BAQ.kz - Қазақстан жаңалықтары USD 361.94 BAQ.kz - Қазақстан жаңалықтары EUR 423.25 BAQ.kz - Қазақстан жаңалықтары RUB 5.4
استانا:

تاشكەنتتەن استانا مەن الماتىعا جۇرەتىن رەيستەر پايدا بولادى 

قازاقستان مەن وزبەكستان تاراپتارى الداعى ۋاقىتتا تاشكەنتتەن استانا مەن الماتىعا تىكەلەي جۇرەتىن رەيستەر پايدا بولادى. بۇل جونىندە قازاقستان مەن وزبەكستان اراسىنداعى ەكىجاقتى ىنتىماقتاستىق جونىندەگى بىرلەسكەن ۇكىمەتارالىق كوميسسيانىڭ ٴ17-شى وتىرىسىندا قر ينۆەستيسيالار جانە دامۋ ٴمينيسترى جەڭىس قاسىمبەك مالىمدەدى، دەپ حابارلايدى baq.kz اقپارات ٴتىلشىسى.

«وتكەن جىلى بىزدە تۇراقتى اۆتوبۋس رەيستەرى مۇلدە بولعان جوق. بىلتىر كۇزدە تاشكەنت-شىمكەنت رەيستەرىن ىسكە قوستىق. بۇل اۆتوبۋستارعا ادام كوپ مىنەتىنىن بايقادىق. سوندىقتان، ٴقازىر رەيستەر تاشكەنتتەن استانا مەن الماتىعا قاراي بارۋىن، سونداي-اق، تاراز قالاسىنىڭ دا كىرۋى جونىندە كەلىسىپ جاتىرمىز. وزبەك تاراپى بىزگە سامارقاند جانە باسقا دا تۋريستىك قالالاردى ۇسىنىپ جاتىر. استانا مەن تاشكەنت اراسىنداعى اۋە رەيستەرىن دە ايتارلىقتاي ارتتىرىپ جاتىرمىز. سونداي-اق، «الماتى-تاشكەنت» باعىتىنداعى پويىزداردىڭ ٴجۇرۋ جيىلىگى دە ۇلعايادى. 18 ناۋرىزدان باستاپ بۇل پويىز اپتاسىنا ٴۇش رەت جۇرەتىن بولادى. بۇعان دەيىن اپتاسىنا ەكى رەت قاتىنايتىن. ٴساۋىر ايىنان باستاپ سامارقاند-استانا باعىتى بويىنشا تۇراقتى جولاۋشىلار پويىزى ىسكە قوسىلادى»، - دەدى مينيستر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي