BAQ.kz - Қазақстан жаңалықтары USD 361.94 BAQ.kz - Қазақстан жаңалықтары EUR 423.25 BAQ.kz - Қазақстан жаңалықтары RUB 5.4
استانا:

ساراپشى: تاجىكستان پرەزيدەنتىنىڭ رەسمي ساپارى قازاقستانمەن قارىم-قاتىناستى تەرەڭدەتە تۇسەدى

فوتو: Матрица.kz

قازاقستان رەسپۋبليكاسى پرەزيدەنتى جانىنداعى قازاقستان ستراتەگيالىق زەرتتەۋلەر ينستيتۋتىنىڭ سىرتقى ساياسات جانە حالىقارالىق قاۋىپسىزدىك ٴبولىمىنىڭ اعا عىلىمي قىزمەتكەرى اناستاسيا رەشەتنياك تاجىكستان پرەزيدەنتى ەمومالي راحموننىڭ قازاقستانعا رەسمي ساپارى تۋرالى جانە قازاقستان مەن تاجىكستان اراسىنداعى وزەكتى ماسەلەلەرگە قاتىستى پىكىر ٴبىلدىردى، دەپ حابارلايدى baq.kz اقپارات اگەنتتىگى.

«ەرتەڭ، 15 ناۋرىزدا استانادا وتەتىن ورتالىق ازيا مەملەكەتتەرى باسشىلارىنىڭ كەزدەسۋى ايماقتىق قارىم-قاتىناستى نىعايتۋعا باعىتتالعان. وتكەن شيرەك عاسىردا ولار نەگىزىنەن ەكى جاقتى دەڭگەيدە نەمەسە ۇكىمەتارالىق ۇيىمدار شەڭبەرىندە جۇزەگە اسىرىلدى. ۇقشۇ، شىۇ، تمد، اوسشك، يىۇ، ەقىۇ جانە باسقا دا ينستيتۋتتار ٴۇشىن ناقتى ماسەلەلەر شەشىلگەن بولاتىن. ۇزاق ۋاقىت بويى وسىنداي فورماتقا قول جەتكىزبەي كەلە جاتقان قايشىلىقتار، سوڭعى جىلدارى كوز الدىمىزدا شەشىلىپ كەلەدى. مىسالى: وزبەكستان مەن تاجىكستان، قىرعىزستان اراسىنداعى قاتىناستار رەتتەلىپ، كۇن تارتىبىندەگى ەڭ كۇردەلى دەپ وتىرعان سۋ پروبلەماسى، شەكارالىق رەتتەۋ، ساۋدا-ەكونوميكالىق قاتىناستار، ورتاق ينفراقۇرىلىمدى قۇرۋ ماسەلەسى شەشىلۋدە»، - دەدى رەشەتنياك.

ونىڭ ايتۋىنشا، كوپتەگەن قازاقستاندىق ديپلوماتتاردىڭ نيۋ-يوركتەگى بۇۇ بويىنشا كەزدەسۋلەرى سىرتقى ىستەر ۆەدومستۆولارىنىڭ بارلىق باسشىلارىن بىرىكتىردى جانە بەيرەسمي جاعدايدا ايماقتاعى ىس-ارەكەتتەردى ودان ٴارى ۇيلەستىرۋدى تالقىلاۋعا مۇمكىندىك بەردى.

«بۇل كەيىنىرەك 2017 جىلى بۇۇ باس اسسامبلەياسىندا ش.ميرزيەەۆ ورتالىق ازيا مەملەكەت باسشىلارىنىڭ بەيرەسمي ٴسامميتىن جاساۋدى ۇسىنعاندا بايقالدى. ٴبىز ٴوز تاراپىمىزدان وسىنداي باستامانى تولىقتاي قولدايمىز جانە ونى ٴىس جۇزىندە جۇزەگە اسىرۋ ٴۇشىن ۇسىنىستار جاسادىق. بۇگىنگى ە. راحموننىڭ استاناعا رەسمي ساپارى قازاقستانمەن قارىم-قاتىناستاردى تەرەڭدەتۋدەگى قىزىعۋشىلىقتى بىلدىرەدى»، - دەدى عىلىمي ساراپشى.

سونداي-اق، ول كوشى-قون ماسەلەلەرى بويىنشا ماڭىزدى كەلىسىمدەرگە قول قويۋ جانە سىرتقى ىستەر مينيسترلىكتەرى دەڭگەيىندە ٴوزارا ٴىس-قيمىل باعدارلاماسى قاراستىرىلاتىنىن اتاپ ٴوتتى.

«تاجىكستان الەم ەلدەرىمەن ستراتەگيالىق ارىپتەستىك تۋرالى تەك 4 كەلىسىمشارتقا يە، ولار - رەسەي، قىتاي، تۇرىكمەنستان سياقتى سەرىكتەستەر. ال، 2015 جىلى وسىنداي قۇجات بويىنشا قازاقستانمەن جاسالعان كەلىسىم ٴبىزدىڭ رەسپۋبليكالار اراسىندا قالىپتاسقان سەنىمدى قارىم-قاتىناستاردى ودان ٴارى نىعايتا ٴتۇستى. وسىلايشا، ە.راحموننىڭ رەسمي ساپارىن، ٴبىر جاعىنان ٴبىزدىڭ مەملەكەتىمىزگە دەگەن دوستىعى دەپ، ال ەكىنشى جاعىنان ورتالىق ازياداعى كوپ جاقتى قاتىناستار فورماتىنا قولداۋ كورسەتۋى دەۋگە بولادى»، - دەپ قورىتىندىلادى اناستاسيا رەشەتنياك.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي