BAQ.kz - Қазақстан жаңалықтары USD 374.2 BAQ.kz - Қазақстан жаңалықтары EUR 420.34 BAQ.kz - Қазақстан жаңалықтары RUB 5.52
استانا:

شەتەلدەگى قازاق اقىندارىنىڭ جىر جيناقتارى شىقتى

دۇنيەجۇزى قازاقتارىنىڭ قاۋىمداستىعى جانىنداعى «اتاجۇرت» باسپا ورتالىعىنان شەتەلدەگى قازاق اقىندارىنىڭ جىر جيناقتارى شىقتى، دەپ حابارلايدى baq.kz اقپارات اگەنتتىگى.

بۇل تۋرالى قاۋىمداستىق ٴباسپاسوز ورتالىعى مالىمدە.

«بۇل كىتاپتار قازاقستان رەسپۋبليكاسى مادەنيەت جانە سپورت مينيسترلىگى «مادەنيەت جانە ونەر سالاسىنداعى باسەكەلەستىكتى جوعارلاتۋ، قازاقستاندىق مادەني مۇرانى ساقتاۋ، زەردەلەۋ مەن ناسيحاتتاۋ جانە مۇراعات ٴىسىنىڭ ىسكە اسىرىلۋ تيىمدىلىگىن ارتتىرۋ» باعدارلاماسى «ادەبيەتتىڭ الەۋمەتتىك ماڭىزدى تۇرلەرىن ساتىپ الۋ، باسىپ شىعارۋ جانە تاراتۋ» كىشى باعدارلاماسى بويىنشا جارىق كوردى» - دەلىنگەن حابارلامادا.

اتالعان كىتاپتار وزبەكستانداعى قانداسىمىز، اقىن بوران قىدىروۆ پەن قحر تۇراتىن اقىن ىقىلاس ورازباي ۇلىنا تيسەلى.

«اقىن بوران قىدىروۆتىڭ بۇل جيناعىنا ٴار جىلداردا جازعان ٴارالۋان تاقىرىپتاعى ولەڭدەرى مەن عازەلدەرى، قوس تاعاندارى، ٴتورت تاعاندارى جانە اڭىز تاقىرىبىنا جازعان پوەمالارىنىڭ كوبىنىڭ باسپا بەتىندە جارىق كورگەندەرى توپتاستىرىلسا، ىقىلاس ورازباي ۇلى وسى جىيناقپەن جىر الەمىنە قانات قاققالى وتىرعان جاس اقىن. ونىڭ ولەڭدەرىنەن تۋعان جەرگە، وسكەن ەلگە دەگەن ساعىنىش لەبى ەسەدى. قازاقى بولىمىستىڭ ٴنارىن بويىنا سىڭرگەن اقىننىڭ جىرلارىنىڭ ٴتىلى شۇرايلى، ويى كوركەم. ٴبىز اقىننىڭ بولاشاعىنان وقىرمانعا وي تاستايتىن ورامدى، جۇرەككە جىلى، سەزىمى سىرلى شىعارمالار كۇتەمىز» - دەيدى كىتاپتاردى باسپاعا دايىنداعان، «اتاجۇرت» باسپاسىنىڭ باس رەداكتورى تالاپبەك تىنىسبەك ۇلى.

كىتاپ كوپشىلىك وقىرمانعا ارنالادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي