BAQ.kz - Қазақстан жаңалықтары USD 364.95 BAQ.kz - Қазақстан жаңалықтары EUR 416.99 BAQ.kz - Қазақстан жаңалықтары RUB 5.55
استانا:

ۇقشۇ مينيسترلىكتەر مەن كوميتەت حاتشىلارىنىڭ وتىرىسى ٴوتتى

استانا، baq.kz. قازاقستان رەسپۋبليكاسىنىڭ توراعالىعىمەن ارمەنيا، بەلارۋس، قىرعىزستان، رەسەي جانە تاجىكستان وكىلدەرىنىڭ قاتىسۋىمەن ۇجىمدىق قاۋىپسىزدىك شارت ۇيىمىنىڭ سىرتقى ىستەر مينيسترلەرى، قورعانىس مينيسترلەرى جانە قاۋىپسىزدىك كەڭەسىنىڭ حاتشىلارى كوميتەتىنىڭ بىرلەسكەن وتىرىسى ٴوتتى.

كۇن تارتىبىنە حالىقارالىق جانە وڭىرلىك قاۋىپسىزدىكتى، اسكەري ىنتىماقتاستىقتى ودان ٴارى دامىتۋعا جانە قازىرگى زامانعى قاۋىپ-قاتەرلەرگە قارسى تۇرۋعا باعىتتالعان ماسەلەلەر كىردى.

ۇقشۇ مۇشە-مەملەكەتتەردىڭ مينيسترلىكتەرى مەن ۆەدومستۆولارىنىڭ باسشىلارىمەن ۇجىمدىق قاۋىپسىزدىك شارت ۇيىمىنىڭ سول كۇنى وتكىزىلەتىن ۇجىمدىق قاۋىپسىزدىك كەڭەسىنىڭ سەسسياسىندا قاراستىرۋ ٴۇشىن مەملەكەت جانە ۇكىمەت باسشىلارىنا ۇسىنىلاتىن ٴبىرقاتار قۇجاتتار كەلسىلدى. ۇقشۇ بايقاۋشىلارى مەن ارىپتەسى مارتەبەسى تۋرالى، ۇيىمنىڭ داعدارىسقا قارسى ارەكەت ەتۋ ورتالىعىنىڭ اشىلۋى تۋرالى جانە ٴبىرقاتار باسقا دا ماڭىزدى پراكتيكالىق ماسەلەلەر تۋرالى شەشىم قابىلداناتىنى كۇتىلۋدە. بيىلعى ٴسامميتتىڭ قورىتىندى قۇجاتى رەتىندە ۇقشۇ ۇجىمدىق قاۋىپسىزدىك كەڭەسىنىڭ دەكلاراسياسى بولادى.

ۇقشۇ سىرتقى ىستەر مينيسترلەرى، قورعانىس مينيسترلەرى جانە قاۋىپسىزدىك كەڭەسىنىڭ حاتشىلارى كوميتەتىنىڭ كەلەسى بىرلەسكەن وتىرىسى 2019 جىلى وسى فورۋم بارىسىندا ٴتوراعالىقتى قابىلداعان قىرعىز رەسپۋبليكاسىندا وتەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي