BAQ.kz - Қазақстан жаңалықтары USD 361.94 BAQ.kz - Қазақстан жаңалықтары EUR 423.25 BAQ.kz - Қазақстан жаңалықтары RUB 5.4
استانا:

تاجىكستان پرەزيدەنتىنىڭ ساپارى ىنتىماقتاستىقتى جانداندىرۋعا باستاعان قادام – شاۋكەنوۆا

فوتو: Егемен Қазақстан

قر پرەزيدەنتى جانىنداعى قازاقستان ستراتەگيالىق زەرتتەۋلەر ينستيتۋتىنىڭ ديرەكتورى زارەما شاۋكەنوۆا تاجىكستان پرەزيدەنتى ەمومالي راحموننىڭ قازاقستانعا رەسمي ساپارى تۋرالى جانە قازاقستان مەن تاجىكستان اراسىنداعى وزەكتى ماسەلەلەرگە قاتىستى پىكىر ٴبىلدىردى، دەپ حابارلايدى baq.kz اقپارات اگەنتتىگى.

زارەما شاۋكەنوۆانىڭ ايتۋىنشا، رەسمي ساپاردىڭ ماقساتى - وزەكتى ماسەلەلەر بويىنشا كەلىسىمدەرگە قول جەتكىزۋ.

«قازاقستان مەن تاجىكستان تاۋەلسىزدىك العاننان كەيىن ەكى ەل اراسىنداعى قارىم-قاتىناس دوستىق پەن ستراتەگيالىق ارىپتەستىك نەگىزىندە دامىدى. ٴبىزدىڭ حالىقارالىق كۇن تارتىبىندەگى وزەكتى ماسەلەلەردەگى ۇستانىمىمىز ۇقساس. سونداي-اق، تاجىكستان قازاقستاننىڭ بىرىككەن ۇلتتار ۇيىمى قاۋىپسىزدىك كەڭەسىنە 2017-2018 جىلدارعا تۇراقتى ەمەس مۇشەلىگىن، دۇنيەجۇزىلىك ساۋدا ۇيىمىنا مۇشەلىگىن، استانادا ازىق-تۇلىك قاۋىپسىزدىگى جونىندەگى يسلام ۇيىمىن قۇرۋ، حالىقارالىق «ەكسپو-2017» كورمەسىن وتكىزۋ باستامالارىن قولدادى»،- دەدى قر پرەزيدەنتى جانىنداعى قازاقستان ستراتەگيالىق زەرتتەۋلەر ينستيتۋتىنىڭ ديرەكتورى.

سونداي-اق، ونىڭ ايتۋىنشا ساپار بارىسىندا تاجىكستان پرەزيدەنتى ٴبىزدىڭ ساۋدا-ەكونوميكالىق قاتىناستاردى ودان ٴارى دامىتۋعا ۇلكەن نازار اۋداراتىن بولادى. قازاقستان تاجىكستاننىڭ نەگىزگى سىرتقى ساۋدا سەرىكتەستەرى اراسىندا ەكىنشى ورىندا.

«2017 جىلدىڭ قورىتىندىسى بويىنشا ەكى ەل اراسىنداعى ساۋدا كولەمى 776 ملن دوللاردى قۇرادى. بۇل 2016 جىلعا قاراعاندا 31،5% ارتىق. قازاقستان دۋشانبەدە وتەتىن ەكونوميكالىق ىنتىماقتاستىق جونىندەگى قازاق-تاجىك ۇكىمەتارالىق كوميسسياسىنىڭ ٴ12-شى وتىرىسىن وتكىزۋگە دايىن جانە كەزدەسۋدىڭ مەرزىمى مەن كۇن ٴتارتىبى تۋرالى ۇسىنىستاردى كۇتەدى. قازاقستان مەن تاجىكستان اراسىنداعى مادەني-گۋمانيتارلىق ىنتىماقتاستىقتىڭ دا قارقىندى دامىپ جاتقانىن ايتا كەرۋ كەرەك. كورمەلەر، حالىقارالىق عىلىمي سيمپوزيۋمدار، دوڭگەلەك ۇستەلدەر تۇراقتى تۇردە ٴوتىپ جاتادى»، - دەدى شاۋكەنوۆا.

سونىمەن قاتار، قازاقستان ستراتەگيالىق زەرتتەۋلەر ينستيتۋتىنىڭ ديرەكتورى ەكى ەل اراسىنداعى ٴبىلىم بەرۋ مەن مادەنيەت سالاسىنىڭ دامۋى تۋرالى ايتىپ ٴوتتى.

«دۋشانبەدە «بايتەرەك» قازاق ۇلتتىق مادەني ورتالىعى جۇمىس ىستەيدى. ٴبىلىم بەرۋ سالاسىنداعى ٴوزارا بايلانىس تا دامىپ كەلەدى. تاجىكستان ازاماتتارى ٴۇشىن جىل سايىن قازاقستان رەسپۋبليكاسىنىڭ جوعارى وقۋ ورىندارىندا، سونداي-اق تاجىكستان رەسپۋبليكاسىنىڭ جوعارى وقۋ ورىندارىندا قازاقستان رەسپۋبليكاسىنىڭ ازاماتتارىنا ارنالعان مەملەكەتتىك ٴبىلىم گرانتتارى بولىنەدى. وسىلايشا، قازاقستانعا جاسالعان رەسمي ساپار ٴبىزدىڭ ەل مەن تاجىكستان اراسىنداعى ەكىجاقتى ىنتىماقتاستىقتى جانداندىرۋداعى ساپالى قادامى بولىپ وتىر»،- دەپ قورىتىندىلادى ز. شاۋكەنوۆا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي