BAQ.kz - Қазақстан жаңалықтары USD 367.06 BAQ.kz - Қазақстан жаңалықтары EUR 416.17 BAQ.kz - Қазақстан жаңалықтары RUB 5.56
استانا:

رەسەيمەن شەكارانى شەگەندەۋ جۇمىسىن 5-7 جىلدا اياقتايمىز – ٴسىم 

قازاقستان-رەسەي مەملەكەتتىك شەكاراسىن شەگەندەۋ جۇمىسى الداعى 5-7 جىلدا اياقتالادى. بۇل تۋرالى ٴمəجىلىستىڭ جالپى وتىرىسىندا قر سىرتقى ىستەر ٴمينيسترىنىڭ ٴبىرىنشى ورىنباسارى مۇحتار تىلەۋبەردى ايتتى، دەپ حابارلايدى baq.kz ٴتىلشىسى.

"قازىرگى ۋاقىتتا قازاقستان قىرعىزستان رەسپۋبليكاسىمەن شەكارانى شەگەندەۋ تۋرالى كەلىسىمنەن باسقا قىتاي جəنە تۇرىكمەنستانمەن كەلىسىمگە قول قويدى. قىتايمەن كەلىسىمگە 2002 جىلعى 10 مامىردا قول قويىلىپ، ول 2003 جىلعى 23 ماۋسىمدا كۇشىنە ەندى. ال تۇرىكمەنستانمەن 2017 جىلعى 18 ساۋىردە قول قويىلىپ، 2018 جىلعى 29 قاڭتاردا كۇشىنە ەندى. قازىرگى ۋاقىتتا ٴبىز وزبەكستانمەن مەملەكەتارالىق شەكارانى شەگەندەۋ جۇمىستارىن جۇرگىزىپ جاتىرمىز. ٴقازىر ٴتيىستى شارت جوبالارى ەكىجاقتى كەلىسىم بويىنشا جۇرگىزىلىپ جاتىر. ونى ٴبىزدىڭ جوبامىز بويىنشا بىر-ەكى جىلدىڭ ىشىندە اياقتاۋ جوسپارلانۋدا. ال رەسەيمەن شەكارا سىزىعى، وزدەرىڭىز بىلەسىزدەر، əلەمدەگى ەڭ ۇزىن شەكارا سانالادى. ول 7،5 مىڭنان استام شاقىرىمدى قۇرايدى. ٴقازىر رەسەيمەن جۇمىس جۇرگىزىپ جاتىرمىز. بۇل جۇمىستى 5-7 جىلدىڭ اياسىندا اياقتايمىز دەپ جوسپارلاپ وتىرمىز"، - دەدى مۇحتار تىلەۋبەردى.

اتاپ وتسەك، بۇگىن تومەنگى پالاتانىڭ جالپى وتىرىسىندا ٴمəجىلىس دەپۋتاتتارى "قازاقستان رەسپۋبليكاسى مەن قىرعىز رەسپۋبليكاسى اراسىنداعى قازاقستان - قىرعىز مەملەكەتتىك شەكاراسىن شەگەندەۋ تۋرالى شارتتى راتيفيكاسيالاۋ تۋرالى" قر زاڭىنىڭ جوباسىن ماقۇلداعان بولاتىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي