BAQ.kz - Қазақстан жаңалықтары USD 346.68 BAQ.kz - Қазақстан жаңалықтары EUR 404.02 BAQ.kz - Қазақстан жаңалықтары RUB 5.47
استانا:

شپەكبايەۆ قاجەتسىز قۇرىلىمداردىڭ قىسقارتىلاتىنىن ايتتى

مەملەكەتتىك قىزمەت ىستەرى جانە سىبايلاس جەمقورلىققا قارسى ٴىس-قيمىل اگەنتتىگىنىڭ ٴتوراعاسى اليك شپەكبايەۆ مەديسينالىق قىزمەت كورسەتۋ سالاسىن جەتىلدىرۋ ماسەلەلەرى تۋرالى وتكەن رەسپۋبليكالىق سەمينار-كەڭەستە قاجەتسىز قۇرىلىمداردى قىسقارتۋدى ۇسىندى، دەپ حابارلايدى baq.kz ٴتىلشىسى.

«بۇگىندە وڭتايلاندىرۋدى ساۋاتتى جۇرگىزىپ، سيفرلاندىرۋدىڭ بارلىق مۇمكىندىكتەرىن قولدانا ٴبىلۋ قاجەت. وسىنىڭ ەسەبىنەن كەرەك ەمەس باسقارۋشى بۋىن سەكىلدى جەكەلەگەن قۇرىلىمدار قىسقاراتىن بولادى جانە وسىنىڭ ارقاسىندا ەڭبەكاقىنى كوتەرۋ مۇمكىن بولادى»، - دەدى ول.

ول ٴوزى باسقاراتىن اگەنتتىكتە وڭتايلاندىرۋ قالاي ىسكە اسىرىلىپ جاتقانىن باياندادى.

«ٴبىز بۇدان دا ٴارى كەتىپ قالدىق. بۇگىندە قوسالقى قىزمەتتەر ٴبىرىڭعاي قىزمەت كورسەتۋ ورتالىقتارىنا بىرىگىپ جاتىرمىز. وسىنىڭ ەسەبىنەن قىزمەتكەرلەردى باسقاراتىن ٴبىرىڭعاي قىزمەتتى قۇردىق دەپ ايتا الامىن. بۇگىندە زاڭنامالىق قىزمەت پەن مەملەكەتتىك ساتىپ الۋ قىزمەتىن ورتالىقتاندىرىپ جاتىرمىز. وڭتايلاندىرۋ ارقىلى اگەنتتىكتىڭ ورتالىقتاعى جانە ايماقتارداعى قىزمەتشىلەرىنىڭ ەڭبەكاقىسى كوتەرىلەتىن بولادى»، - دەدى شپەكبايەۆ سەمينار-كەڭەستە.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي