BAQ.kz - Қазақстан жаңалықтары USD 360.71 BAQ.kz - Қазақстан жаңалықтары EUR 411.53 BAQ.kz - Қазақстан жаңалықтары RUB 5.38
استانا:

پرەزيدەنتتىڭ شەشىمىن تالقىعا سالمايمىن – باليەۆا

فوتو: akk.diakom.gov.kz

ٴماجىلىس دەپۋتاتى زاعيپا باليەۆا قر بالالار قۇقىقتارى جونىندەگى جاڭا ۋاكىلدىڭ تاعايىندالۋىنا قاتىستى پىكىر ٴبىلدىردى، دەپ حابارلايدى baq.kz اقپارات اگەنتتىگى تengrinews.kz سايتىنا سىلتەمە جاساپ.

«بىرىنشىدەن، مەملەكەت باسشىسىنىڭ شەشىمىن تالقىعا سالمايمىن جانە وعان قاتىستى پىكىر دە بىلدىرمەيمىن. ۋاكىل ەتىپ تاعايىندالعان ازامات (ساۋلە ايتپايەۆا – اۆتور) – بۇل ورىنعا ابدەن لايىق. ول كوپ ۋاقىتتان بەرى قۇقىققورعاۋ ورگاندارىندا قىزمەت اتقارعان، بالالاردىڭ قيىندىقتارى مەن پروبلەمالارىمەن جاقسى تانىس. مەن جانىندا بولىپ، وعان كومەكتەسەمىن»، - دەدى باليەۆا سۇحباتىندا.

دەپۋتاتتىڭ ايتۋىنشا، بالالار قۇقىعىن قورعاپ ٴجۇرىپ كوپ تاجىريبە جيناعان. ول الداعى ۋاقىتتا جاڭا تاعايىندالعان ۋاكىلگە قولداۋ بىلدىرەتىنىن جەتكىزدى.

«ٴبىز تەلەفون ارقىلى سويلەستىك. مەن ونى قۇتتىقتادىم. ٴارى قاراي قالاي جۇمىس ىستەيتىنىمىزگە قاتىستى پىكىر بىلدىردىك. الداعى ۋاقىتتا ول ماعان سەنىم ارتا الادى»، - دەيدى باليەۆا.

سونداي-اق، دەپۋتات الداعى ۋاقىتتا دا قازاقستاندىق بالالاردىڭ قۇقىعىن قورعايتىنىن جەتكىزدى.

«مەن ۋاكىل بولىپ تاعايىندالعانعا دەيىن جانە تاعايىندالعان كەزدە بالالار قۇقىعىن قورعادىم. الداعى ۋاقىتتا دا وسى ىسپەن اينالىسامىن، سەبەبى بالالاردىڭ پروبلەمالارى مەنى ٴالى دە تولعاندىرادى. بالالار قۇقىعىنا قاتىستى ساۋالدار وتە كوپ. جاڭا تاعايىندالعان ۋاكىلگە جۇمىسىن جالعاستىرىپ، زاڭ جوبالارىن ازىرلەۋدە قول ۇشىمدى سوزامىن. ٴماجىلىس دەپۋتاتى رەتىندە دە وسى ساۋالداردى كوتەرەتىن بولامىن. بۇل تاقىرىپتان الىستامايمىن»، - دەپ سەندىردى باليەۆا.

ەستەرىڭىزگە سالا كەتسەك، 12 ماۋسىم كۇنى پرەزيدەنت وكىمىمەن زاعيپا باليەۆا قىزمەتىنەن بوساتىلدى. قر بالالار قۇقىقتارى جونىندەگى ۋاكىل بولىپ ساۋلە ايتپايەۆا تاعايىندالدى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي