BAQ.kz - Қазақстан жаңалықтары USD 370.55 BAQ.kz - Қазақстан жаңалықтары EUR 421.76 BAQ.kz - Қазақстан жаңалықтары RUB 5.57
استانا:

ۇەۇ-دار قازاقستاننىڭ بۇۇ قاۋىپسىزدىك كەڭەسىندەگى جۇمىسىنا جوعارى باعا بەردى

استانا، baq.kz. قازاقستان بۇۇ قاۋىپسىزدىك كەڭەسىندە الەمنىڭ كوپتەگەن وتكىر ماسەلەلەرىن شەشۋدە ماڭىزدى ٴرول اتقاردى. بۇل تۋرالى نيۋ-يوركتەگى جەتەكشى حالىقارالىق ۇكىمەتتىك ەمەس ۇيىمداردىڭ (ۇەۇ) وكىلدەرى مالىمدەدى.

5 جەلتوقساندا قازاقستاننىڭ بۇۇ جانىنداعى تۇراقتى وكىلدىگىندە وتكەن ارنايى كەزدەسۋ بارىسىندا ەلشى قايرات وماروۆ پەن بۇۇ قاۋىپسىزدىك كەڭەسى جونىندەگى ۇەۇ جۇمىس توبىنىڭ مۇشەلەرى وزەكتى حالىقارالىق ماسەلەلەر بويىنشا پىكىر الماسىپ، قازاقستاننىڭ بۇۇ قاۋىپسىزدىك كەڭەسىندە ەكى جىلدىق جۇمىسىنىڭ ناتيجەلەرىن تالقىلادى.

«قازاقستان بۇۇ قاۋىپسىزدىك كەڭەسىندە ٴوز جۇمىسىن ٴاردايىم ٴادىل جانە وبەكتيۆتى تۇرعىدان اتقاردى. ٴبىز وسى ەكى جىلدا تولىق جاۋاپكەرشىلىكپەن كوپتەگەن مىندەتتەردى تابىستى ورىندادىق. بۇل جۇمىستىڭ ساتتىلىگىنىڭ دالەلى – 2017 جىلدىڭ قاڭتارىندا قازاقستان پرەزيدەنتى نۇرسۇلتان نازاربايەۆ بەلگىلەگەن بارلىق باسىمدىقتاردىڭ جۇزەگە اسىرىلۋى»، - دەدى ق. وماروۆ.

ول قازاقستان بۇۇ قاۋىپسىزدىك كەڭەسىندەگى جۇمىسىنىڭ جەتى باسىمدىقتىڭ ٴارقايسىسىنىڭ ناقتى ناتيجەلەرى مەن ەلىمىزدىڭ كۇش-جىگەرىنىڭ ارقاسىندا قول جەتكىزىلگەن جەتىستىكتەرى تۋرالى ايتىپ، قازاقستاندىق دەلەگاسياعا قولداۋ كورسەتكەنى جانە الەمنىڭ كۇردەلى ماسەلەلەرىنە قازاقستاننىڭ نەگىزگى حابارلامالارى مەن ۇستانىمدارىن تاراتۋعا جاردەمدەسكەنى ٴۇشىن حالىقارالىق ۇەۇ-عا ريزاشىلىعىن ٴبىلدىردى.

«ٴبىز سىزدەرمەن ديالوگقا اشىقپىز، جاھاندىق جانە وڭىرلىك كۇن تارتىبىندەگى بارلىق نەگىزگى ماسەلەلەر بويىنشا جاقىن بايلانىستار مەن ارىپتەستىكتى جالعاستىرۋعا دايىنبىز»، - دەپ قوستى ەلشى.

يادرولىق قارۋسىزدانۋ ماسەلەلەردى، الەمدىك ساياساتتا سەنىمنىڭ ٴرولىن، قاۋىپسىزدىك پەن دامۋدىڭ ٴۇشجاقتى ستراتەگياسىن ىلگەرىلەتۋ، بۇۇ قاۋىپسىزدىك كەڭەسىنىڭ جوعارى دەڭگەيدەگى دەلەگاسياسىنىڭ 7 جىلدا العاش رەت اۋعانستانعا ساپارى، قازاقستاننىڭ ليۆانداعى بىتىمگەرشىلىك كونتينگەنتىن ورنالاستىرۋى، تەرروريزمنەن ازات الەمگە قول جەتكىزۋ مىنەز-ق ۇلىق كودەكسىن قابىلداۋى، بۇۇ قك-نىڭ ەريترەياعا كوپجىلدىق سانكسيالارىن الىپ تاستاۋ جانە تاعى باسقالارى قازاقستاننىڭ بۇۇ قاۋىپسىزدىك كەڭەسىندە ەكى جىلدىق قارقىندى جۇمىسىنىڭ پراكتيكالىق ناتيجەسى بولدى. ق. وماروۆ ەلىمىز بۇل ماسەلەلەر مەن باستامالاردى ىسكە اسىرۋدى بولاشاقتا دا جالعاستىراتىنىن باسا ايتتى.

ۇەۇ جۇمىس توبىنىڭ ٴتوراعاسى، amnesty international ۇيىمىنىڭ بۇۇ جانىنداعى وكىلى رەنزو پومي قازاقستاننىڭ بۇۇ قاۋىپسىزدىك كەڭەسىنە مۇشەلىگى كەزىندە بەيبىتشىلىك پەن دامۋدىڭ جاۋاپتى ٴارى بەلسەندى جاقتاۋشىسى رەتىندە دالەلدەگەنىن جانە ونىڭ ماقساتتارىن جۇزەگە اسىرۋ ٴۇشىن بار كۇش-جىگەرىن سالعانىن اتاپ ٴوتتى.

كەزدەسۋدىڭ قاتىسۋشىلارى بەيبىتشىلىك پەن قاۋىپسىزدىكتى قامتاماسىز ەتۋگە جاۋاپتى بۇۇ-نىڭ نەگىزگى ورگاندارىنىڭ الاڭىندا كوپتەگەن جاھاندىق پروبلەمالار بويىنشا ٴوزىنىڭ كونسترۋكتيۆتى ۇلەسى مەن بەلسەندى ۇستانىمى ٴۇشىن قازاقستانعا جوعارى باعا بەرىپ، العىسىن ٴبىلدىردى.

بۇۇ قاۋىپسىزدىك كەڭەسى جونىندەگى ۇەۇ جۇمىس توبىنىڭ قۇرامىنا گۋمانيتارلىق بوستاندىقتار، ادام قۇقىقتارى، قارۋسىزدانۋ، جاھاندىق باسقارۋ جانە دامۋ سالاسىنداعى 37 ۇكىمەتتىك ەمەس ۇيىمى، ونىڭ ىشىندە amnesty international، save the children، human rights watch، oxfam international، بىرىككەن ۇلتتار ۇيىمى اسسوسياسيالارىنىڭ حالىقارالىق فەدەراسياسى جانە باسقالار كىرەدى.

ۇەۇ جۇمىس توبى جىل سايىن بۇۇ قاۋىپسىزدىك كەڭەسى مۇشەلەرىمەن جانە بۇۇ جوعارى لاۋازىمدى تۇلعالارمەن بۇۇ قك-نىڭ كۇن تارتىبىندەگى وزەكتى ماسەلەلەرى بويىنشا پىكىر الماسۋ ماقساتىندا 40-45 بەيرەسمي كەزدەسۋلەر وتكىزەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي