USD 335.71 EUR 357.36 RUB 5.23
استانا:

«الەم جىگىت سۇلتانى» بايقاۋىندا جەڭدىم دەگەن قازاقستاندىق جىگىت الاياق بوپ شىقتى

19 جاستاعى بايرام يسمايلوۆتىڭ 26 قاراشا كۇنى نيۋ-يوركتە وتكەن «الەمنىڭ جىگىت سۇلتانى» بايقاۋىنىڭ جەڭىمپازى اتاندى دەگەن اقپارات جالعان بولىپ شىقتى، دەپ حابارلايدى قازاقپارات ٴتىلشىسى.

يسمايلوۆتىڭ ينستاگرام پاراقشاسىندا جاريالانعان اقپاراتتى ٴبىرقاتار قازاقستاندىق باق كوشىرىپ باسقان سوڭ، قازاقپارات بايقاۋ تۋرالى سۇراستىرىپ كورگەن. رەداكسيا نيۋ-يوركتە وتكەن شارا تۋرالى رەسمي اقپارات كوزىن سول كۇيى تاپپادى. ونىڭ ۇستىنە، «mister ەاtsh-2017» جازۋىندا قاتە بار. (earth - اعىلشىن تىلىنەن اۋدارعاندا «جەر» ماعىناسىن بەرەدى - رەد.). وسىعان بايلانىستى، قازاقپارات ٴتىلشىسى «mister kazakhstan» ۇلتتىق بايقاۋىنىڭ ديرەكسياسىنا حابارلاسىپ، رەسمي مالىمدەمە الدى.

«بايرام يسمايلوۆ «mister kazakhstan» ۇلتتىق بايقاۋىنىڭ قاتىسۋشىسى ەمەس جانە ونىڭ بايقاۋ ديرەكسياسىنا ەش قاتىسى جوق. «قازاقستان سۇلتانى-2015» اتاعىنىڭ رەسمي ەمەس ەكەنىن ەستەرىڭىزگە سالعىمىز كەلەدى. pr-جارناما ماقساتىندا بايرام يسمايلوۆ ٴوز بەتىمەن گرامماتيكالىق قاتەسى بار لەنتا جاساپ، حالىقارالىق بايقاۋعا قاتىسى جوق لوگوتيپتى بەينەلەگەن. سونىمەن بىرگە، حالىقارالىق بايقاۋدىڭ فينالىنان ٴبىر دە ٴبىر سۋرەتى جوق: «سايىستا بولعانىن دالەلدەيتىن backstage، selfie جانە ەسەپ-سۋرەتى بولماعان»، - دەپ ايتىلادى حابارلامادا.

كونكۋرس ۇيىمداستىرۋشىلارى نيۋ-يوركتە حالىقارالىق ەرلەر بايقاۋى مۇلدەم وتكىزىلمەگەنىن تىلگە تيەك ەتەدى. ديرەكسيانىڭ مالىمدەۋىنشە، بايرام يسمايلوۆتىڭ سىرتقى بەت-بەينەسى – بويى مەن دەنە سالماعى حالىقارالىق تالاپتارعا ساي ەمەس.

العاش رەت قازاقستاندا «mister kazakhstan» ۇلتتىق كونكۋرسى 2016 جىلى ٴوتتى.

سۋرەت: tengrinews.kz

ەسكە سالا كەتسەك، «mister earth kazakhstan 2016» تيتۋلىنىڭ العاشقى رەسمي ٴارى قازىرگى يەگەرى «mister kazakhstan 2016» ۇلتتىق كونكۋرسىنىڭ جەڭىمپازى بولات مۇراتبەكوۆ. 2017 جىلدىڭ اقپان ايىندا گۆاتەمالادا وتەتىن «mister earth 2016» حالىقارالىق كونكۋرسىندا قازاقستان اتىنان باق سىنايدى»، - دەدى كونكۋرس ديرەكسياسى.

سسىلكي پو تەمە:
كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي