BAQ.kz - Қазақстан жаңалықтары USD 352.54 BAQ.kz - Қазақстан жаңалықтары EUR 415.15 BAQ.kz - Қазақстан жаңалықтары RUB 5.31
استانا:

باتىرحان شۇكەنوۆتىڭ ەش جەردە ورىندالماعان اندەرى جارىققا شىعادى

«ۆ ناس ۆسەليايۋت ليۋبوۆ» اتتى باتىرحان شۇكەنوۆتىڭ ەش جەردە ورىندالماعان 13 ٴانى ەنگەن البوم 20 مامىر كۇنى جارىققا شىعادى. بۇل جايىندا ب.شۇكەنوۆ اتىنداعى "وتان - انا" اتتى ٴىى رەسپۋبليكالىق انشىلەر كونكۋرسى الدىندا وتكەن ٴباسپاسوز كونفەرەنسياسىندا قور ديرەكتورى ولجاس بايكانوۆ مالىمدەدى، دەپ حابارلايدى baq.kz اقپارات اگەنتتىگى.

ەستەرىڭىزگە سالا كەتسەك، كونكۋرس قىزىلوردا قالاسىندا وتۋدە. "وتان - انا" كونكۋرسىنا ارنالعان ٴباسپاسوز كونفەرەنسياسىنا ديلناز احماديەۆا، رينات گايسين، رۇستەم نۇرجىگىت، ساعىناي ابدۋلين جانە ەرجان ٴابدراحمانوۆ قاتىستى.

- سوڭعى جىلى ٴبىز باتىردىڭ جاڭا البومى بويىنشا جۇمىس جاساپ جاتىرمىز. بۇل جيناققا بۇرىن-سوڭدى ەشكىم ەستىمەگەن 13 جاڭا اۋەن ەنەدى. ال، 20 مامىر كۇنى ماسكەۋدەن اندەر جيناقتالعان ديسك جەتكىزىلەدى. بۇل جيناققا قازاقستان عانا ەمەس، كوپتەگەن ەلدىڭ ماماندارى بىرلەسكەن ۇلكەن توپ جۇمىس جاسادى، - دەدى ولجاس بايكانوۆ.

سونىمەن قاتار، باتىرحان شۇكەنوۆپەن تىعىز ارىپتەستىك جۇمىس جاساعان كومپوزيتور رينات گايسين ٴانشىنىڭ تاعى دا بىرنەشە ٴانىن وڭدەپ، جاڭارتىپ شىعاراتىنىن جەتكىزدى.

- ٴبىز ۇزاق ۋاقىت بىرلەسىپ جۇمىس جاسادىق. مەن باتىرعا ارناپ بىرنەشە ٴان شىعاردىم. ماسەلەن، بۇگىنگى كونكۋرستا وعان ارناپ جازعان "استانا" ٴانى ورىندالادى. كونكۋرس اياقتالعان سوڭ مەن پراگاعا بارىپ، ستۋديا ارحيۆىندە ساقتاۋلى باتىردىڭ بىرنەشە ٴانىن جاڭارتىپ، قايتادان وڭدەيمىن. قانداي ٴان ەكەنىن ازىرگە ايتپايمىن، قۇپيا بولىپ قالا بەرسىن، - دەدى رينات گايسين.

ەستەرىڭىزگە سالا كەتسەك، قىزىلوردادا 16-18 مامىر كۇندەرى وبلىس اكىمدىگىنىڭ قولداۋىمەن ب.شۇكەنوۆ اتىنداعى "وتان - انا" اتتى ٴىى رەسپۋبليكالىق انشىلەر كونكۋرسى وتۋدە. وعان ەلىمىزدىڭ بارلىق وڭىرلەرىنەن جانە وزبەكستان مەملەكەتىنەن 25 ورىنداۋشى قاتىسۋدا.

كونكۋرس تالابى بويىنشا، قاتىسۋشىلار 2 ٴان ورىندايدى، ونىڭ ٴبىرى باتىرحان شۇكەنوۆتىڭ رەپەرتۋارىنان بولۋى كەرەك.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي