BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

ۇكىمەت باسشىسى: سەربيا پرەزيدەنتىمەن ەكونوميكالىق بايلانىستى نىعايتۋ بويىنشا كەلىسسوز جۇرگىزدىك

فوتو: Нұржас Жақсыбай

قازاقستان پرەمەر-مينيسترى باقىتجان ساعىنتايەۆ سەربيا پرەزيدەنتى الەكساندر ۆۋچيچپەن قوس مەملەكەت اراسىنداعى ساۋدا بايلانىسىن نىعايتۋ بويىنشا كەلىسسوز جۇرگىزگەنىن ايتتى، دەپ حابارلايدى baq.kz ٴتىلشىسى.

«مەملەكەتتەر اراسىنداعى قارىم-قاتىناس سەنىمدى بايلانىسقا نەگىزدەلگەن. سىزبەن (سەربيا پرەزيدەنتى الەكساندر ۆۋچيچ - اۆتور) قازاقستان پرەزيدەنتى ارالارىڭىزداعى سەنىمدى دوستىق ونىڭ نەگىزى بولىپ وتىر. سەربيا - ەۋروپاداعى قازاقستاننىڭ سەنىمدى سەرىكتەسى. ٴبىز حالىقارالىق دەڭگەيدەگى باستامالارىمىزعا سەربيانىڭ قولداۋ كورسەتۋىن جوعارى باعالايمىز»، - دەدى ساعىنتايەۆ استانادا ٴوتىپ جاتقان قازاقستان-سەربيا بيزنەس فورۋمىندا.

وسى ورايدا ۇكىمەت باسشىسى قازاقستان مەن سەربيا اراسىنداعى ساۋدا-ەكونوميكالىق بايلانىس سوڭعى جىلدارى نىعايا تۇسكەنىمەن اتالعان سالادا اتقارىلار جۇمىستىڭ كوپ ەكەنىن اتاپ ٴوتتى.

«وتكەن جىلى قازاقستان مەن سەربيا اراسىنداعى تاۋار اينالامى 59%-كە ٴوستى. بۇل ساندى اقشاعا اۋدارساق، كورسەتكىش ايتارلىقتاي جوعارى ەمەس. سوندىقتان ەكى جاقتى كەزدەسۋ بارىسىندا پرەزيدەنتپەن (سەربيا پرەزيدەنتى الەكساندر ۆۋچيچ - اۆتور) ساۋدا-ەكونوميكالىق بايلانىستى كوتەرۋگە مۇمكىندىك بەرەتىن ٴتۇرلى سالالاردى تالقىعا سالدىق. مەنىڭ ويىمشا، الداعى جىلى اتالعان سالاداعى بايلانىسىمىز جاڭا دەڭگەيگە شىعادى دەگەن ۇمىتتەمىن. بۇل جۇمىسقا ەكونوميكالىق بايلانىس بويىنشا قۇرىلعان ۇكىمەتارالىق كوميسسيا سەپتىگىن تيگىزەدى دەگەن ۇمىتتەمىن»، - دەدى قازاقستان پرەمەر-مينيسترى.

اتالعان بيزنەس فورۋمعا سەربيا پرەزيدەنتى الەكساندر ۆۋچيچ تە قاتىسۋدا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي