BAQ.kz - Қазақстан жаңалықтары USD 369.01 BAQ.kz - Қазақстан жаңалықтары EUR 416.39 BAQ.kz - Қазақстан жаңалықтары RUB 5.53
استانا:

توقايەۆ اقش ەلشىسىن قابىلدادى

پارلامەنت سەناتىنىڭ ٴتوراعاسى قاسىم-جومارت توقايەۆ اقش-تىڭ قازاقستان رەسپۋبليكاسىنداعى ەلشىسى دجوردج كرولدى ونىڭ ديپلوماتيالىق قىزمەتىنىڭ اياقتالۋىنا بايلانىستى قابىلدادى، دەپ حابارلايدى baq.kz اقپارات اگەنتتىگى.

امەريكالىق ەلشىنىڭ ەكىجاقتى قاتىناستاردى دامىتۋداعى ەلەۋلى ۇلەسىنە توقتالا كەلىپ، ق.توقايەۆ مەملەكەت باسشىسى ن.نازاربايەۆتىڭ ۆاشينگتونعا بيىلعى قاڭتارداعى رەسمي ساپارىنىڭ تاريحي ماڭىزىن اتاپ ٴوتتى.

«قازاقستان مەن اقش اراسىنداعى ٴححى عاسىرداعى كەڭەيتىلگەن ستراتەگيالىق ارىپتەستىك تۋرالى بىرلەسكەن مالىمدەمە» پرەزيدەنت د.ترامپپەن كەلىسسوزدەردىڭ اسا ماڭىزدى ناتيجەسى بولدى.

پارلامەنتارالىق بايلانىستاردى ودان ٴارى دامىتۋدىڭ ماڭىزى تۋرالى ايتا كەلىپ، جۇزدەسۋشىلەر پارلامەنتارالىق ىنتىماقتاستىقتى ودان ٴارى ۇدەتۋ قاجەتتىگىن اتاپ ٴوتتى.

«امەريكالىق سەناتورلار، كونگرەسشىلەر مەن پارلامەنت اپپاراتتارىنىڭ قىزمەتكەرلەرى كوبىرەك كەلگەن سايىن اقش قازاقستان تۋرالى، ٴبىزدىڭ ەلىمىزدىڭ ىشكى جانە سىرتقى ساياساتى تۋرالى كوبىرەك بىلە تۇسەتىن بولادى»، - دەدى ق.توقايەۆ.

تاراپتار قازاقستان مەن اقش اراسىنداعى ىنتىماقتاستىق پەن ارىپتەستىكتىڭ ستراتەگيالىق سيپاتى ورتالىق ازيا ايماعىنداعى قاۋىپسىزدىكتى نىعايتۋدىڭ ماڭىزدى بولىگى ەكەنىن اتاپ ٴوتتى.

ق.توقايەۆ حالىقارالىق احۋالدىڭ ۋشىعا تۇسۋىنە وراي قازاقستان كوشباسشىسىنىڭ شيەلەنىستى شەشۋگە ازىرلىگىن اتاپ ٴوتتى. سەنات ٴتوراعاسىنىڭ ايتۋىنشا، بەيبىتشىلىك، قاۋىپسىزدىك، قارۋسىزدانۋ جولىنداعى ىنتىماقتاستىقتى نىعايتۋ ساياساتى قاعيدالىق تۇرعىدا، دايەكتىلىكپەن، باتىل تۇردە جۇرگىزىلە بەرەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي