BAQ.kz - Қазақстан жаңалықтары USD 368.28 BAQ.kz - Қазақстан жаңалықтары EUR 419.21 BAQ.kz - Қазақстан жаңалықтары RUB 5.59
استانا:

پۋتين قازاقستاندىقتاردى 2019 جىلى ومبىدا وتەتىن فورۋمعا شاقىردى

فوتو: Ақорда

سولتۇستىك قازاقستان، baq.kz ٴتىلشىسى. پەتروپاۆلدا قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆ پەن رەسەي فەدەراسياسىنىڭ پرەزيدەنتى ۆلاديمير ٴپۋتيننىڭ قاتىسۋىمەن پلەنارلىق وتىرىس باستالدى. القالى جيىندا ٴسوز العان ۆلاديمير پۋتين قازاقستاندىقتاردى كەلەر جىلى ومبى قالاسىندا وتەتىن xvi ٴوڭىرارالىق تۋريستىك فورۋمعا شاقىردى.

كەزدەسۋدە العاشقى بولىپ ٴسوز العان نۇرسۇلتان ٴابىش ۇلى قازاقستان مەن رەسەيدىڭ ەكونوميكا، ٴوندىرىس، تۋريزم، ٴبىلىم بەرۋ سىندى تاعى باسقا سالالارداعى ەكىجاقتى بايلانىستىڭ ماڭىزدىلىعىنا توقتالدى. ەلباسى بولاشاقتا ىنتىماقتاستىق قارىم-قاتىناس كوكجيەگىن ودان ٴارى ارتتىرۋ قاجەتتىگىن ايتتى.

ۆلاديمي پۋتين قازاقستان رەسەي ٴۇشىن ساۋدا-ەكونوميكا، تۋريزم، ٴوندىرىس سالاسىنداعى سالماقتى سەرىكتەس ەكەندىگىن اتاپ ٴوتتى.

"بۇگىنگى فورۋمنىڭ ماڭىزى زور. ٴدال وسى جيىندا جىل سايىن قازاقستان مەن رەسەي دامۋىندا ەكىجاقتى قارىم-قاتىناس مۇمكىندىگى قاراستىرىلادى. ٴوڭىرارالىق تىكەلەي بايلانىس ٴتۇرلى سالالاردى قامتىپ، كوكجيەگى كەڭىپ كەلەدى. 2019 جىلى فورۋم رەسەي جەرىندە، ومبى قالاسىندا وتەدى. بارشاڭىزدى سول جيىنعا شاقىرامىن"، - دەدى ول.

كەزدەسۋ سوڭىندا مەملەكەتتەر باسشىلارىنا «بايقوڭىر» عارىش كەشەنىن دامىتۋعا ارنالعان جوبا تانىستىرىلماق. فورۋمدا قازاقستان مەن رەسەي اراسىندا ٴتۇرلى سالادا 75 مەموراندۋمعا قول قويۋ جوسپارلانعان.

ەستەرىڭىزگە سالا كەتەيىك، بۇعان دەيىن ەلباسىنىڭ سولتۇستىك قازاقستان وبلىسىنا ساپارى جايلى جانە نازاربايەۆ پەن ٴپۋتيننىڭ تۋريستىك كورمەنى ارالاپ كورگەنى تۋرالى جازعان بولاتىنبىز. سونىمەن قاتار فورۋم اياسىندا 75 مەموراندۋمعا قول قويىلعانى تۋرالى حابارلاعانبىز.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي