BAQ.kz - Қазақстан жаңалықтары USD 346.68 BAQ.kz - Қазақстан жаңалықтары EUR 404.02 BAQ.kz - Қазақстан жаңалықтары RUB 5.47
استانا:

«سامۇرىق-قازىنادا» كادرلىق وزگەرىستەر بولدى

«سامۇرىق-قازىنا» اق كومپانيالار توبىندا جاڭا كادرلىق تاعايىنداۋلار بولدى، دەپ حابارلايدى baq.kz اقپارات اگەنتتىگى.

«سامۇرىق-قازىنا» اق باسقارما ٴتوراعاسى احمەتجان ەسىموۆ «قازاقستان ينجينيرينگ» ۇك» اق جانە «سامۇرىق-قازىنا ينۆەست» جشس جاڭا باسشىلارىن تاعايىندادى.

«قازاقستان ينجينيرينگ» ۇك» اق باسقارما ٴتوراعاسى لاۋازىمىنا اسەت قابي ۇلى قۇرمانعاليەۆ تاعايىندالدى. ٴا. قۇرمانعاليەۆ 2017 جىلدىڭ قىركۇيەك ايىنان قر قورعانىس جانە اەروعارىش ونەركاسىبى ۆيسە-مينيسترى قىزمەتىن اتقاردى جانە «قازاقستان ينجينيرينگ» ۇك» اق ديرەكتورلارى كەڭەسىنىڭ مۇشەسى بولدى. 1998-2017 جىلدار ارالىعىندا ٴا. قۇرمانعاليەۆ قر قورعانىس مينيسترلىگىندە، استانا ق. اكىمدىگىندە، «نۇر وتان» پارتياسى ورتالىق اپپاراتىندا جانە قر پارلامەنتى ٴماجىلىسى «نۇر وتان» پارتياسى فراكسياسىنىڭ اپپاراتىندا ٴارتۇرلى باسشىلىق قىزمەتتەردى اتقاردى.

«سامۇرىق-قازىنا ينۆەست» جشس باس ديرەكتورى قىزمەتىنە نۇرجان قۇرمانبەك ۇلى ٴابدىمومىنوۆ تاعايىندالدى. ن. ٴابدىمومىنوۆ 2010-2018 جىلدار ارالىعىندا قر ٴسىم شەتەلدىك وكىلدىكتەرىندە ەڭبەك ەتتى: قر-نىڭ پورتۋگالياداعى ۋاقىتشا سەنىمدى وكىلى، قر-نىڭ گونكونگتاعى جانە ماكاوداعى باس كونسۋلى. 2006-2009 جىلدار ارالىعىندا «قازپوشتا» اق باسقارما ٴتوراعاسىنىڭ ورىنباسارى قىزمەتىن اتقاردى. ن. ٴابدىمومىنوۆ داندي ۋنيۆەرسيتەتىنىڭ تۇلەگى جانە قازاق، ورىس، اعىلشىن، قىتاي جانە پورتۋگال تىلدەرىن مەڭگەرگەن.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي