BAQ.kz - Қазақстан жаңалықтары USD 365.49 BAQ.kz - Қазақстан жаңалықтары EUR 420.35 BAQ.kz - Қазақстан жаңалықтары RUB 5.6
استانا:

سىرتقى ىستەر ٴمينيسترى شەتەلدىك جۋرناليستەردى ماراپاتتادى

فوتو: Нұржас Жақсыбай

قر سىرتقى ىستەر ٴمينيسترى قايرات ٴابدىراحمانوۆ «قازاقستان– شەتەلدىك باق كوزىمەن» اتتى بەسىنشى حالىقارالىق بايقاۋدا جەڭىسكە جەتكەن شەتەلدىك جۋرناسليستەردى ماراپاتتادى، دەپ حابارلايدى baq.kz ٴتىلشىسى.

بايقاۋدى ۇيىمداستىرۋ كوميتەتىنە 20-دان استام ەلدەن 85 ٴوتىنىم كەلىپ تۇسكەن. كوميسسيا مۇشەلەرى قۇرامىندا قر سىرتقى ىستەر ٴمينيسترى قايرات ٴابدىراحمانوۆ، قر سىرتقى ىستەر ٴمينيسترىنىڭ ورىنباسارى رومان ۆاسيلەنكو جانە باس رەداكتورلار كلۋبىنىڭ پرەزيدەنتى ەرجان بەكحوجين كىردى.

بايقاۋ قورىتىندىسى بويىنشا تمد جانە بالتىق ەلدەرى اۆتورلارىنىڭ اراسىنان 2017-2018 جىلدار ىشىندە قازاقستان مەن وزبەكستان قارىم-قاتىناستارىن بەلسەندى جاريالاعانى ٴۇشىن وزبەكستاننىڭ ۇلتتىق اقپاراتتىق اگەنتتىگىنىڭ ٴجۋرناليسى ۇلىقبەك شونازاروۆ جەڭىمپاز اتاندى.

سونداي-اق قازىلار القاسى قازاقستانعا ساياحاتى تۋرالى «country and townhouse» جۋرنالىندا جارىق كورگەن «one steppe beyond» اتتى ماقالاسى ٴۇشىن ەۋروپا جۋرناليستەرى اراسىنان بريتاندىق دجيللي پيكاپتىڭ ەڭبەگىنە جوعارى باعا بەرىلسە، امەريكا قۇرلىعىنىڭ جۋرناليستەرى اراسىندا ستەفەن ليپوۆسەۆتىڭ forbes جۋرنالىنا شىققان «قازاقستاننىڭ بەس عاجايىبى: نەلىكتەن ساندىك تۋريزم ورتالىق ازيادا دامۋدا» اتتى ماقالاسى ەڭ ۇزدىك ماقالا بولىپ تانىلدى.

تاياۋ شىعىس پەن افريكا ەلدەرىنىڭ جۋرناليستەرى ىشىنەن قازاقستاننىڭ دامۋىنا، سىرتقى ساياساتىنا جانە استانانىڭ 20-جىلدىعىنا ارنالعان ساپالى ماتەريالدار سەرياسى ٴۇشىن يوردانيالىق ايمان ابدەلحافەز از-زابەن جەڭىمپاز اتانسا، ازيا، اۋستراليا جانە وكەانيا ەلدەرىنەن جەڭىمپاز رەتىندە قازىلار القاسى business central asia جۋرنالىندا جاريالانعان «astana: the capital has its own charms and pleasures» اتتى ماقالاسى ٴۇشىن ٴۇندىستاندىق يندەرۆير سينگحتى تاڭدادى. اتالعان ماقالادا استانانىڭ ارحيتەكتۋراسى سۋرەتتەلىپ، كەيبىر عيماراتتار مەن قۇرىلىمداردىڭ قىسقا تاريحى جازىلعان جانە قالانىڭ ٴوسۋى تۋرالى ستاتيستيكالىق ماعلۇماتتار كەلتىرىلگەن.

سالتاناتتى جيىندا قر سىرتقى ىستەر ٴمينيسترى قايرات ٴابدىراحمانوۆ استانانىڭ 20 جىلدىعىنا وراي بيىل شەتەلدىك جۋرناليستەر 300-دەن استام ماتەريال جاريالاعانىن اتاپ ٴوتتى.

«شەتەلدىك باق-تا استانانىڭ 20 جىلدىعىنا وراي 300-دەن ماتەريال شىققان. ونىڭ باسىم بولىگى جۋرناليستەردىڭ ەكسكليۋزيۆتى ماتەريالدارى. ولار قالامىزدىڭ دامىپ جاتقانىن كورۋ ٴۇشىن ادەيى قازاقستانعا كەلگەن»، - دەدى ول.

سونىمەن قاتار مينيستر «قازاقستان– شەتەلدىك باق كوزىمەن» اتتى بەسىنشى حالىقارالىق بايقاۋدا جەڭىسكە جۋرناليستەرگە ىزگى تىلەگىن ٴبىلدىردى.

«حالىقارالىق بايقاۋ جەڭىمپازدارىن ماراپاتتاۋ راسىمىنە قوش كەلدىڭىزدەر. بۇل سالتاناتتى ٴىس-شارانى وتانىمىز تۋرالى ساپالى ماتەريالدار جاريالاعان شەتەلدىك اۆتورلاردى ماراپاتتاۋ ٴۇشىن ۇيىمداستىرىلدى. قوناقتارىمىزدى جەڭىستەرىمەن شىن جۇرەكتەن قۇتتىقتايمىن. بۇل ساپار سىزدەرگە جاقسى اسەر بەرىپ، جاڭا شىعارماشىلىق تابىس اكەلسىن دەپ تىلەيمىن»، - دەپ تۇيىندەدى ٴسوزىن قايرات ٴابدىراحمانوۆ.

وسى ورايدا اتالعان بايقاۋدا جەڭىسكە جەتكەن وزبەكستان ۇلتتىق اقپاراتتىق اگەنتتىگىنىڭ ٴجۋرناليسى ۇلىقبەك شونازاروۆ قوس ەل اراسىنداعى بايلانىس جىلدان جىلعا نىعايىپ كەلە جاتقانىن ٴمالىم ەتتى.

«قازاقستان ٴبىزدىڭ ماڭگىلىك دوسىمىز ەكەنىن اتاپ وتكىم كەلەدى. وعان ايقىن دالەل قازاقستانداعى وزبەكستان جىلى. وزبەكستان ۇلتتىق اقپارات اگەنتتىگى ونىڭ ىشىندە حالىقارالىق رەداكسيا قوس ەل تۋرالى ٴتۇرلى ماتەريالدار جاريالاپ، ەلدەرىمىز اراسىنداعى دوستىقتىڭ نىعايىپ كەلە جاتقانىن العا تارتادى. ٴبىزدىڭ اگەنتتىك اتالعان بايقاۋدا جەڭىمپاز اتاندى. ٴبىز وعان وتە قۋانىشتىمىز. بۇل ٴبىزدىڭ شىعارماشىلىق ىزدەنىسىمىزگە وڭ اسەرىن بەرەدى دەگەن ويدامىن»، - دەپ تۇيىندەدى ٴسوزىن جۋرناليست.

ايتا كەتەيىك، حالىقارالىق بايقاۋدا جەڭىسكە جەتكەن 5 جۋرناليست الماتى، استانا قالالارىن ارالاپ، بۋراباي كۋرورتىندا دەمالۋعا مۇمكىندىك بەرەتىن جولداماعا يە بولدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي