BAQ.kz - Қазақстан жаңалықтары USD 367.06 BAQ.kz - Қазақстан жаңалықтары EUR 416.17 BAQ.kz - Қазақстан жаңалықтары RUB 5.56
استانا:

پەتروپاۆلعا حv ٴوڭىرارالىق فورۋم قوناقتارى كەلە باستادى

سولتۇستىك قازاقستان، baq.kz ٴتىلشىسى. قازاقستان مەن رەسەيدىڭ ٴحۇ ٴوڭىرارالىق ىنتىماقتاستىق فورۋمىندا وزگە وبلىس پەن كورشى ەلدەن كەلگەن قوناقتارعا پەتروپاۆلدىق 120 ەرىكتى جول كورسەتەدى. ولار وبلىس ورتالىعىنداعى قوناقۇيلەر، مەيرامحانالار، اۋەجاي مەن ساپارجايدا مەيمانداردى قارسى الۋ ناۋقانىن باستاپ كەتتى.

بۇگىندە ەرىكتىلەر وزدەرى قىزمەت كورسەتەتىن ورىنداردا ساقاداي ساي تۇر. ولار فورۋم قوناقتارىنا بەيدج شىعارادى، ۇيىمداستىرىلىپ جاتقان شارالارمەن تانىستىرادى جانە فورۋم جايلى كەز كەلگەن ساۋالعا جاۋاپ بەرەدى. جاستار توبى ارنايى دايىندىق كۋرستارىنان وتكەن. كەيبىرى - بىلتىر استانادا ۇيىمداستىرىلعان «ەكسپو – 2017» كورمەسىندەگى ەرىكتىلەر قاتارىندا بولعان ستۋدەنتتەر. سولاردىڭ ٴبىرى - مادينا تەمىربەكوۆا، م.قوزىبايەۆ اتىنداعى سقمۋ ستۋدەنتى. قارجى ٴبولىمىنىڭ 3-كۋرسىندا وقيتىن بويجەتكەن ٴۇش ٴتىلدى ەركىن مەڭگەرگەن.

«ەرىكتى قىزمەتىندە ەكى جىل ٴجۇرمىن. وسى فورۋمعا قاتىسۋ – مەن ٴۇشىن مارتەبە. سەبەبى ەكى پرەزيدەنت قاتىساتىن جيىن ٴبىز ٴۇشىن وتە ماڭىزدى. ٴوزىم «ەكسپو-2017» كورمەسىنە قاتىسقانمىن، تاجىريبەم دە بار. ەسىك الدىندا تۇرىپ ولارعا جول كورسەتەمىن، ول مەنىڭ ەڭ باستى مىندەتىم بولادى»، - دەيدى ول.

جالپى قازاقستان مەن رەسەيدىڭ حv ٴوڭىرارالىق ىنتىماقتاستىق فورۋمىنا سولتۇستىك قازاقستان وبلىسىنان 120 ەرىكتى قاتىسىپ، قوناقتارعا قىزمەت كورسەتەدى. بۇگىنگى كۇنى قوناقتاردىڭ العاشقى لەگى كەلىپ جاتىر.

«ەرىكتىلەردى جيناۋ جۇمىستارى ٴساۋىر ايىندا باستالدى. مامىر ايىندا ولار ارنايى كۋرستارعا قاتىستى، وقۋ-جاتتىعۋلار ەكى اپتا بۇرىن اياقتالدى. ەرىكتىلەردى قوناقتاردى كۇتىپ الۋعا، سابىرلى بولۋعا، كوشباسشىلىق قاسيەتتەرگە استانالىق ترەنەرلەر ۇيرەتتى. جاستاردىڭ ەڭبەگىنە اقشا تولەنبەيدى. سوندا دا ولار جۇمىس ىستەۋگە نيەت ٴبىلدىردى. ويتكەنى، جاستارعا وسىنداي شاراعا قاتىسىپ، ۇيىمداستىرۋشىلار قاتارىندا بولۋ ماڭىزدى. فورۋم اياقتالعاندا ولارعا تاراتىلعان فورما مەن سومكەلەر ەستەلىك بولىپ قالادى»، - دەيدى سقو جاستار ساياساتى ماسەلەسى جونىندەگى باسقارما باسشىسى يرينا تۋحۆاتۋلينا.

فورۋم كورمەسى جاقىندا عانا اشىلعان تەننيس ورتالىعىندا وتەدى، سوندىقتان مۇندا ەرىكتىلەر شتابى جانە قاتىسۋشىلارعا بەيدجدەر شىعارىپ بەرەتىن ورىن جۇمىس ىستەيدى. ۇيىمداستىرۋشىلار فورۋم قوناقتارىنىڭ سانى جوسپاردان كوپ بولۋى مۇمكىن ەكەنىن ايتتى.

بۇعان دەيىن مەملەكەت باسشىسى نۇرسۇلتان نازاربايەۆتىڭ اتالعان فورۋمعا باراتىنى تۋرالى اقوردانىڭ ٴباسپاسوز قىزمەتى حابارلادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي