BAQ.kz - Қазақстан жаңалықтары USD 369.01 BAQ.kz - Қазақстан жаңалықтары EUR 416.39 BAQ.kz - Қазақстан жаңалықтары RUB 5.53
استانا:

پەتروپاۆلدا قازاقستان مەن رەسەي تۋريستىك كورمەسى ٴوتىپ جاتىر

فوتو: автор

سولتۇستىك قازاقستان، baq.kz ٴتىلشىسى. پەتروپاۆلدا قازاقستان مەن رەسەي ٴوڭىرارالىق ىنتىماقتاستىقتىڭ حv فورۋمى اياسىندا تۋريستىك كورمە جۇمىسىن باستادى. بىرنەشە كۇن بويى جالعاساتىن شاراعا قازاقستاننىڭ بارلىق ٴوڭىرى مەن رەسەيدىڭ 10 وبلىسىنان 40 ەكسپونەنت قاتىسۋدا.

فوتو: اۆتور

ەكى ەل اراسىنداعى الەۋمەتتىك-مادەني، ەتنوگرافيالىق، مەديسينالىق، سپورتتىق، مادەني-تانىمدىق جانە ٴتۋريزمنىڭ باسقا دا سالالارىن دامىتۋدى ماقسات ەتكەن ٴوڭىرارالىق فورۋمنىڭ رەسمي سايتىندا بۇگىنگى كۇنگە دەيىن 2 مىڭعا جۋىق دەلەگات تىركەلگەن. تەننيس ورتالىعىندا اشىلعان كورمەدە ينە شانشار ورىن بولمادى. كوپشىلىك نازارىنا تۋريستىك باعىتتاعى ٴتۇرلى جوبا ۇسىنىلعان.

«بۇگىن قىزۋ جۇمىس باستالىپ كەتتى. ٴبىزدىڭ وبلىس يمانتاۋ-شالقار كۋرورتتىق ايماعىنا باسىمدىق بەرىپ وتىر. بيىل ول قازاقستانداعى ٴتۋريزمدى دامىتۋ باعدارلاماسىنا ەندى. نىسانعا كوممۋنيكاسيالار جەلىسى تارتىلىپ، قالىپقا كەلتىرىلەدى. بۇگىنگى شارا – تۋريزم سالاسىن دامىتۋدىڭ جاڭا كوكجيەگىن اشاتىنى ٴسوزسىز»، - دەدى سولتۇستىك قازاقستان وبلىسى اكىمىنىڭ ورىنباسارى داۋرەن جانداربەك.

فوتو: اۆتور

كورمەگە رەسەيدىڭ التاي ايماعىنان كەلگەن يامال-نەنەس وكرۋگىنىڭ پاۆيلونى كوپشىلىك نازارىن وزىنە ەرەكشە اۋداردى. نەنەس ۇلتتىق ناقىشىندا بەزەندىرىلگەن لاشىقتا سۋرەتكە تۇسۋشىلەر ۇزىن-سونار كەزەككە تۇردى. كوپشىلىك التاي ايماعىنان اكەلىنگەن شيكى بالىقتىڭ ٴدامىن تاتتى.

«مەن قازاقستانعا ٴبىرىنشى رەت كەلىپ تۇرمىن. پەتروپاۆل وتە قاتتى ۇنادى. ٴبىز بۇگىن ٴوز حالقىمىزدىڭ مادەنيەتىن بەينەلەيتىن بۇيىمداردى الىپ كەلدىك. ماسەلەن، بىزدە بۇعىلاردى قولعا ۇيرەتىپ، شارۋاشىلىقتا ٴالى كۇنگە پايدالانادى. ۇلتتىق تاعامدارىمىزدىڭ كوپشىلىگى – بالىقتان ازىرلەنەدى. ونى دا الا كەلدىك»، - دەيدى نەنەس ۇلتىنىڭ وكىلى ەكاتەرينا ساليندەر.

تاتارستان رەسپۋبليكاسىنىڭ پاۆيلونىنا كەلۋشىلەر قازان قالاسىنا 3د فورماتتا ساياحات جاساۋعا مۇمكىندىك الدى. كوپشىلىك تاتار حالقىنىڭ مادەنيەتىمەن تانىستى.

«تاتارستاندا بار جاقسىنىڭ ٴبارىن اكەلدىك. ٴبىزدىڭ تۋريزمگە قىزىققاندار زاماناۋي تەحنولوگيانىڭ كومەگىمەن ەلىمىزدىڭ ەڭ كورىكتى جەرىنە ساياحات جاساي الادى. وسىنداي جاڭاشىلدىقتار قازاقستاندىقتاردىڭ كوڭىلىنە ۇنايدى دەپ ويلايمىن. بۇگىنگى فورۋمنان جاڭا بايلانىستار كۇتەمىز. بىرنەشە كەلىسىمگە قول قويۋ جوسپارلانعان»، - دەيدى تاتارستان رەسپۋبليكاسىنىڭ وكىلى سەرگەي يۆانوۆ.

شەتەلدىك قوناقتار نازارىنا قازاقستان تاراپىنان الماتىنىڭ اپورتى، سولتۇستىك قازاقستان وبلىسىنىڭ شالقار-يمانتاۋ دەمالىس اۋماعى، پاۆلودار وبلىسىنىڭ باياناۋىل ۇلتتىق ساياباعى، ششۋچينسك-بۋراباي كۋرورتتىق ايماعى سىندى جوبالار ۇسىنىلدى. قازاقتىڭ ۇلتتىق تاعامدارى مەن قولونەر بۇيىمدارى دا كورمەدەن ويىپ ورىن الدى.

«بۇگىنگى كورمە كوڭىلىمنەن شىقتى. ٴوزىم ٴۇشىن كوپ پايدالى مالىمەت الدىم. قازاقستاندا دەمالۋعا بولاتىن ورىنداردىڭ كوپتىگىنە تاعى ٴبىر كوزىم جەتتى. بىزدە تۋريزم سالاسىن دامىتۋعا مول مۇمكىندىك بار. ٴبىزدىڭ ولكەنىڭ تابيعاتى باي. تەك ونى شەتەلدىك تۋريستەرگە ۇلتتىق ەرەكشەلىگىمىزدى قوسىپ بەرە ٴبىلۋىمىز كەرەك. تۋريزم - وسى كۇنگە دەيىن دە ەكى مەملەكەتتى بايلانىستىرىپ وتىرعان ماڭىزدى ەكونوميكالىق كوپىر سانالادى، سوندىقتان دا قىزىلجار تورىندەگى شارادان سوڭ بۇل سالا ودان ٴارى دامي تۇسەتىنىنە سەنىمدىمىن»، - دەيدى كورمەگە قاتىسۋشى گۇلنار مۇحامەدجانوۆا.

فورۋم اياسىندا قازاقستان رەسپۋبليكاسى مەن رەسەي فەدەراسياسى پرەزيدەنتتەرىنىڭ قاتىسۋىمەن كورمەنىڭ پلەنارلىق وتىرىسى وتەدى. ەكى ەلدىڭ باسشىلارى قاتىساتىن اۋقىمدى شارا سولتۇستىك قازاقستان وبلىسىندا العاش رەت ۇيىمداستىرىلىپ وتىر. سوندىقتان دا كەلەلى كەزدەسۋ بارىسىندا ٴتۋريزمدى دامىتۋ جانە العا جىلجىتۋدىڭ وزىق تاجىريبەسىمەن الماسۋعا، تۋريستىك يندۋسترياعا ينۆەستيسيالاردىڭ كەلۋىن ىنتالاندىرۋعا باسا نازار اۋدارىلماق. ەكى كۇن بويى تۋريزم سالاسى بويىنشا پانەلدىك سەسسيالار جۇمىسى جوسپارلانعان.

پەتروپاۆلدا قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆ پەن رەسەي فەدەراسياسىنىڭ پرەزيدەنتى ۆلاديمير ٴپۋتيننىڭ قاتىسۋىمەن وتەتىن ەكى مەملەكەت اراسىنداعى ىنتىماقتاستىق فورۋمى باستالعانىن حابارلاعانبىز.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي