس «ادام ولتىرۋگە وقتالۋ» بابى بويىنشا تەرگەلىپ جاتىر. ەسەنتايەۆا اۋرۋحانادا 10 كۇندەي بولدى، اۋرۋحانادان شىققاننان كەيىن دە امبۋلاتورلىق ەم قابىلدادى.

بايان ەسەنتايەۆا جۇرتتى دۇرلىكتىرگەن وقيعادان كەيىن ٴبىرىنشى رەت سۇحبات بەردى.

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي